Amós 4:10 - Li Santil hu

¹⁰ Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Q'eqchi Bible

¹⁰ “Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Amós 4:10 ပူးပေါင်းရင်းမြစ်များ

Deuteronomio 28:60

Tixqꞌue saꞌ e̱be̱n eb li yajel li quixqꞌue saꞌ xbe̱neb laj Egipto, li kꞌaxal xiu xiu, ut incꞌaꞌ chic tex-usa̱k.

Joel 2:20

La̱in tinyolesiheb laj sa̱cꞌ li queꞌchal saꞌ li norte. Cuan li tebintakla saꞌ li chaki chꞌochꞌ. Cuan li tebintakla saꞌ li palau Mar Muerto ut cuan li tebintakla saꞌ li palau Mediterráneo. Ut telajeꞌca̱mk. Teꞌkꞌa̱k ut teꞌchuhokꞌ. Sachba chꞌo̱lej tinba̱nu nak tincoleb lin tenamit, chan.

2 Reyes 13:7

Ma̱cꞌaꞌ chic xsoldado laj Joacaz queꞌcana. Mero ciento aj chic lix soldado li nequeꞌxic chirix cacua̱y, laje̱b aj chic lix carruaje ut laje̱b mil aj chic li soldado li nequeꞌxic chi rokeb. Ut eb li jun chꞌol chic queꞌsacheꞌ ruheb xbaneb laj Asiria. Chanchan nak nayekꞌi̱c li poks saꞌ chꞌochꞌ nak queꞌsacheꞌ ruheb.

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Deuteronomio 7:15

Li Ka̱cuaꞌ ta̱colok e̱re chiruheb li yajel. Incꞌaꞌ te̱yajeni li yibru yajel li queꞌxcꞌul eb laj Egipto nak cuanquex chak aran. Tixtakla ban li yajel saꞌ xbe̱neb li xicꞌ nequeꞌiloc e̱re.

Amós 8:3

Saꞌ li cutan aꞌan, li bicha̱nc saꞌ li palacio ta̱sukꞌisi̱k chokꞌ ya̱bac. Nabaleb li teꞌca̱mk yalak bar. Ut mem teꞌcana̱k li tenamit chirilbal lix qꞌuialeb li camenak nak yo̱queb chirisinquil, chan.

Amós 4:6

Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Jeremías 18:21

Anakcuan ta̱takla taxak li cueꞌej saꞌ xbe̱neb li ralal xcꞌajoleb. Cheꞌcamsi̱k ta riqꞌuin chꞌi̱chꞌ. Eb li ixakilbej cheꞌcana̱k chi ma̱cꞌaꞌak chic lix cocꞌaleb ut chi ma̱cꞌaꞌak chic lix be̱lomeb. Eb li be̱lomej cheꞌca̱mk ut eb li toj sa̱jeb cheꞌcamsi̱k saꞌ li ple̱t.

Jeremías 11:22

Joꞌcan nak li Dios quixye: —La̱in tinqꞌueheb chixtojbal lix ma̱queb. Eb li sa̱j cui̱nk teꞌcamsi̱k chi chꞌi̱chꞌ saꞌ li ple̱t ut eb li ralal xcꞌajoleb li toj sa̱jeb teꞌca̱mk xban xtzꞌocajiqueb.

2 Reyes 13:3

Xban li ma̱usilal li queꞌxba̱nu, quichal xjoskꞌil li Ka̱cuaꞌ Dios saꞌ xbe̱neb laj Israel. Najt quixcanabeb rubel xcuanquil laj Hazael lix reyeb laj Siria joꞌ ajcuiꞌ laj Ben-adad li ralal.

Deuteronomio 28:22

Tixtakla nabal pa̱y ru li yajel saꞌ e̱be̱n joꞌ li caki yajel. Texsipokꞌ ut cꞌajoꞌak le̱ tik. Incꞌaꞌ chic tixqꞌue li hab saꞌ xbe̱n le̱ racui̱mk ut cꞌajoꞌ xtikcual. Ta̱moꞌo̱nk le̱ racui̱mk. Cꞌajoꞌ li raylal te̱cꞌul toj retal texca̱mk.

Levítico 26:16

la̱in texinqꞌue chixtojbal rix le̱ ma̱c. Xiu xiu chic cua̱nkex. Ut la̱in tintakla chak li raylal saꞌ e̱be̱n. Tintakla li yajel li incꞌaꞌ naru xbanbal. Ut tintakla li caki yajel saꞌ e̱be̱n tixlubtesi le̱ tibel ut ta̱rocsi xyajel li xnakꞌ e̱ru. Tex-a̱uk raj chic, abanan moco te̱tzaca ta chic. Aꞌaneb ban chic li xicꞌ nequeꞌiloc e̱re teꞌtzaca̱nk re.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.

Jeremías 48:15

Eb li tenamit Moab ut eb li cristian teꞌsachekꞌ ruheb. Eb li sa̱j cui̱nk li sicꞌbileb ru camsinbilakeb chi chꞌi̱chꞌ nak teꞌosokꞌ, chan li tzꞌakal Rey, li “Nimajcual Dios” xcꞌabaꞌ.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 15:3

Ca̱hib pa̱y ru li tojba ma̱c tinqꞌue saꞌ xbe̱neb. La̱in tincanabeb chi camsi̱c saꞌ li ple̱t. Eb li tzꞌiꞌ teꞌxtꞌupi eb li camenak ut eb li soꞌsol, joꞌ eb ajcuiꞌ li joskꞌ aj xul li cuanqueb saꞌ qꞌuicheꞌ teꞌxtiu lix tibeleb.

Jeremías 9:22

Eb li camenak tꞌantꞌo̱queb yalak bar. Chanchaneb li cꞌot saꞌ li cꞌaleba̱l. Chanchan li ru trigo li natꞌaneꞌ chirixeb li yo̱queb chi sicꞌoc re ut ma̱ ani ta̱xocok re”, chan.

Jeremías 6:11

Cꞌajoꞌ lin joskꞌil saꞌ xbe̱neb joꞌ la̱ joskꞌil la̱at, at Ka̱cuaꞌ. Incꞌaꞌ chic nincuy, chanquin re. Ut li Ka̱cuaꞌ quixye cue: —Isi la̱ joskꞌil saꞌ xbe̱neb li cocꞌal li cuanqueb saꞌ be ut saꞌ xbe̱neb li sa̱j al li nequeꞌxchꞌutub ribeb. Eb li be̱lomej teꞌcꞌamekꞌ chi pre̱xil rochbeneb li rixakil joꞌ eb ajcuiꞌ li ti̱xeb.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

2 Reyes 10:32

Saꞌ eb li cutan aꞌan li Ka̱cuaꞌ quixtiquib xcꞌosbal lix naꞌajeb laj Israel. Laj Hazael quinumta saꞌ xbe̱neb laj Israel saꞌ eb li nuba̱l re lix naꞌajeb.

2 Reyes 8:12

Laj Hazael quixye re: —At profeta Eliseo, ¿cꞌaꞌut nak yo̱cat chi ya̱bac? chan. Ut li profeta quixye re: —Yo̱quin chi ya̱bac xban nak ninnau nak la̱at tatrahobtesi̱nk reheb laj Israel. La̱at ta̱cꞌat li rochocheb li teꞌxcol cuiꞌ ribeb. Ta̱camsiheb li sa̱j cui̱nk ut ta̱saqꞌueb chiru pec li cocꞌal nak ta̱camsiheb. Ut ta̱set chi chꞌi̱chꞌ lix saꞌeb li yaj aj ixk, chan.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

Éxodo 10:27

Ut li Dios quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Éxodo 9:17

Abanan la̱at riqꞌuin chixjunil aꞌin, toj yo̱cat chixnimobresinquil a̱cuib saꞌ xbe̱neb lin tenamit ut incꞌaꞌ nacacanabeb chi xic.

Éxodo 9:12

Ut li Ka̱cuaꞌ Dios quixcacuubresi xchꞌo̱l laj faraón. Joꞌ quixye li Ka̱cuaꞌ Dios re laj Moisés junxil, laj faraón ti̱c incꞌaꞌ quixba̱nu li cꞌaꞌru queꞌxye.

Deuteronomio 28:21

Li Ka̱cuaꞌ tixqꞌue li caki yajel saꞌ e̱be̱n toj retal texsachekꞌ saꞌ li naꞌajej li tex-oc cuiꞌ.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Isaías 34:3

Eb li camenak telajeꞌcana̱k chi tꞌantꞌo ut cꞌajoꞌak xchuhaleb. Ut ta̱osokꞌ li tzu̱l saꞌ lix quiqꞌueleb.

Isaías 50:11

Abanan che̱junilex la̱ex li nequecꞌu̱b chanru nak te̱camsiheb le̱ ras e̱ri̱tzꞌin texsachekꞌ xban li cꞌaꞌru nequecꞌu̱b ru xba̱nunquil. Li Ka̱cuaꞌ ta̱ba̱nu̱nk re nak texsachekꞌ ut xban li raylal te̱cꞌul tex-osokꞌ.

Jeremías 49:26

Relic chi ya̱l nak eb li sa̱j cui̱nk teꞌcana̱k chi tꞌantꞌo saꞌ eb li be. Ut eb li soldado teꞌcamsi̱k saꞌ li ple̱t saꞌ eb li cutan aꞌan, chan li Ka̱cuaꞌ.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Oseas 11:5

Abanan incꞌaꞌ nequeꞌraj sukꞌi̱c cuiqꞌuin. Xban aꞌan eb laj Asiria teꞌnumta̱k saꞌ xbe̱neb ut aꞌanakeb chic lix reyeb. Chanchan nak queꞌcuan chak Egipto.

Hageo 2:17

La̱in quinsach ru le̱ racui̱mk nak quintakla li tikcual ikꞌ ut quintakla ajcuiꞌ li hab chi nabal toj retal quikꞌa le̱ racui̱mk ut quintakla ajcuiꞌ li sakbach toj retal qui-osoꞌ le̱ racui̱mk, ut quicana chi ma̱cꞌaꞌ rajbal li trabaj queba̱nu. Abanan incꞌaꞌ xejal e̱cꞌaꞌux ut incꞌaꞌ ajcuiꞌ xexsukꞌi cuiqꞌuin, chan li Ka̱cuaꞌ.