Amós 3:3 - Li Santil hu

³ ¿Ma ta̱ru̱k ta biꞌ teꞌcua̱nk chi sum a̱tin cuibak cui incꞌaꞌ junajak ru lix cꞌaꞌuxeb?

Q'eqchi Bible

³ Ma na'uxk tab'i' b'eek sa' wiib'al wi ink'a' wankeb' sa' aatin?

Amós 3:3 ပူးပေါင်းရင်းမြစ်များ

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 5:22

Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Génesis 6:9

Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Amós 3:4

¿Ma tixjap ta biꞌ re li cakcoj saꞌ qꞌuicheꞌ cui incꞌaꞌ tixchap xtib? ¿Ma ho̱n ta biꞌ nacꞌut xjoskꞌil li chꞌina cakcoj nak toj ma̱jiꞌ naxtau lix tib?

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.