Amós 2:14 - Li Santil hu

¹⁴ Ma̱ ani ta̱ru̱k ta̱e̱lelik chicuu. Li kꞌaxal cau naa̱linac incꞌaꞌ ta̱ru̱k ta̱e̱lelik chicuu. Li kꞌaxal cau rib tixsach lix cacuilal ut li cau xchꞌo̱l chi pletic incꞌaꞌ ta̱ru̱k tixcol rib.

Q'eqchi Bible

¹⁴ Toja' naq li kaw na'aanilak ink'a' tixkuy elelik; li kaw xmetz'ew maak'a' chik taa'ok wi' chi moko li kaw rib' tixkol li xyu'am.

Amós 2:14 ပူးပေါင်းရင်းမြစ်များ

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Salmos 33:16

Li acuabej re li ruchichꞌochꞌ ma̱ jokꞌe ta̱colekꞌ yal xbaneb lix soldados. Ut li cau rib incꞌaꞌ tixcol rib yal riqꞌuin xmetzꞌe̱u xjunes rib.

Li xHu LAJ JOB 11:20

Abanan li incꞌaꞌ useb xnaꞌleb teꞌosokꞌ. Ma̱ bar teꞌxcol ribeb. Caꞌaj chic li ca̱mc yo̱keb chiroybeninquil, chan laj Zofar.

Jeremías 25:35

Incꞌaꞌ naru teꞌe̱lelik li nequeꞌcꞌamoc be. Ma̱ bar ta̱ru̱k teꞌxcol ribeb li nequeꞌiloc reheb lin tenamit.

Jeremías 39:4

Nak laj Sedequías lix reyeb laj Judá ut eb lix soldados queꞌrileb lix soldados li xicꞌ nequeꞌiloc reheb, queꞌe̱lelic chiruheb. Chiru kꞌojyi̱n queꞌel saꞌ xnaꞌaj li racui̱mk li rey saꞌ li oqueba̱l li cuan saꞌ xyi li cuib chi tzꞌac ut queꞌco̱eb saꞌ li be li naxic Arabá.

Amós 5:9

Aꞌan tixsach xcuanquil li ni̱nkeb xcuanquil. Ut ta̱sachekꞌ ajcuiꞌ li rochocheb li teꞌxcol cuiꞌ raj ribeb laj Israel.