Amós 3:12 - Li Santil hu

¹² Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.

Q'eqchi Bible

¹² Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.

Amós 3:12 ပူးပေါင်းရင်းမြစ်များ

Isaías 31:4

Li Ka̱cuaꞌ quixye cue chi joꞌcaꞌin: —La̱in tinpletik re xcolbal rix lin tenamit saꞌ li tzu̱l Sión. Ma̱ ani ta̱ru̱k ta̱ramok chicuu joꞌ jun li cakcoj naxcol rix lix tib li ac xchap. Usta japjo̱queb re laj ilol re li xul chixcolbal lix carner, li cakcoj incꞌaꞌ ta̱xucuak.

2 Reyes 16:9

Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

1 Reyes 22:25

Ut laj Micaías quixye re: —Nak yo̱kat chixmukbal a̱cuib saꞌ eb li cab, tojoꞌnak ta̱qꞌue retal ma ya̱l na li yo̱quin chixyebal, chan.

1 Reyes 20:34

Laj Ben-adad quixye re: —Tinkꞌaxtesi cuiꞌchic a̱cue li tenamit li quixmakꞌ lin yucuaꞌ chiru la̱ yucuaꞌ, chan. Ut quixye ajcuiꞌ re: —Ut naru ajcuiꞌ ta̱yi̱b la̱ cꞌayiba̱l saꞌ li tenamit Damasco joꞌ quixba̱nu lin yucuaꞌ saꞌ li tenamit Samaria, chan. Ut laj Acab quixye re: —La̱in tinqꞌue a̱lese̱ns chi xic xban li contrato li xaba̱nu cuiqꞌuin, chan. Joꞌcaꞌin nak queꞌxba̱nu li contrato chi ribileb rib ut laj Acab quixcanab chi xic laj Ben-adad ut incꞌaꞌ quixcamsi.

1 Reyes 20:30

Eb li incꞌaꞌ queꞌcamsi̱c queꞌe̱lelic ut queꞌco̱eb saꞌ li tenamit Afec re teꞌxcol raj ribeb. Abanan li tzꞌac li sutsu cuiꞌ li tenamit quitꞌaneꞌ saꞌ xbe̱neb ut queꞌcamsi̱c cuukub xcaꞌcꞌa̱l mil (27,000) chic li soldado aj Siria. Abanan li rey Ben-adad quixcol rib saꞌ eb li cab cuan aran.

Amós 6:4

Nequexcuar saꞌ le̱ cha̱bil chꞌa̱t yi̱banbil riqꞌuin marfil ut nequexhilan saꞌ le̱ cha̱bil hiloba̱l nak nequexcuaꞌac. Nequetiu li ral li carner nequechap chak saꞌ xya̱nkeb li queto̱mk joꞌ ajcuiꞌ li ral cuacax li cuanqueb saꞌ corral.

Isaías 8:4

Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

Ester 1:6

Queꞌxyi̱b chi cha̱bil li neba̱l. Queꞌxqꞌue li cha̱bil tꞌicr sak, rax ut azul ut queꞌxbacꞌ chiru li ni̱nki pilar yi̱banbil riqꞌuin li cha̱bil pec mármol. Li tꞌicr chapcho riqꞌuin cꞌa̱m lino morado. Li cꞌa̱m chapcho saꞌ li junju̱nk chi pilar riqꞌuin argollas yi̱banbil riqꞌuin plata. Li cꞌojariba̱l, li queꞌhilan cuiꞌ li ulaꞌ yi̱banbil riqꞌuin oro ut plata. Li xan yi̱banbil riqꞌuin li cha̱bil pec pórfido ut mármol ut riqꞌuin li pec alabastro ut jacinto. Eb li pec aꞌan kꞌaxal terto̱queb xtzꞌak.

Ester 7:8

Xban nak cꞌajoꞌ lix xiu laj Amán, quitꞌaneꞌ chi rok lix Ester. Nak quisukꞌi saꞌ cab li rey, quiril nak laj Amán quitꞌaneꞌ saꞌ li cꞌojariba̱l bar yo̱ cuiꞌ chi hila̱nc lix Ester. Li rey quixjap re ut quixye: —¿Ma yo̱cat ajcuiꞌ xcꞌoxlanquil xba̱nunquil li incꞌaꞌ us re li reina chicuu arin saꞌ li cuochoch? chan. Toj yo̱ ajcuiꞌ xyebal aꞌan li rey nak queꞌxchap laj Amán ut queꞌxtzꞌap li ru.

Salmos 132:3

Nak quixba̱nu li juramento, quixye: La̱in incꞌaꞌ tin-oc chi hila̱nc saꞌ li cuochoch, chi moco tinyocob cuib saꞌ lin cuarib.

Amós 9:8

La̱in yo̱quin chirilbal li ma̱usilal li yo̱queb chixba̱nunquil lin tenamit. La̱in tinsach ruheb saꞌ li ruchichꞌochꞌ. Abanan incꞌaꞌ tinsacheb chixjunileb li ralal xcꞌajol laj Jacob.

Isaías 17:7

Saꞌ eb li cutan aꞌan eb li cristian teꞌxtzꞌa̱ma xtenkꞌanquil riqꞌuin li Ka̱cuaꞌ li quiyoꞌobtesin reheb. Teꞌsukꞌi̱k cuiꞌchic riqꞌuin li Dios santo, lix Dioseb laj Israel.