Amós 4:5 - Li Santil hu

⁵ Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.

Q'eqchi Bible

⁵ K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.

Amós 4:5 ပူးပေါင်းရင်းမြစ်များ

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

San Mateo 6:2

Ut nak ta̱si li cꞌaꞌak re ru re li ani ta̱raj tenkꞌa̱c, ma̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxic saꞌ li cab li nequeꞌxchꞌutub cuiꞌ ribeb laj judío ut saꞌ eb li cꞌayil chixyebal resil li usilal nequeꞌxba̱nu re nak teꞌqꞌuehekꞌ xlokꞌal xbaneb li cui̱nk. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil nak queꞌqꞌueheꞌ xlokꞌal xbaneb li cui̱nk.

Oseas 9:1

Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

San Mateo 23:23

Ra cha̱lel saꞌ e̱be̱n la̱ex aj tzꞌi̱b ut ex aj fariseo, ex aj caꞌ pacꞌal u. Nequemayeja lix laje̱tkil li isquiꞌij, li eneldo ut li comino. Ut nequetzꞌekta̱na li kꞌaxal cuan xcuanquil saꞌ li chakꞌrab. Incꞌaꞌ nequeba̱nu li ti̱quilal. Incꞌaꞌ nequex-uxta̱nan u ut incꞌaꞌ nequexpa̱ban. Us nak nequemayeja lix laje̱tkil abanan incꞌaꞌ raj nequecanab xba̱nunquil li kꞌaxal cuan xcuanquil.

San Mateo 15:9

Ma̱cꞌaꞌ rajbal nak niquineꞌxlokꞌoni xban nak li tijleb li nequeꞌxcꞌut aꞌan yal xchakꞌrabeb li cui̱nk.— (Isa. 29:13)

Levítico 23:17

Saꞌ le̱ rochoch te̱cꞌam chak cuib li caxlan cua chokꞌ e̱mayej chiru li Ka̱cuaꞌ. Li junju̱nk chi caxlan cua aꞌan yi̱banbil riqꞌuin numenak cuakxakib libra li cha̱bil cꞌaj ut cua̱nk xchꞌamal. Laj tij tixtaksi saꞌ rukꞌ chiru li Ka̱cuaꞌ chokꞌ re le̱ mayej re li xbe̱n ru le̱ trigo.

Jeremías 7:9

La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.

Jeremías 7:10

Ut chirix aꞌan nequexcꞌulun saꞌ li templo bar ninlokꞌoni̱c cuiꞌ ut nequeye chi joꞌcaꞌin, ‘Cueꞌco, colbilo,’ chanquex, ut toj yo̱quex ajcuiꞌ chixba̱nunquil li ma̱usilal.

Amós 5:21

Li Ka̱cuaꞌ quixye: —Xicꞌ nacuil le̱ ninkꞌe ut nintzꞌekta̱na chixjunil li cꞌaꞌru nequeba̱nu nak nequexninkꞌei̱c. Incꞌaꞌ nacuulac chicuu nak nequechꞌutub e̱rib chinlokꞌoninquil.

Amós 5:22

Usta nequemayeja li cꞌatbil xul re xqꞌuebal inlokꞌal ut nequemayeja li ru le̱ trigo, abanan incꞌaꞌ nacuulac chicuu. Usta te̱mayeja li ral li cuacax, li nim xtibel re xcꞌambal cuiꞌchic e̱rib saꞌ usilal cuiqꞌuin, abanan la̱in incꞌaꞌ tincꞌul.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Isaías 1:11

Li Dios quixye: —Ma̱cꞌaꞌ na-oc cuiꞌ cue li qꞌuila mayej nequemayeja chicuu. Xintitzꞌ xban le̱ cꞌatbil mayej. Xintitzꞌ riqꞌuin li cꞌatbil carner ut lix xe̱bul li sa̱j cuacax ni̱nkeb xtibel. Incꞌaꞌ chic nacuulac chicuu lix quiqꞌuel li toro, li carner, ut li chiba̱t.