Amós 1:13 - Li Santil hu

¹³ Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Q'eqchi Bible

¹³ Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Amós 1:13 ပူးပေါင်းရင်းမြစ်များ

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Ezequiel 35:10

La̱ex queye nak li cuib chi tenamit Judá ut Israel te̱re̱chani joꞌ ajcuiꞌ chixjunil li naꞌajej. Ta̱cana̱k chokꞌ e̱re li naꞌajej, chanquex, usta la̱in lix Dioseb.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Amós 1:3

Joꞌcaꞌin quixye li Ka̱cuaꞌ: —Nabal sut ac xincuy xma̱queb laj Damasco. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal li yo̱queb chixba̱nunquil. Queꞌxrahobtesiheb laj Israel li cuanqueb Galaad. Chanchan tenbileb riqꞌuin chꞌi̱chꞌ joꞌ nequeꞌxba̱nu riqꞌuin li trigo nak queꞌxrahobtesiheb laj Israel.

Ezequiel 21:28

La̱at, at ralal cui̱nk, ta̱ye resil li cꞌaꞌru ta̱uxma̱nk. Ta̱ye: Joꞌcaꞌin xye li nimajcual Dios che̱rix la̱ex li ralal xcꞌajol laj Amón. La̱ex li nequexhoboc reheb laj Israel. Li chꞌi̱chꞌ ac isinbil chak saꞌ li rochoch. Kꞌesnanbil re ut nalemtzꞌun. Ac cauresinbil re ta̱camsi̱nk.

Nehemías 2:19

Nak queꞌrabi laj Sanbalat aj Horón ut laj Tobías li nataklan aran Amón, ut laj Gesem aj árabe, queꞌoc chikaseꞌenquil ut coeꞌxhob ut queꞌxye ke: —¿Cꞌaꞌru yo̱quex la̱ex? ¿Ma te̱kꞌet xchakꞌrab li rey saꞌ e̱chꞌo̱l la̱ex? chanqueb.

2 Crónicas 20:10

Anakcuan yo̱queb chi cha̱lc chi pletic kiqꞌuin eb laj Amón, eb laj Moab, ut eb li cuanqueb saꞌ li tzu̱l Seir. Xeꞌchal saꞌ eb li naꞌajej li incꞌaꞌ cacuaj nak teꞌnumekꞌ eb laj Israel nak queꞌel chak Egipto. Joꞌcan nak eb laj Israel incꞌaꞌ queꞌxsach ruheb li tenamit aꞌan.

2 Crónicas 20:1

Mokon chic eb li soldado aj Moab ut eb li soldado aj Amón queꞌxjunaji ribeb riqꞌuineb laj meunita ut queꞌco̱eb chi pletic riqꞌuin laj Josafat.

2 Reyes 24:2

Abanan li Ka̱cuaꞌ quixtaklaheb laj Babilonia, eb laj Siria, eb laj Moab, ut eb laj Amón chi pletic riqꞌuineb laj Judá re teꞌxsach ruheb joꞌ quiyeheꞌ reheb li profeta xban li Ka̱cuaꞌ.

Deuteronomio 2:19

Nak texcuulak cuanqueb cuiꞌ eb li ralal xcꞌajol laj Amón, me̱chꞌiꞌchꞌiꞌiheb ut me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue e̱re lix naꞌajeb. La̱in quinqꞌue li naꞌajej aꞌan chokꞌ reheb li ralal xcꞌajol laj Lot,” chan.

Salmos 83:7

joꞌqueb ajcuiꞌ laj Gebal, ut eb li ralal xcꞌajol laj Amón ut laj Amalec, joꞌqueb ajcuiꞌ laj filisteo ut eb laj Tiro,

2 Reyes 15:16

Nak laj Manahem qui-el Tirsa, quixsach ru li tenamit Tifsa. Quixcamsiheb li cuanqueb aran. Ut quixset xsaꞌeb li yaj aj ixk. Quixba̱nu chi joꞌcan xban nak incꞌaꞌ queꞌraj xcꞌulbal chokꞌ rey.

Jeremías 25:21

ut teꞌcꞌuluk ajcuiꞌ raylal eb laj Edom; eb laj Moab; ut eb li ralal xcꞌajol laj Amón;

2 Samuel 12:31

Li joꞌ qꞌuial chic li tenamit li queꞌcana quirisiheb aran ut quixqꞌueheb chi jachoc cheꞌ ut chi picꞌoc chꞌochꞌ, ut chi yocꞌoc cheꞌ riqꞌuin ma̱l. Quixqꞌueheb ajcuiꞌ chixyi̱banquil li xan ut chixcꞌatbaleb saꞌ li horno. Joꞌcan ajcuiꞌ quixba̱nu riqꞌuineb chixjunileb li tenamit li cuanqueb cuiꞌ eb li ralal xcꞌajol laj Amón. Chirix aꞌan, laj David rochbeneb chixjunileb lix soldados queꞌsukꞌi Jerusalén.

2 Reyes 8:12

Laj Hazael quixye re: —At profeta Eliseo, ¿cꞌaꞌut nak yo̱cat chi ya̱bac? chan. Ut li profeta quixye re: —Yo̱quin chi ya̱bac xban nak ninnau nak la̱at tatrahobtesi̱nk reheb laj Israel. La̱at ta̱cꞌat li rochocheb li teꞌxcol cuiꞌ ribeb. Ta̱camsiheb li sa̱j cui̱nk ut ta̱saqꞌueb chiru pec li cocꞌal nak ta̱camsiheb. Ut ta̱set chi chꞌi̱chꞌ lix saꞌeb li yaj aj ixk, chan.

Ezequiel 25:1

Li Ka̱cuaꞌ quia̱tinac cuiqꞌuin ut quixye cue:

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.