Amós 4:8 - Li Santil hu

⁸ La̱ex quexco̱ex chixsicꞌbal le̱ haꞌ saꞌ eb li tenamit quixqꞌue cuiꞌ li hab, ut incꞌaꞌ quitzꞌakloc e̱re re tixnumsi le̱ chaki el. Ut riqꞌuin chixjunil li raylal li xecꞌul incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Q'eqchi Bible

⁸ Eb' li poyanam xkoheb' chi xsik'b'al xha' yalaq b'ar sa'eb' li tenamit, ut ink'a' xkotz li xchaqi'eeleb'. Ab'anan laa'ex ink'a' xexsutq'iik chaq wik'in”, chan li Qaawa'.

Amós 4:8 ပူးပေါင်းရင်းမြစ်များ

Amós 4:6

Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Hageo 1:6

Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

1 Reyes 18:5

Laj Acab quixye re laj Abdías: —Yoꞌo takasuti li tenamit chirilbaleb li yuꞌam haꞌ ut li nimaꞌ. Ma̱re anchal takatau caꞌchꞌinak richajeb li cacua̱y ut li mu̱l. Cui incꞌaꞌ nakatau xcuaheb, teꞌca̱mk ut tocana̱k chi ma̱cꞌaꞌ chic kacacua̱y ut chi ma̱cꞌaꞌ chic kamu̱l, chan.

Miqueas 6:14

Texcuaꞌak abanan incꞌaꞌ ta̱numekꞌ le̱ tzꞌocajic. Toj textzꞌoca̱k ajcuiꞌ texcana̱k. Te̱chꞌutub li cꞌaꞌru e̱re, abanan incꞌaꞌ ta̱ru̱k te̱xoc. Ut li cꞌaꞌru te̱xoc la̱in tinqꞌue chi makꞌecꞌ che̱ru saꞌ li ple̱t.

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Jeremías 3:7

La̱in quincꞌoxla nak ma̱re teꞌsukꞌi̱k cuiꞌchic cuiqꞌuin, usta ac xeꞌxba̱nu li ma̱c aꞌan. Abanan incꞌaꞌ queꞌsukꞌi cuiqꞌuin. Eb laj Judá li rech tenamitil queꞌril li yo̱queb chixba̱nunquil ut queꞌoc ajcuiꞌ chixba̱nunquil joꞌ yo̱queb aꞌan.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Oseas 11:5

Abanan incꞌaꞌ nequeꞌraj sukꞌi̱c cuiqꞌuin. Xban aꞌan eb laj Asiria teꞌnumta̱k saꞌ xbe̱neb ut aꞌanakeb chic lix reyeb. Chanchan nak queꞌcuan chak Egipto.

Hageo 2:17

La̱in quinsach ru le̱ racui̱mk nak quintakla li tikcual ikꞌ ut quintakla ajcuiꞌ li hab chi nabal toj retal quikꞌa le̱ racui̱mk ut quintakla ajcuiꞌ li sakbach toj retal qui-osoꞌ le̱ racui̱mk, ut quicana chi ma̱cꞌaꞌ rajbal li trabaj queba̱nu. Abanan incꞌaꞌ xejal e̱cꞌaꞌux ut incꞌaꞌ ajcuiꞌ xexsukꞌi cuiqꞌuin, chan li Ka̱cuaꞌ.