Amós 3:14 - Li Santil hu

¹⁴ Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.

Q'eqchi Bible

¹⁴ Sa' li kutan naq teb'ink'e laj Israel chi xtojb'al rix li xmaakeb', tinsacheb' li artal re Betel; tinjor eb' li xxukub' li artal ut teb'inkut chi ch'och'el.

Amós 3:14 ပူးပေါင်းရင်းမြစ်များ

2 Reyes 23:15

Quixtakla ajcuiꞌ xpoꞌbal li artal li cuan Bet-el ut li naꞌajej li najt xteram li quixyi̱b laj Jeroboam li ralal laj Nabat. Laj Jeroboam, aꞌan li quicꞌamoc xbeheb laj Israel chi ma̱cobc. Queꞌxcꞌat li artal li najt xteram ut queꞌxcꞌat ajcuiꞌ lix jalam u̱ch li yi̱banbil dios xAsera.

Amós 9:1

Laj Amós quixye: —Chanchan matqꞌuenbil quinba̱nu nak quicuil li Ka̱cuaꞌ xakxo chiru li artal. Quixye cue: —Ta̱jucꞌ li templo. Ta̱cuecꞌasi li rokechal toj retal ta̱tꞌanekꞌ saꞌ xbe̱neb li tenamit. Ut eb li incꞌaꞌ teꞌca̱mk, la̱in tinqꞌuehok reheb chi camsi̱c riqꞌuin chꞌi̱chꞌ saꞌ li ple̱t re nak ma̱ ani chic ta̱colekꞌ.

2 Crónicas 31:1

Nak queꞌrakeꞌ chi ninkꞌei̱c, eb laj Israel li cuanqueb Jerusalén queꞌco̱eb saꞌ eb li tenamit li cuanqueb saꞌ xcue̱nt Judá. Queꞌxjuqꞌui li ni̱nki pec li nequeꞌxlokꞌoni cuiꞌ li yi̱banbil dios ut queꞌxjori lix jalam u̱ch lix Asera. Queꞌxjuqꞌui li naꞌajej li najt xteram ut eb li artal li cuanqueb yalak bar saꞌ lix naꞌajeb li ralal xcꞌajol laj Judá, laj Benjamín, laj Efraín ut laj Manasés. Nak queꞌxchoy xsachbal chixjunil, eb laj Israel quilajeꞌco̱eb saꞌ lix naꞌajeb saꞌ lix tenamiteb.

Éxodo 32:34

Ayu. Cuben ut tatcꞌamok be chiruheb li tenamit. Texxic saꞌ li naꞌajej xinye a̱cue. Ut lin ángel ta̱cꞌamok be cha̱cuu. Aban nak ta̱cuulak xkꞌehil tinrakok a̱tin saꞌ xbe̱neb, aran teꞌxtoj lix ma̱queb, chan li Dios.

Amós 2:8

Chixcꞌatkeb li artal nequeꞌxhel chokꞌ xnaꞌajeb li tꞌicr li nacanaba̱c riqꞌuineb chokꞌ prenda xbaneb laj toꞌ tumin. Nequeꞌxlokꞌ lix vino li nequeꞌrucꞌ saꞌ rochoch lix dioseb riqꞌuin li tumin li nequeꞌxmakꞌ chiruheb li ma̱cꞌaꞌeb xma̱c.

Amós 4:4

Ayukex aran Bet-el ut ba̱nuhomak li cꞌaꞌru te̱raj xba̱nunquil. Ayukex Gilgal chixba̱nunquil le̱ ma̱usilal. Rajlal ekꞌela texmayejak chiru le̱ yi̱banbil dios, ut rajlal oxib cutan te̱qꞌue le̱ mayej li junju̱nk saꞌ xlaje̱tkil.

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Amós 7:13

Ut matchal chic arin Bet-el chixyebal ra̱tin profeta xban nak li naꞌajej aꞌin, aꞌan li nalokꞌonin cuiꞌ li rey ut arin ajcuiꞌ cuan li rochoch, chan.

Amós 7:9

Eb li naꞌajej li cuanqueb saꞌ li tzu̱l bar nequeꞌlokꞌonin cuiꞌ li ralal xcꞌajol laj Isaac teꞌsachekꞌ ut eb li cab bar nequeꞌlokꞌonin cuiꞌ li ralal xcꞌajol laj Israel teꞌlajeꞌjuqꞌuekꞌ. Ut tincanabeb chi sachecꞌ riqꞌuin chꞌi̱chꞌ li rey Jeroboam rochbeneb li ralal xcꞌajol, chan li Ka̱cuaꞌ.