Amós 2:7 - Li Santil hu

⁷ Cꞌajoꞌ nak nequeꞌxrahobtesi li tenamit. Chanchan nak nequeꞌxyekꞌi saꞌ chꞌochꞌ li nebaꞌeb ut chanchan nequeꞌxyocosi ru xbeheb li tu̱laneb nak nequeꞌxram chiruheb li ti̱quilal. Li yucuaꞌbej ut li alalbej nequeꞌma̱cob riqꞌuin li jun chi ixk. Ut riqꞌuin li ma̱usilal nequeꞌxba̱nu, nequeꞌxsach xcuanquil lin santil cꞌabaꞌ.

Q'eqchi Bible

⁷ Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.

Amós 2:7 ပူးပေါင်းရင်းမြစ်များ

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Ezequiel 22:11

Cuanqueb li cui̱nk nequeꞌxmakꞌ rixakil li ras ri̱tzꞌin. Ut cuanqueb li cui̱nk nequeꞌxchꞌic rib riqꞌuineb li ralib. Ut cuanqueb ajcuiꞌ li nequeꞌxchꞌic rib riqꞌuin lix rabin li xcab xyucuaꞌ.

Isaías 10:2

Xban li chakꞌrab li xeqꞌue incꞌaꞌ nequexrakoc a̱tin saꞌ xya̱lal saꞌ xbe̱neb li nebaꞌ ut eb li rahobtesinbileb. Ut nequemakꞌ li cꞌaꞌru reheb chiruheb li xma̱lcaꞌan joꞌ eb ajcuiꞌ li ma̱cꞌaꞌ xnaꞌ xyucuaꞌeb.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

Miqueas 2:9

Eb li ixk li cuanqueb saꞌ lin tenamit xera̱linaheb nak xerisiheb saꞌ li rochocheb li cuanqueb cuiꞌ chi sa saꞌ xchꞌo̱leb. Ut xeram ajcuiꞌ chiruheb lix cocꞌaleb re nak incꞌaꞌ chic tineꞌxlokꞌoni.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Romanos 2:24

Joꞌ naxye saꞌ li Santil Hu: Saꞌ e̱cꞌabaꞌ la̱ex aj judío, nequeꞌxmajecua li Dios li ma̱cuaꞌeb aj judío. (Isa. 52:5)

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Amós 8:4

Abihomak li oc cue xyebal e̱re la̱ex li nequexrahobtesin reheb li ma̱cꞌaꞌ cuan reheb, la̱ex li nequexsachoc reheb li nebaꞌ li cuanqueb saꞌ le̱ tenamit.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Ezequiel 36:20

Nak queꞌcuulac saꞌ eb li tenamit yalak bar, chixjunileb li tenamit queꞌxye nak aꞌaneb lin tenamit la̱in li Dios, ut queꞌisi̱c saꞌ li naꞌajej li quiqꞌueheꞌ reheb, chanqueb. Xma̱c eb aꞌan nak quimuxeꞌ ru lin santil cꞌabaꞌ.

Proverbios 28:21

Incꞌaꞌ us nak takasicꞌ ru ani takara. Abanan cuanqueb ajcuiꞌ li nequeꞌxsicꞌ ru ani nequeꞌxra yal xban xcꞌulbal xtumineb.

1 Reyes 21:4

Laj Acab co̱ saꞌ xpalacio chi ra saꞌ xchꞌo̱l ut chi yo̱ xjoskꞌil xban nak laj Nabot quixye re nak incꞌaꞌ tixqꞌue re li naꞌajej li quire̱chani riqꞌuin lix xeꞌto̱nil xyucuaꞌ. Nak quicuulac saꞌ rochoch, quixyocob rib saꞌ xcuarib ut yo̱ chi iloc chiru li tzꞌac ut incꞌaꞌ quiraj cuaꞌac.

2 Samuel 12:14

Abanan xban li ma̱c xaba̱nu, xaqꞌue li Dios chi hobecꞌ xbaneb li xicꞌ nequeꞌiloc re. Joꞌcan nak la̱ cualal li tojeꞌ xyoꞌla ta̱ca̱mk, chan.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 18:15

Junak cui̱nk incꞌaꞌ naru naxchꞌic rib riqꞌuin li ralib. Incꞌaꞌ naru tixcꞌut xxuta̱n xban nak aꞌan rixakil li ralal.

Levítico 18:8

Junak cui̱nk incꞌaꞌ naru naxchꞌic rib riqꞌuin li rixakil lix yucuaꞌ. Incꞌaꞌ naru naxcꞌut xxuta̱n lix yucuaꞌ.

Oseas 4:14

La̱in incꞌaꞌ tebinqꞌue chixtojbal rix xma̱queb le̱ rabin nak nequeꞌyumbe̱tac ut incꞌaꞌ ajcuiꞌ tebinqꞌue chixtojbal rix xma̱queb le̱ ralib nak nequeꞌxmux ru xsumlajiqueb. Incꞌaꞌ tebinqꞌue chixtojbal rix xma̱queb xban nak la̱ex ajcuiꞌ nequexcꞌamoc xbeheb nak nequexxic riqꞌuineb li ixk aj yumbe̱t ut nequexmayejac chiruheb li yi̱banbil dios e̱rochbeneb li ixk li nequeꞌxkꞌaxtesi ribeb chi yumbe̱tac. Joꞌcan nak li tenamit li incꞌaꞌ nequeꞌxtau xya̱lal, teꞌosokꞌ.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Isaías 3:14

Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Isaías 3:15

¿Cꞌaꞌut nak nequerahobtesiheb lin tenamit? ¿Cꞌaꞌut nak nequetacuasiheb li nebaꞌ? chan li Ka̱cuaꞌ li kꞌaxal nim xcuanquil.

Isaías 10:1

Raylal ta̱cha̱lk saꞌ e̱be̱n la̱ex li nequeqꞌue li chakꞌrab li moco ti̱c ta re xrahobtesinquileb li tenamit.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.