Amós 3:8 - Li Santil hu

⁸ ¿Ani ta biꞌ incꞌaꞌ ta̱xucuak nak tixjap re li cakcoj? Cui nequeꞌxucuac xban li cakcoj nak naxjap re, ¿ma tojaꞌ ta chic incꞌaꞌ teꞌxucuak chiru li Dios? Cui junak ta̱a̱tina̱k xban li Ka̱cuaꞌ, ¿ma incꞌaꞌ ta biꞌ tixye resil li cꞌaꞌru quicꞌutbesi̱c chiru?

Q'eqchi Bible

⁸ Ani ink'a' naxiwak naq naxjap chaq re li kaqkoj? Ani ink'a' taa'aatinaq jo' propeet wi li Qaawa' nayehok re?

Amós 3:8 ပူးပေါင်းရင်းမြစ်များ

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

Amós 3:4

¿Ma tixjap ta biꞌ re li cakcoj saꞌ qꞌuicheꞌ cui incꞌaꞌ tixchap xtib? ¿Ma ho̱n ta biꞌ nacꞌut xjoskꞌil li chꞌina cakcoj nak toj ma̱jiꞌ naxtau lix tib?

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Amós 1:2

Quixye: —Li nimajcual Dios ta̱a̱tinak chak chi cau xya̱b xcux toj Sión. Toj aran Jerusalén ta̱a̱tinak chak li Ka̱cuaꞌ. Ut nak ta̱a̱tinak chak, talajeꞌchakik li pim. Ut talajeꞌchakik ajcuiꞌ li pachꞌayaꞌ saꞌ li tzu̱l Carmelo.

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

1 Corintios 9:16

La̱in incꞌaꞌ ninnimobresi cuib xban nak ninchꞌolob xya̱lal li colba-ib. Taklanbilin chi cꞌanjelac xban li Dios. Kꞌaxal ra raj chokꞌ cue cui ta incꞌaꞌ ninjultica resil.

Amós 2:12

Ut quixye ajcuiꞌ: —Abanan la̱ex quemin ruheb laj nazareo chi ucꞌac vino, ut quetacchiꞌiheb li profeta nak incꞌaꞌ teꞌxye li cua̱tin reheb li tenamit.

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Hechos 5:20

—Ayukex saꞌ li templo ut te̱chꞌolob xya̱lal chiruheb li tenamit chirix li acꞌ yuꞌam, chan reheb.

Isaías 31:4

Li Ka̱cuaꞌ quixye cue chi joꞌcaꞌin: —La̱in tinpletik re xcolbal rix lin tenamit saꞌ li tzu̱l Sión. Ma̱ ani ta̱ru̱k ta̱ramok chicuu joꞌ jun li cakcoj naxcol rix lix tib li ac xchap. Usta japjo̱queb re laj ilol re li xul chixcolbal lix carner, li cakcoj incꞌaꞌ ta̱xucuak.

Ezequiel 29:21

Saꞌ eb li cutan aꞌan la̱in tinqꞌue cuiꞌchic xcuanquileb laj Israel. Ut la̱at, at Ezequiel, tatinxakab re nak ta̱chꞌolob xya̱lal chiruheb. Ut riqꞌuin aꞌan teꞌxqꞌue retal nak la̱in li Ka̱cuaꞌ Dios.—

Isaías 21:10

Ex intenamit Israel, kꞌaxal ra xecꞌul joꞌ li ru li trigo li nayekꞌman re risinquil li rix. Yo̱quin chixyebal e̱re li cꞌaꞌru quixye cue li Ka̱cuaꞌ li nimajcual Dios, lix Dioseb laj Israel, chan laj Isaías.

Jeremías 26:12

Quia̱tinac laj Jeremías riqꞌuineb chixjunileb li cuanqueb xcuanquil ut riqꞌuineb ajcuiꞌ li tenamit ut quixye: —Aꞌ li Ka̱cuaꞌ xtaklan chak cue chixyebal resil li raylal li ta̱cha̱lk saꞌ xbe̱n li templo aꞌin joꞌ ajcuiꞌ saꞌ xbe̱neb li tenamit aꞌin. La̱ex xerabi li cꞌaꞌru xinye.