Amós 2:8 - Li Santil hu

⁸ Chixcꞌatkeb li artal nequeꞌxhel chokꞌ xnaꞌajeb li tꞌicr li nacanaba̱c riqꞌuineb chokꞌ prenda xbaneb laj toꞌ tumin. Nequeꞌxlokꞌ lix vino li nequeꞌrucꞌ saꞌ rochoch lix dioseb riqꞌuin li tumin li nequeꞌxmakꞌ chiruheb li ma̱cꞌaꞌeb xma̱c.

Q'eqchi Bible

⁸ Sa'eb' ajwi' li tijob'aal neke'xsotob' rib'eb' chiruheb' li t'ikr li xe'xpatz' cho'q ruuchil li to' tumin, ut neke'uk'ak b'iin chiru xtuminal li toj sa' li wochoch.

Amós 2:8 ပူးပေါင်းရင်းမြစ်များ

Amós 6:6

Ni̱nki secꞌ nequerucꞌ cuiꞌ le̱ vino. Ut nequerocsi li sununquil ban li kꞌaxal terto xtzꞌak. Abanan incꞌaꞌ nayotꞌeꞌ e̱chꞌo̱l xban li raylal li yo̱queb chixcꞌulbal le̱ ras e̱ri̱tzꞌin la̱ex laj Israel.

1 Corintios 10:21

Incꞌaꞌ naru te̱rucꞌ xsaꞌ li secꞌ re xjulticanquil xcamic li Ka̱cuaꞌ Jesús, ut te̱rucꞌ ajcuiꞌ xsaꞌ li secꞌ re xqꞌuebal xlokꞌal li ma̱us aj musikꞌej. Chi moco naru te̱cuaꞌ li caxlan cua re xjulticanquil xcamic li Ka̱cuaꞌ Jesucristo ut te̱cuaꞌ ajcuiꞌ li cua mayejanbil chiruheb li ma̱us aj musikꞌej.

1 Corintios 10:7

Aꞌan naxcꞌut chiku nak incꞌaꞌ takalokꞌoni li yi̱banbil dios joꞌ queꞌxba̱nu eb aꞌan. Joꞌcaꞌin tzꞌi̱banbil saꞌ li Santil Hu chirixeb: Eb li tenamit queꞌcuaꞌac ut queꞌucꞌac ut queꞌxajoc re xlokꞌoninquil li cuacax oro. (Ex. 32:6)

1 Corintios 8:10

La̱ex nequenau lix ya̱lal aꞌin. Nequenau nak moco ma̱c ta xtzacanquil li tzacae̱mk mayejanbil. Abanan cui junak aj pa̱banel toj kꞌun xchꞌo̱l saꞌ xpa̱ba̱l ta̱ilok e̱re nak cꞌojcꞌo̱quex saꞌ me̱x chi cuaꞌac cuan cuiꞌ li yi̱banbil dios, ma̱re aꞌan tixtzaca li mayejanbil chiruheb li yi̱banbil dios ut tixcꞌoxla nak xmux ru lix pa̱ba̱l.

Amós 6:4

Nequexcuar saꞌ le̱ cha̱bil chꞌa̱t yi̱banbil riqꞌuin marfil ut nequexhilan saꞌ le̱ cha̱bil hiloba̱l nak nequexcuaꞌac. Nequetiu li ral li carner nequechap chak saꞌ xya̱nkeb li queto̱mk joꞌ ajcuiꞌ li ral cuacax li cuanqueb saꞌ corral.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Oseas 4:8

Nequetzaca li nequeꞌxmayeja lin tenamit re xtojbal rix lix ma̱queb. Joꞌcan nak chokꞌ e̱re la̱ex aj tij kꞌaxal us nak yo̱keb chi ma̱cobc.

Ezequiel 23:41

Queꞌcꞌojla chire li me̱x saꞌ li naꞌajej li yi̱banbil chi cha̱bil. Cꞌajoꞌ li sahil echej saꞌ li me̱x. Ut aran xeꞌxqꞌue li incienso ut li aceite li xeꞌxqꞌue raj chokꞌ cue.

Ezequiel 18:12

Ma̱re naxrahobtesiheb li nebaꞌ ut li tenkꞌa̱c teꞌraj ut na-elkꞌa̱c. Incꞌaꞌ naxkꞌaxtesi li cꞌaꞌru quiqꞌueheꞌ re chokꞌ prenda. Naxlokꞌoniheb li jalanil dios ut naxba̱nu li ma̱usilal.

Ezequiel 18:7

Ma̱ ani naxrahobtesi chi moco na-elkꞌac. Naxkꞌaxtesi li nequeꞌxcanab riqꞌuin chokꞌ xprenda li ani natoꞌonin. Naxqꞌue xtzacae̱mk li ta̱tzꞌoca̱k ut naxqꞌue rakꞌ li ma̱cꞌaꞌ rakꞌ.

Jueces 9:27

Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

Isaías 57:7

Nequexxic saꞌ eb li tzu̱l li najt xteram chixba̱nunquil li ma̱usilal. Ut aran ajcuiꞌ nequexxic chi mayejac.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Amós 3:14

Nak ta̱cuulak xkꞌehil la̱in tebinqꞌue laj Israel chixtojbal rix lix ma̱queb. Ut tinsacheb ajcuiꞌ lix artal aran Bet-el. Tinjor lix xucub li cuanqueb saꞌ li artal ut teꞌtꞌanekꞌ chi chꞌochꞌ.

Éxodo 22:25

Cui te̱qꞌue tumin chi toꞌ re junak li nebaꞌ li cuanqueb saꞌ e̱ya̱nk, incꞌaꞌ te̱ba̱nu joꞌ nequeꞌxba̱nu li nequeꞌtoꞌonin tumin. Incꞌaꞌ te̱patzꞌ ral li tumin li te̱toꞌoni.