Amós 2:3 - Li Santil hu

³ Tincuisi chiruheb li tenamit lix reyeb ut tincamsi rochbeneb li nequeꞌcꞌanjelac chiru, chan li Ka̱cuaꞌ.

Q'eqchi Bible

³ Ut twisi xyu'am laj k'amol b'e: tinkamsi rochb'eeneb' li xninqaleb' ru winq”, chan li Qaawa'.

Amós 2:3 ပူးပေါင်းရင်းမြစ်များ

Jeremías 48:7

La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Números 24:17

La̱in quicuil saꞌ visión li cꞌaꞌru ta̱cꞌulma̱nk saꞌ xya̱nkeb laj Israel saꞌ eb li cutan teꞌcha̱lk. Ta̱cua̱nk jun li rey saꞌ xya̱nkeb li ralal xcꞌajol laj Jacob. Chanchanak jun li chahim. Ta̱numta̱k saꞌ xbe̱neb li ralal xcꞌajol laj Moab ut tixsach ruheb li ralal xcꞌajol laj Set.

Jeremías 48:25

X-isi̱c xcuanquileb laj Moab. Ma̱cꞌaꞌ chic xcuanquileb, chan li Ka̱cuaꞌ.

Isaías 40:23

Naxcubsi xcuanquileb li ni̱nkeb xcuanquil ut naxcanabeb chi ma̱cꞌaꞌ nequeꞌoc cuiꞌ li nequeꞌtaklan saꞌ ruchichꞌochꞌ.

Salmos 2:10

Anakcuan ut ex rey, checꞌoxla li cꞌaꞌru te̱ba̱nu ut qꞌuehomak retal li naꞌleb aꞌin, la̱ex li cuan e̱cuanquil saꞌ ruchichꞌochꞌ.

Li xHu LAJ JOB 12:21

Li Dios naxba̱nu nak incꞌaꞌ chic teꞌqꞌuehekꞌ xlokꞌal li cuanqueb saꞌ xcuanquil. Ut eb li cauheb rib ma̱cꞌaꞌak chic xmetzꞌe̱uheb.

Salmos 141:6

Eb li nequeꞌtaklan saꞌ xbe̱neb li incꞌaꞌ useb xnaꞌleb toj saꞌ xbe̱n li pec teꞌcutekꞌ chak nak teꞌsachekꞌ ruheb. Toj aran teꞌxqꞌue retal li tenamit nak ya̱l li cꞌaꞌru quinye reheb.

Amós 5:7

Raylal ta̱cha̱lk saꞌ e̱be̱n la̱ex li nequesukꞌisi li ti̱quilal chokꞌ ma̱usilal ut nequesach xcuanquil li us.

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Amós 6:12

¿Ma ta̱ru̱k ta biꞌ teꞌa̱linak li cacua̱y saꞌ xbe̱n ni̱nki pec? ¿Ma naru ta biꞌ xbecbal li palau riqꞌuin chꞌi̱chꞌ joꞌ nabecman li chꞌochꞌ? ¿Cꞌaꞌut nak la̱ex xesukꞌisi li us chokꞌ re camsi̱nc? Ut, ¿cꞌaꞌut nak xesukꞌisi li ti̱quilal chokꞌ ma̱usilal?