Amós 2:11 - Li Santil hu

¹¹ Saꞌ xya̱nkeb le̱ ralal e̱cꞌajol la̱ex aj Israel xinsiqꞌueb ru li teꞌcua̱nk chokꞌ profeta ut xinsiqꞌueb ru li toj sa̱jeb li queꞌxkꞌaxtesi rib chi cꞌanjelac chicuu chokꞌ Nazareo. ¿Ma incꞌaꞌ ta biꞌ ya̱l nak joꞌcan quinba̱nu? chan li Ka̱cuaꞌ.

Q'eqchi Bible

¹¹ Ut sa' xyanqeb' leeralal eek'ajol kinxaqab'eb' propeet; ut wan ajwi' naq kinsik'eb' ru li saaj winq re te'xmayeja rib' chiwu jo' aj nasireo. Ma ink'a' jo'kan, ex aj Israel?”, chan li Qaawa'.

Amós 2:11 ပူးပေါင်းရင်းမြစ်များ

Jeremías 7:25

Chalen saꞌ li cutan nak le̱ xeꞌto̱nil yucuaꞌ queꞌel chak Egipto toj chalen anakcuan, rajlal quintaklaheb lin profeta riqꞌuineb chixchꞌolobanquil lix ya̱lal chiruheb.

Miqueas 2:6

Eb li tenamit nequeꞌxye cue: —Mat-a̱tinac chi joꞌcan. Ma̱ye ke ra̱tin profeta. Li Dios incꞌaꞌ tixcꞌut kaxuta̱n.

Lamentaciones 4:7

Eb li queꞌcꞌamoc be chiku kꞌaxal ti̱queb xchꞌo̱l junxil. Chanchaneb xsakal li nieve ut li leche xban nak kꞌaxal ti̱queb xchꞌo̱l. Kꞌaxal cauheb rib ut cꞌajoꞌ xchakꞌal ruheb. Chanchaneb li terto̱quil pec coral ut zafiro.

Jeremías 26:11

Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Jeremías 11:21

Aꞌut eb li cui̱nk li cuanqueb Anatot li queꞌraj incamsinquil, queꞌxye cue nak incꞌaꞌ chic tina̱tinak saꞌ xcꞌabaꞌ li Ka̱cuaꞌ re nak incꞌaꞌ tineꞌxcamsi, chan laj Jeremías.

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Jeremías 2:5

Li Ka̱cuaꞌ naxye chi joꞌcaꞌin: —¿Ma cuan ta biꞌ cꞌaꞌak re ru incꞌaꞌ us xinba̱nu nak xineꞌxtzꞌekta̱na le̱ xeꞌto̱nil yucuaꞌ? Eb aꞌan queꞌxlokꞌoniheb li yi̱banbil dios li ma̱cꞌaꞌ nequeꞌoc cuiꞌ. Joꞌcan nak ma̱cꞌaꞌ ajcuiꞌ nequeꞌoc cuiꞌ le̱ xeꞌto̱nil yucuaꞌ.

2 Crónicas 36:15

Li Ka̱cuaꞌ lix Dioseb lix xeꞌto̱nil yucuaꞌeb nabal sut quixtakla lix profeta riqꞌuineb chixkꞌusbaleb xban nak quiril xtokꞌoba̱leb ru ut xban ajcuiꞌ nak saꞌ li tenamit aꞌan cuan lix templo.

2 Reyes 17:13

Li Ka̱cuaꞌ quixtaklaheb lix profeta ut eb lix takl riqꞌuineb laj Israel ut riqꞌuineb laj Judá. Queꞌxye chi joꞌcaꞌin: —Canabomak xba̱nunquil li ma̱usilal. Cheba̱nuhak ban li cꞌaꞌru naxye li chakꞌrab li quixqꞌue li Dios reheb le̱ xeꞌto̱nil yucuaꞌ. Cheba̱nuhak chixjunil li cꞌaꞌru xextakla̱c cuiꞌ, chanqueb li profetas laj cꞌanjel chiru li Ka̱cuaꞌ.

2 Reyes 6:1

Saꞌ jun li cutan li jun chꞌu̱tal chi profeta queꞌxye re laj Eliseo: —¡Qꞌue retal! Li naꞌajej li cuanco cuiꞌ a̱cuochben caꞌchꞌin ut latzꞌ.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

1 Reyes 20:41

Abanan li profeta saꞌ junpa̱t quirisi li tꞌicr saꞌ xnakꞌ ru ut li rey quixqꞌue retal nak aꞌan jun lix profeta li Dios.

1 Reyes 20:35

Jun lix profeta li Dios quixye re jun li rech profetil joꞌ quixye li Dios re: —China̱yocꞌ riqꞌuin la̱ chꞌi̱chꞌ, chan. Abanan li profeta jun chic incꞌaꞌ quiraj xba̱nunquil.

1 Reyes 20:13

Ut li Ka̱cuaꞌ quixtakla jun lix profeta riqꞌuin laj Acab chixyebal re: —Matxucuac chirilbaleb lix soldado laj Ben-adad usta nabaleb, xban nak li Dios textenkꞌa chi numta̱c saꞌ xbe̱neb re nak ta̱nau nak li Ka̱cuaꞌ, aꞌan li tzꞌakal Dios, chan.

1 Reyes 19:16

Ta̱qꞌue li aceite saꞌ xjolom laj Jehú ralal laj Nimsi re ta̱xakab chokꞌ rey aran Israel. Ut joꞌcan ajcuiꞌ laj Eliseo li ralal laj Safat li cuan aran Abel-mehola. Ta̱qꞌue li aceite saꞌ xjolom re ta̱xakab chokꞌ profeta chokꞌ a̱cue̱kaj la̱at.

1 Reyes 18:4

Junxil nak lix Jezabel yo̱ chixcamsinquileb lix profeta li Ka̱cuaꞌ, laj Abdías quixcꞌam jun ciento li profeta ut quixmukeb saꞌ li ochoch pec. Laje̱b roxcꞌa̱l (50) quixmuk saꞌ li junju̱nk chi ochoch pec. Ut quixqꞌueheb xcua rucꞌa.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

1 Samuel 19:20

Joꞌcan nak quixtaklaheb li cui̱nk re teꞌxchap ut teꞌxcꞌam riqꞌuin. Queꞌril nak eb li profeta yo̱queb chixlokꞌoninquil li Dios ut laj Samuel yo̱ chi cꞌamoc be chiruheb. Ut lix musikꞌ li Ka̱cuaꞌ quichal riqꞌuineb li takl li quixtakla laj Saúl. Ut eb aꞌan quisach xchꞌo̱leb ut queꞌoc ajcuiꞌ chixlokꞌoninquil li Dios.

1 Samuel 3:20

Ut chixjunileb laj Israel li cuanqueb saꞌ li naꞌajej Dan toj saꞌ li naꞌajej Beerseba queꞌxqꞌue retal nak laj Samuel, aꞌan tzꞌakal xprofeta li Ka̱cuaꞌ.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Hechos 5:28

—¿Ma incꞌaꞌ ta biꞌ xkaye e̱re nak incꞌaꞌ chic te̱tzoleb li tenamit saꞌ xcꞌabaꞌ li cui̱nk aꞌan? La̱ex yo̱quex chixcꞌutbal li tijleb aꞌan saꞌ chixjunil Jerusalén ut te̱raj xqꞌuebal saꞌ kabe̱n lix camic li cui̱nk aꞌan, chanqueb.

Hechos 4:18

Ut nak queꞌbokeꞌ cuiꞌchic laj Pedro ut laj Juan, queꞌxye reheb nak incꞌaꞌ chic ta̱ru̱k teꞌa̱tinak chi moco ta̱ru̱k chic teꞌxtzoleb li tenamit saꞌ xcꞌabaꞌ li Jesús.