Amós 4:12 - Li Santil hu

¹² Joꞌcan nak la̱in tinqꞌuehok e̱re chixtojbal rix le̱ ma̱usilal, la̱ex laj Israel. Cauresihomak e̱rib xban nak la̱in tinrakok a̱tin saꞌ e̱be̱n, chan li Ka̱cuaꞌ.

Q'eqchi Bible

¹² “Jo'kan naq juntaq'eet ajwi' tinb'aanu eere, ex aj Israel. Kawresihomaq eerib' chi xk'ulb'al li Qaawa' leeYos sa' li raqb'a aatin, ex ralal xk'ajol laj Israel”.

Amós 4:12 ပူးပေါင်းရင်းမြစ်များ

Ezequiel 13:5

Moco queꞌxyi̱b ta li tzꞌac li queꞌjuqꞌueꞌ chi moco queꞌxyi̱b li tzꞌac sutsu cuiꞌ li tenamit Israel re te̱col cuiꞌ e̱rib saꞌ li ple̱t. Eb aꞌan incꞌaꞌ queꞌxchꞌolob xya̱lal che̱ru re nak ta̱ru̱k te̱col e̱rib saꞌ li cutan nak ta̱cha̱lk li Ka̱cuaꞌ chi rakoc a̱tin saꞌ e̱be̱n.

Isaías 47:3

Anakcuan ta̱cꞌutu̱nk chiruheb chixjunileb li cꞌaꞌak re ru xuta̱nal xlaje̱ba̱nu. Chicꞌutu̱nk nak muxbil chic e̱ru. La̱in tinqꞌue re̱kaj e̱re li rahobtesi̱nc xeba̱nu ut ma̱ ani ta̱ru̱k ta̱colekꞌ chicuu, chan li Dios.

San Mateo 24:44

Joꞌcan ajcuiꞌ la̱ex yoꞌon cua̱nkex chi oybeni̱nc xban nak incꞌaꞌ nequenau jokꞌe ho̱nal tincuulak la̱in li Cꞌajolbej. Tincuulak chi ma̱cꞌaꞌ saꞌ e̱chꞌo̱l.

San Mateo 5:25

Cui cuan la̱ chꞌaꞌajquilal riqꞌuin la̱ cuas a̱cui̱tzꞌin, yi̱b ru chi junpa̱t. Cui incꞌaꞌ nacacꞌam a̱cuib saꞌ usilal chi junpa̱t, ma̱re anchal tatxcꞌam riqꞌuin laj rakol a̱tin ut aꞌan tatxtakla saꞌ tzꞌalam.

Oseas 13:8

La̱in tinjoskꞌokꞌ joꞌ nak najoskꞌoꞌ li ixki oso li na-elkꞌa̱c ral chiru. Tinba̱nu joꞌ naxba̱nu li oso nak naxchap ut naxtꞌupi li namakꞌoc re li ral chiru toj retal tixcamsi. Chanchanakin li cakcoj nak tinsacheb. Ut tinba̱nu joꞌ naxba̱nu li joskꞌ aj xul saꞌ qꞌuicheꞌ nak naxtꞌupi lix tib.

Ezequiel 22:30

La̱in xinsicꞌ jun saꞌ xya̱nkeb re nak tixcoleb chicuu. Xinsicꞌ jun naru tixchꞌolob lix ya̱lal chiruheb re nak incꞌaꞌ tinsacheb lin tenamit. Abanan ma̱ jun cha̱bil xintau.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

Amós 2:14

Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Isaías 64:2

Cuben chak ut cꞌut la̱ cuanquil chiruheb li xicꞌ nequeꞌiloc a̱cue. Ut eb li xni̱nkal ru tenamit sicsotkeb teꞌcana̱k cha̱cuu. Chanchan nak naloch li xam ut nacuokxin li haꞌ xban xtikcual.

Jeremías 5:22

¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.