Amós 4:1 - Li Santil hu

¹ Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Q'eqchi Bible

¹ Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Amós 4:1 ပူးပေါင်းရင်းမြစ်များ

Salmos 22:12

Eb li xicꞌ nequeꞌiloc cue, sutsu̱quin xbaneb. Chanchaneb li qꞌuila toro. Chanchaneb li joskꞌ aj toro li nequeꞌchal chak saꞌ li naꞌajej Basán.

Amós 6:1

Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Ezequiel 39:18

Teꞌxtiu xtibeleb li ni̱nkeb xcuanquil, ut teꞌrucꞌ xquiqꞌueleb li queꞌtaklan saꞌ ruchichꞌochꞌ. Chanchanakeb li carner ut li toro ut li chiba̱t, li queꞌqꞌuiresi̱c Basán, li ni̱nkeb xtibel.

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Joel 3:3

Queꞌbu̱lic chirixeb lin tenamit. Ut queꞌxcꞌayiheb li sa̱j al chokꞌ xtojbaleb li ixk li nequeꞌxcꞌayi ribeb. Ut queꞌxcꞌayiheb li tukꞌ ixk chokꞌ xtzꞌak li vino li nequeꞌrucꞌ.

Ezequiel 22:29

Eb li tenamit junes rahobtesi̱nc nequeꞌxcꞌoxla xba̱nunquil. Ut aj e̱lkꞌeb. Nequeꞌxba̱nu raylal reheb li nebaꞌ ut reheb li tenkꞌa̱c teꞌraj. Nequeꞌxrahobtesiheb ajcuiꞌ li jalan xtenamiteb li incꞌaꞌ xcꞌulubeb rahobtesi̱c.

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

Jeremías 51:34

Eb li cuanqueb Jerusalén queꞌxye: —Laj Nabucodonosor lix reyeb laj Babilonia quixsach ku. Ma̱cꞌaꞌ chic cuan chi saꞌ li katenamit xcanab. Chanchan jun li secꞌ ma̱cꞌaꞌ chic cuan chi saꞌ. Laj Nabucodonosor chanchan jun li dragón naxnukꞌ li joꞌ qꞌuial naraj ut naxtzꞌek li incꞌaꞌ naraj.

Jeremías 50:27

Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Jeremías 6:6

Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Salmos 140:12

La̱in ninnau nak li nimajcual Dios incꞌaꞌ naxcanab yal chi joꞌcan li raylal li nequeꞌxcꞌul li rahobtesinbileb. Naxcoleb ban li teꞌraj tenkꞌa̱c.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Li xHu LAJ JOB 20:19

Quixrahobtesiheb li nebaꞌ ut quixmakꞌ chiruheb li cꞌaꞌru cuan reheb. Quixmakꞌ chiruheb li rochocheb incꞌaꞌ quixcꞌanjela.

1 Reyes 16:24

Laj Omri quixlokꞌ riqꞌuin laj Semer li tzu̱l li cuan Samaria. Quixlokꞌ chi jun ciento riqꞌuin o̱b roxcꞌa̱l (145) libras li plata. Ut saꞌ li naꞌajej aꞌan quixyi̱b jun li tenamit chi cha̱bil. Samaria quixqꞌue chokꞌ xcꞌabaꞌ li tenamit aꞌan. Quixqꞌue li xcꞌabaꞌ aꞌan xban nak aj Semer xcꞌabaꞌ laj e̱chal re li naꞌajej junxil.

Deuteronomio 28:33

Ut li jalaneb xtenamit tixmakꞌ che̱ru le̱ racui̱mk li xetacuasi e̱rib xcꞌanjelanquil. Xicꞌ chic tex-ilekꞌ ut junes raylal chic te̱cꞌul.

Jeremías 50:11

Li Ka̱cuaꞌ quixye: —La̱ex aj Babilonia, la̱ex xerecꞌa xsahil nak xexnumta saꞌ xbe̱neb lin tenamit ut xemakꞌ chiruheb li cꞌaꞌru reheb ut sa saꞌ e̱chꞌo̱l. Chanchanex li cuacax li napiscꞌoc saꞌ pachꞌayaꞌ, malaj ut chanchanex li cacua̱y li naxjap re xban xsahil xchꞌo̱l.

Deuteronomio 24:14

Me̱rahobtesiheb le̱ mo̱s nebaꞌ li tenkꞌa̱c naraj, usta le̱ rech aj Israelil usta jalan xtenamit li cuan saꞌ e̱ya̱nk.

Ezequiel 18:12

Ma̱re naxrahobtesiheb li nebaꞌ ut li tenkꞌa̱c teꞌraj ut na-elkꞌa̱c. Incꞌaꞌ naxkꞌaxtesi li cꞌaꞌru quiqꞌueheꞌ re chokꞌ prenda. Naxlokꞌoniheb li jalanil dios ut naxba̱nu li ma̱usilal.

Amós 6:6

Ni̱nki secꞌ nequerucꞌ cuiꞌ le̱ vino. Ut nequerocsi li sununquil ban li kꞌaxal terto xtzꞌak. Abanan incꞌaꞌ nayotꞌeꞌ e̱chꞌo̱l xban li raylal li yo̱queb chixcꞌulbal le̱ ras e̱ri̱tzꞌin la̱ex laj Israel.

Números 21:33

Chirix aꞌan eb laj Israel queꞌco̱eb saꞌ li be li naxic Basán. Ut laj Og lix reyeb laj Basán rochbeneb lix soldado queꞌco̱eb chi pletic riqꞌuineb saꞌ li naꞌajej Edrei.

Li xHu LAJ JOB 24:4

Incꞌaꞌ nequeꞌxqꞌue saꞌ ruheb li nebaꞌ ut incꞌaꞌ nequeꞌcuan saꞌ ti̱quilal riqꞌuineb. Eb li nebaꞌ nequeꞌxmuk ribeb chiruheb xban xxiuheb.

Proverbios 22:7

Eb li biom nequeꞌnumta saꞌ xbe̱neb li nebaꞌ. Ut li ani natoꞌonin riqꞌuin li cuan xtumin, chanchan chic xmo̱s nacana cuiꞌ.

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Amós 3:3

¿Ma ta̱ru̱k ta biꞌ teꞌcua̱nk chi sum a̱tin cuibak cui incꞌaꞌ junajak ru lix cꞌaꞌuxeb?