Amós 2:6 - Li Santil hu

⁶ Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Israel. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb li ti̱queb xchꞌo̱l nequeꞌqꞌueheꞌ chokꞌ rahobtesinbil mo̱s nak incꞌaꞌ nequeꞌru xtojbal lix cꞌaseb. Ut eb li nebaꞌ, usta yal jun sumal chi xa̱b nequeꞌxcꞌas ut incꞌaꞌ nequeꞌru xtojbal, nequeꞌcanaba̱c chokꞌ lokꞌbil mo̱s.

Q'eqchi Bible

⁶ Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.

Amós 2:6 ပူးပေါင်းရင်းမြစ်များ

Joel 3:3

Queꞌbu̱lic chirixeb lin tenamit. Ut queꞌxcꞌayiheb li sa̱j al chokꞌ xtojbaleb li ixk li nequeꞌxcꞌayi ribeb. Ut queꞌxcꞌayiheb li tukꞌ ixk chokꞌ xtzꞌak li vino li nequeꞌrucꞌ.

Joel 3:6

Ut quecꞌayiheb laj Judá joꞌqueb ajcuiꞌ laj Israel reheb laj Grecia chokꞌ rahobtesinbil mo̱s re nak teꞌcꞌamekꞌ chi najt saꞌ jalan chic tenamit.

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

2 Reyes 18:12

Joꞌcaꞌin queꞌxcꞌul laj Israel li cuanqueb Samaria xban nak incꞌaꞌ queꞌxba̱nu li quixye li Ka̱cuaꞌ Dios. Queꞌxkꞌet ban li contrato. Incꞌaꞌ queꞌxpa̱b li cꞌaꞌru quixye laj Moisés laj cꞌanjel chiru li Dios, chi moco queꞌxba̱nu li cꞌaꞌru quixye.

2 Reyes 18:11

Ut eb laj Israel queꞌchapeꞌ ut queꞌcꞌameꞌ Asiria. Cuan li quixcanabeb saꞌ li naꞌajej Halah ut cuan ajcuiꞌ li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb Medo.

Ezequiel 22:13

Relic chi ya̱l nak la̱ex xechikꞌ injoskꞌil xban nak xesicꞌ le̱ biomal riqꞌuin xba̱nunquil li ma̱usilal ut xecamsiheb le̱ ras e̱ri̱tzꞌin.

Isaías 10:2

Xban li chakꞌrab li xeqꞌue incꞌaꞌ nequexrakoc a̱tin saꞌ xya̱lal saꞌ xbe̱neb li nebaꞌ ut eb li rahobtesinbileb. Ut nequemakꞌ li cꞌaꞌru reheb chiruheb li xma̱lcaꞌan joꞌ eb ajcuiꞌ li ma̱cꞌaꞌ xnaꞌ xyucuaꞌeb.

Zacarías 11:5

Eb li nequeꞌlokꞌoc reheb li carner, nequeꞌxcamsi ut nequeꞌxcꞌoxla nak ma̱cꞌaꞌeb xma̱c. Ut eb li nequeꞌcꞌayin reheb nequeꞌxye: —Bantiox xak re li Ka̱cuaꞌ nak yo̱co chi biomocꞌ. Chi moco laj ilol reheb nequeꞌril xtokꞌoba̱l ruheb li carner.