Amós 2:10 - Li Santil hu

¹⁰ La̱in xin-isin chak e̱re aran Egipto ut caꞌcꞌa̱l (40) chihab xexinberesi saꞌ li chaki chꞌochꞌ. Ut la̱in xinqꞌuehoc e̱re lix naꞌajeb laj amorreo.

Amós 2:10 ပူးပေါင်းရင်းမြစ်များ

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Hechos 13:18

Caꞌcꞌa̱l chihab quixcuy chak rilbaleb nak yo̱queb chak chi numecꞌ saꞌ li chaki chꞌochꞌ.

Hechos 7:42

Joꞌcan nak li Ka̱cuaꞌ Dios quixcanabeb xjuneseb. Quixcanabeb chixlokꞌoninquil li chahim li cuan chiru choxa. Ut quitzꞌakloc ru li tzꞌi̱banbil chak najter xbaneb li profeta nak queꞌxye: La̱ex aj Israel, ¿ma quexmayejac ta biꞌ chak chicuu la̱in nak yo̱quex chak chi numecꞌ saꞌ li chaki chꞌochꞌ chiru caꞌcꞌa̱l chihab?

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Ezequiel 20:10

Joꞌcan nak la̱in quincuisiheb chak Egipto ut quincꞌameb saꞌ li chaki chꞌochꞌ.

Salmos 95:10

Caꞌcꞌa̱l chihab yo̱ injoskꞌil saꞌ xbe̱neb li tenamit aꞌan ut quinye, “Eb li tenamit aꞌin incꞌaꞌ nequextau xya̱lal chi moco queꞌraj xtaubal.”

Nehemías 9:21

Caꞌcꞌa̱l chihab cachꞌolaniheb nak yo̱queb chak chi numecꞌ saꞌ li chaki chꞌochꞌ ut ma̱cꞌaꞌ quipaltoꞌ reheb. Li rakꞌeb incꞌaꞌ quikꞌeloꞌ chi moco li rokeb quisi̱poꞌ chi be̱c.

Deuteronomio 1:39

Teꞌoc le̱ ralal e̱cꞌajol li toj ma̱jiꞌ nequeꞌxqꞌue retal cꞌaꞌru li us ut cꞌaꞌru li incꞌaꞌ us. Aꞌaneb li queye nak teꞌchapekꞌ ut teꞌcꞌamekꞌ chi pre̱xil, abanan la̱in tinqꞌue li naꞌajej reheb aꞌan. Aꞌaneb li teꞌe̱chani̱nk re.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Números 21:25

Eb laj Israel queꞌxcꞌam chokꞌ reheb lix tenamiteb laj amorreo. Queꞌre̱chani li tenamit Hesbón ut eb li cocꞌ naꞌajej li cuanqueb chixjun sutam. Ut saꞌ eb li tenamit aꞌan queꞌcuan.

Josué 13:4

chixjunil li naꞌajej li cuan saꞌ li sur lix naꞌajeb laj cananeo, joꞌ ajcuiꞌ li naꞌajej Mehara lix naꞌajeb laj Sidón li nacuulac toj saꞌ li tenamit Afec saꞌ li nuba̱l re lix naꞌajeb laj amorreo;

Números 13:32

Eb li cui̱nk aꞌan incꞌaꞌ us queꞌxye reheb laj Israel chirix li naꞌajej Canaán. Queꞌxye nak li ani nequeꞌxic chi cua̱nc saꞌ li naꞌajej aꞌan nequeꞌcam xban nak incꞌaꞌ cha̱bil li chꞌochꞌ. Ut eb li cui̱nk li cuanqueb aran kꞌaxal ni̱nkeb rok.

Números 32:13

Cꞌajoꞌ nak quijoskꞌoꞌ li Dios saꞌ xbe̱neb laj Israel. Joꞌcan nak quixqꞌueheb chixbeninquil ribeb saꞌ li chaki chꞌochꞌ chiru caꞌcꞌa̱l chihab toj retal queꞌosoꞌ chixjunileb li queꞌxba̱nu li incꞌaꞌ us chiru li Ka̱cuaꞌ.

Josué 24:8

Chirix aꞌan quexincꞌam saꞌ lix naꞌajeb laj amorreo li queꞌcuan jun pacꞌal li nimaꞌ Jordán saꞌ li este bar na-el chak li sakꞌe. Eb aꞌan queꞌpletic e̱riqꞌuin, abanan la̱in quexintenkꞌa chi numta̱c saꞌ xbe̱neb. La̱in quexintenkꞌa chixsachbal ruheb ut quere̱chani lix naꞌajeb.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.