Amós 3:7 - Li Santil hu

⁷ Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Q'eqchi Bible

⁷ Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Amós 3:7 ပူးပေါင်းရင်းမြစ်များ

San Juan 15:15

La̱ex ma̱cuaꞌakex chic yal aj cꞌanjel xban nak junak laj cꞌanjel incꞌaꞌ naxnau cꞌaꞌru yo̱ lix patrón. Abanan la̱in xinye e̱re chixjunil li naxye cue lin Yucuaꞌ. Aꞌan naxcꞌut nak raro̱quex inban.

Génesis 18:17

Tojoꞌnak li Ka̱cuaꞌ Dios quixye saꞌ xchꞌo̱l: —Incꞌaꞌ tinmuk chiru laj Abraham li cꞌaꞌru tinba̱nu.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Apocalipsis 1:1

Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

Génesis 6:13

Joꞌcan nak quixye re laj Noé: —Tinsach ruheb chixjunil li cristian xban nak xnumta li ma̱c xeꞌxba̱nu. La̱in tinsach ru li ruchichꞌochꞌ chi junaj cua, chan li Dios.

Apocalipsis 4:1

Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan.

Daniel 10:21

Ma̱ ani natenkꞌan cue, caꞌaj cuiꞌ li ángel Miguel li na-iloc reheb laj Israel. La̱in tincꞌutbesi cha̱cuu li cꞌaꞌru tzꞌi̱banbil saꞌ li hu re li ya̱l.

Jeremías 23:22

Cui ta queꞌxnau li cꞌaꞌru cuan saꞌ inchꞌo̱l la̱in, queꞌxye raj li cua̱tin reheb lin tenamit. Ut eb aꞌan queꞌsukꞌi raj cuiqꞌuin ut queꞌxcanab raj xba̱nunquil li ma̱usilal.

Apocalipsis 1:19

Tzꞌi̱ba retalil li cꞌaꞌru yo̱cat chirilbal xban nak aꞌan retalil li yo̱ chi cꞌulma̱nc anakcuan ut li ta̱cꞌulma̱nk mokon.

Daniel 11:2

Ut anakcuan la̱in ajcuiꞌ tinyehok a̱cue lix ya̱lal li ta̱cꞌulma̱nk. Teꞌcua̱nk oxib lix reyeb laj Persia ut lix ca̱ reyeb, aꞌan kꞌaxal nabal xbiomal ta̱cua̱nk chiruheb li oxib li teꞌcua̱nk. Tixcacuubresi rib riqꞌuin lix biomal ut ta̱oc chi pletic riqꞌuin li tenamit Grecia.

2 Reyes 22:13

Quixye reheb: —Ayukex ut patzꞌomak re li Ka̱cuaꞌ chicuix la̱in ut chirixeb li tenamit ut chirixeb laj Judá. Patzꞌomak cꞌaꞌru takaba̱nu riqꞌuin li cꞌaꞌru tzꞌi̱banbil saꞌ li hu aꞌin. Li Ka̱cuaꞌ yo̱ xjoskꞌil saꞌ kabe̱n xban nak eb li kaxeꞌto̱nil yucuaꞌ incꞌaꞌ queꞌxba̱nu li cꞌaꞌru tzꞌi̱banbil saꞌ li hu aꞌin, chan li rey Josías.

2 Reyes 6:12

Jun saꞌ xya̱nkeb quixye re: —At rey, ma̱ jun ke yo̱ chi oque̱nc chirix li rey aꞌan. Aran cuan li profeta Eliseo ut aꞌan naxye re li rey chixjunil li nacacꞌu̱b ru, usta nayeman chi mukmu saꞌ la̱ cuariba̱l, chan.

2 Reyes 22:20

La̱in incꞌaꞌ tinqꞌueheb chixtojbal xma̱queb nak toj yoꞌyo̱kat. La̱at incꞌaꞌ ta̱cuil li raylal li tintakla saꞌ xbe̱neb. Tatca̱mk ut toxa̱tauheb la̱ xeꞌto̱nil yucuaꞌ. Ut tatmukekꞌ saꞌ xya̱lal,” chan li Dios.— Ut eb li takl queꞌsukꞌi riqꞌuin li rey Josías ut queꞌxye re li cꞌaꞌru quixye li Dios.

Apocalipsis 10:7

Nak tixya̱basi lix trompeta li xcuuk ángel, saꞌ eb li cutan aꞌan ta̱tzꞌaklok ru lix cꞌaꞌux li Dios, li mukmu nak quicuan. Ta̱tzꞌaklok ru joꞌ quixye reheb li profeta li queꞌcꞌanjelac chiru, chan.

Ezequiel 29:21

Saꞌ eb li cutan aꞌan la̱in tinqꞌue cuiꞌchic xcuanquileb laj Israel. Ut la̱at, at Ezequiel, tatinxakab re nak ta̱chꞌolob xya̱lal chiruheb. Ut riqꞌuin aꞌan teꞌxqꞌue retal nak la̱in li Ka̱cuaꞌ Dios.—

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

1 Samuel 9:15

Jun cutan chic ma̱ nacuulac laj Saúl, nak li Dios quia̱tinac riqꞌuin ut quixye re:

Isaías 18:4

Li Ka̱cuaꞌ quixye cue: —Incꞌaꞌ tin-ecꞌa̱nk nak tin-ilok chak saꞌ choxa li nincuan cuiꞌ. Tincuil cꞌaꞌru yo̱queb li tenamit. Chanchanakin li sakꞌe nak tik tik ru nak ac xqꞌue jun cꞌasal li hab. Chanchanakin li chok li naxtꞌakresi li pim saꞌ sakꞌehil, chan li Ka̱cuaꞌ.