Amós 1:5 - Li Santil hu

⁵ Tintꞌaneb li oqueba̱l re li tzꞌac li sutsu cuiꞌ li tenamit Damasco ut tinsacheb li cuanqueb saꞌ li ru takꞌa Avén ut tinsacheb ajcuiꞌ li nequeꞌtaklan aran Bet-edén. Ut li tenamit cuanqueb Siria teꞌcꞌamekꞌ chi pre̱xil toj saꞌ li tenamit Kir, chan li Ka̱cuaꞌ.

Q'eqchi Bible

⁵ Tinjuk' li rokeb'aal Damaask; tinsach ruheb' laj Bikat-Abén jo' ajwi' li na'awab'ejink re Bet-Edén; ut eb' laj Aram te'k'ame'q chi preexil toj Kir”, chan li Qaawa'.

Amós 1:5 ပူးပေါင်းရင်းမြစ်များ

2 Reyes 16:9

Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Jeremías 51:30

Eb li soldado aj Babilonia xeꞌxcanab pletic. Xeꞌxtzꞌap ribeb saꞌ li cab li nequeꞌxcol cuiꞌ ribeb. Ma̱cꞌaꞌeb chic xmetzꞌe̱u. Chanchaneb ixk. Cꞌatbil nak ta̱osokꞌ lix tenamiteb ut poꞌinbileb chic li oqueba̱l.

Lamentaciones 2:9

Eb li oqueba̱l re li tenamit tꞌanenakeb chic saꞌ chꞌochꞌ. Jorbil chic li ni̱nki cheꞌ li queꞌtzꞌapoc re li oqueba̱l. Li rey joꞌqueb ajcuiꞌ li queꞌtenkꞌan re queꞌchapeꞌ ut queꞌcꞌameꞌ chi najt saꞌ jalan tenamit. Ma̱cꞌaꞌ chic xchakꞌrab li Dios. Ut li Ka̱cuaꞌ incꞌaꞌ chic naxcꞌutbesi li visión chiruheb li profeta.

Nahum 3:13

Le̱ soldado li cuanqueb saꞌ le̱ tenamit chanchanakeb chic li ixk xban nak incꞌaꞌ chic cauhakeb rib. Chanchan nak li oqueba̱l re le̱ tenamit teto chiruheb li xicꞌ nequeꞌiloc e̱re. Cꞌatbil nak teꞌosokꞌ lix puertil li oqueba̱l re le̱ tenamit.

Jeremías 50:36

Ta̱cha̱lk li ple̱t saꞌ xbe̱neb laj kꞌe ut teꞌsachk xnaꞌlebeb. Ta̱cha̱lk li ple̱t saꞌ xbe̱neb li cauheb rib ut teꞌxucuak.

Isaías 43:14

Li Ka̱cuaꞌ lix santil Dioseb laj Israel li nacoloc e̱re naxye chi joꞌcaꞌin: —La̱in tintaklaheb li xicꞌ nequeꞌiloc reheb laj Babilonia chi pletic riqꞌuineb re e̱colbal la̱ex. La̱in tinqꞌueheb chi numta̱c saꞌ xbe̱neb. Ut eb li tenamit teꞌchapekꞌ ut teꞌcꞌamekꞌ saꞌ lix jucubeb li queꞌxkꞌetkꞌeti cuiꞌ ribeb junxil.

Isaías 22:6

Eb li soldados teꞌcha̱lk toj Elam chirix cacua̱y. Cua̱nk chak saꞌ rukꞌeb lix tzimaj. Ut eb li soldados li teꞌcha̱lk toj Kir cua̱nk chak saꞌ rukꞌeb lix chꞌi̱chꞌ re xcolbal re xchꞌo̱leb.

Ezequiel 27:23

Eb laj Harán, eb laj Cane, eb laj Edén, eb laj Sabá, eb laj Asiria ut eb laj Quilmad queꞌyacoc ajcuiꞌ e̱riqꞌuin.

2 Reyes 14:28

Chixjunil li quixba̱nu laj Jeroboam, ut li pletic li quixba̱nu xban xcacuilal xchꞌo̱l tzꞌi̱banbil retalil saꞌ li hu Crónicas li tzꞌi̱banbil cuiꞌ retalil li quilajeꞌxba̱nu lix reyeb laj Israel. Ut tzꞌi̱banbil ajcuiꞌ retalil chanru nak quire̱chani cuiꞌchic chokꞌ reheb laj Israel eb li tenamit Damasco ut Hamat li queꞌcuan rubel xcuanquileb laj Judá.

Isaías 8:4

Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

Ezequiel 30:17

Eb li sa̱j cui̱nk li cuanqueb Avén ut eb li cuanqueb Pibeset teꞌcamsi̱k chi chꞌi̱chꞌ ut eb li ixk teꞌcꞌamekꞌ chi pre̱xil.

Oseas 10:8

Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.

Amós 5:5

Mexxic chic aran Bet-el chi lokꞌoni̱nc chi moco texxic chic Gilgal. Ut mexnumeꞌ chic aran Beerseba xban nak eb laj Gilgal teꞌchapekꞌ ut eb laj Bet-el teꞌosokꞌ, chan li Ka̱cuaꞌ.