Amós 4:6 - Li Santil hu

⁶ Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Q'eqchi Bible

⁶ “Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Amós 4:6 ပူးပေါင်းရင်းမြစ်များ

Hageo 2:17

La̱in quinsach ru le̱ racui̱mk nak quintakla li tikcual ikꞌ ut quintakla ajcuiꞌ li hab chi nabal toj retal quikꞌa le̱ racui̱mk ut quintakla ajcuiꞌ li sakbach toj retal qui-osoꞌ le̱ racui̱mk, ut quicana chi ma̱cꞌaꞌ rajbal li trabaj queba̱nu. Abanan incꞌaꞌ xejal e̱cꞌaꞌux ut incꞌaꞌ ajcuiꞌ xexsukꞌi cuiqꞌuin, chan li Ka̱cuaꞌ.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Apocalipsis 2:21

La̱in xcuaj raj nak tixyotꞌ xchꞌo̱l ut tixjal xcꞌaꞌux ut xcuoybeni re tixba̱nu. Abanan incꞌaꞌ naraj xcanabanquil li ma̱usilal.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Ezequiel 16:27

Anakcuan xintaksi li cuukꞌ re nak tatinqꞌue chixtojbal la̱ ma̱c. Xcuisi cha̱cuu li cꞌaꞌru a̱cue. Xatinkꞌaxtesi saꞌ rukꞌeb laj filisteo li xicꞌ nequeꞌiloc a̱cue. Eb aꞌan nequeꞌsach xchꞌo̱leb xban li ma̱usilal li yo̱cat chixba̱nunquil.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

2 Crónicas 28:22

Usta cuan saꞌ raylal li rey Acaz, abanan kꞌaxal cuiꞌchic quima̱cob chiru li Ka̱cuaꞌ.

2 Reyes 8:1

Li profeta Eliseo quia̱tinac riqꞌuin li ixk li quiqꞌuirtesi̱c lix yum ut quixye re nak li Ka̱cuaꞌ tixtakla li cueꞌej saꞌ li naꞌajej aꞌan chiru cuukub chihab. Quixye re nak ta̱xic chi cua̱nc saꞌ jalan naꞌajej.

2 Reyes 4:38

Chirix aꞌan laj Eliseo quisukꞌi Gilgal. Saꞌ eb li cutan aꞌan yo̱ li cueꞌej. Jun chꞌu̱tal chi profeta queꞌxchꞌutub ribeb riqꞌuin. Laj Eliseo quixye re lix mo̱s: —Qꞌue li nimla ucꞌal saꞌ xam ut yi̱b lix tzacae̱mkeb, chan.

1 Reyes 18:2

Joꞌcan nak laj Elías co̱ riqꞌuin laj Acab. Yo̱ chi us li cueꞌej aran Samaria.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Deuteronomio 28:38

Nabal li iyaj li te̱rau, abanan caꞌchꞌin ajcuiꞌ li ru li te̱xoc xban nak eb laj sa̱cꞌ teꞌxcuaꞌ le̱ racui̱mk.

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Joel 1:16

¿Ma incꞌaꞌ ta biꞌ yo̱co rilbal nak xsacheꞌ chiku li kacui̱mk? Ut, ¿ma sahak ta biꞌ chic kachꞌo̱l saꞌ lix templo li kaDios?

Levítico 26:23

Ut cui ac xecꞌul chixjunil li raylal aꞌin, abanan cui toj incꞌaꞌ nequecꞌul le̱ kꞌusbal ut xicꞌ nequine̱ril,

Li xHu LIX RUT 1:1

Saꞌ eb li cutan nak cuanqueb laj rakol a̱tin chi takla̱nc saꞌ xbe̱neb li tenamit Israel, quicuan jun li cueꞌej saꞌ chixjunil li naꞌajej aꞌan. Ut cuan jun li cui̱nk aj Belén xcue̱nt Judá co̱ chi cua̱nc saꞌ li tenamit Moab rochben li rixakil. Ut xcabichaleb li ralal quixcꞌam chirix.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Oseas 11:5

Abanan incꞌaꞌ nequeꞌraj sukꞌi̱c cuiqꞌuin. Xban aꞌan eb laj Asiria teꞌnumta̱k saꞌ xbe̱neb ut aꞌanakeb chic lix reyeb. Chanchan nak queꞌcuan chak Egipto.