Amós 1:11 - Li Santil hu

¹¹ Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Edom. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb laj Edom queꞌpletic riqꞌuineb laj Israel ut incꞌaꞌ queꞌril xtokꞌoba̱l ruheb. Junelic ban yo̱queb xjoskꞌileb saꞌ xbe̱neb ut junelic xicꞌ nequeꞌril.

Q'eqchi Bible

¹¹ Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Amós 1:11 ပူးပေါင်းရင်းမြစ်များ

2 Crónicas 28:17

Quiraj xtenkꞌanquil xban nak eb laj Edom queꞌchal ut queꞌpletic riqꞌuineb laj Judá ut nabaleb li cristian li queꞌxcꞌam chi pre̱xil.

Malaquías 1:4

Ut cui ta teꞌxye li ralal xcꞌajol laj Esaú li cuanqueb saꞌ li tenamit Edom, “Xeꞌxsach ru li katenamit, abanan takacuaclesi cuiꞌchic li katenamit,” chaꞌkeb, abanan li Ka̱cuaꞌ li kꞌaxal nim xcuanquil tixye: —Eb aꞌan teꞌxcuaclesi cuiꞌchic lix tenamiteb ut la̱in tinsach cuiꞌchic ru. “Numtajenak chi ma̱usilal lix tenamiteb” chaꞌkeb re. Ut ta̱yehekꞌ ajcuiꞌ re, “Li tenamit aꞌan junelic yo̱ xjoskꞌil li Dios saꞌ xbe̱n.”

Joel 3:19

Ut li nimla tenamit Egipto ta̱sachekꞌ ru ut li naꞌajej Edom ta̱cana̱k chi ma̱cꞌaꞌ chic cuan chiru xban li ma̱usilal li queꞌxba̱nu reheb laj Judá. Queꞌxcamsiheb laj Judá chi ma̱cꞌaꞌeb xma̱c.

Salmos 137:7

At nimajcual Dios, ma̱canab ta yal chi joꞌcan li raylal li queꞌxba̱nu ke li ralal xcꞌajol laj Edom nak queꞌnumta li jalan tenamit saꞌ kabe̱n. Quisahoꞌ saꞌ xchꞌo̱leb ut queꞌxye: —Jucꞌumak li tenamit Jerusalén ut sachomak chi junaj cua, chanqueb.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Eclesiastés 7:9

Ut incꞌaꞌ tatjoskꞌokꞌ saꞌ junpa̱t joꞌ nequeꞌxba̱nu li ma̱cꞌaꞌeb xnaꞌleb. Eb aꞌan nequeꞌjoskꞌoꞌ saꞌ junpa̱t.

Deuteronomio 23:7

Incꞌaꞌ xicꞌ te̱ril eb laj Edom xban nak eb aꞌan le̱ rechꞌalal. Ut incꞌaꞌ xicꞌ te̱ril eb laj Egipto xban nak quexcuan saꞌ lix tenamiteb.

Efesios 5:1

La̱ex chic li ralal xcꞌajol li Dios ut raro̱quex xban. Joꞌcan nak chetzolak e̱rib riqꞌuin li Dios re nak te̱ba̱nu joꞌ naraj aꞌan.

Malaquías 1:2

—La̱in junelic nequexinra, chan li Ka̱cuaꞌ reheb laj Israel. —Abanan la̱ex nequeye, “¿Chanru nak takanau nak nocoa̱ra?” chanquex. ¿Ma ma̱cuaꞌ ta biꞌ ri̱tzꞌin laj Esaú laj Jacob? La̱in xinra aꞌan, chan li Ka̱cuaꞌ.

Isaías 57:16

Moco junelic ta yo̱kin chixcꞌutbal chiruheb lin tenamit lix ma̱queb, ut moco junelic ta yo̱kin chi joskꞌocꞌ riqꞌuineb. Cui junelic yo̱kin chixyebal reheb, ta̱chꞌina̱nk xchꞌo̱leb li cristian li quinyoꞌobtesiheb ut incꞌaꞌ raj teꞌxcuy rabinquil.

Salmos 85:5

¿Ma junelic ta biꞌ yo̱k a̱joskꞌil saꞌ kabe̱n? Ut, ¿ma yo̱k ajcuiꞌ la̱ joskꞌil saꞌ xbe̱neb li kalal kacꞌajol li teꞌcua̱nk mokon?

Zacarías 1:15

Yo̱ caꞌchꞌin injoskꞌil saꞌ xbe̱neb lin tenamit. Abanan kꞌaxal cuiꞌchic yo̱ injoskꞌil saꞌ xbe̱neb li tenamit li incꞌaꞌ nequeꞌpa̱ban ut cꞌojcꞌo̱queb xchꞌo̱l xjuneseb xban nak kꞌaxal cuiꞌchic ra xeꞌxba̱nu reheb lin tenamit, chan.

2 Crónicas 20:10

Anakcuan yo̱queb chi cha̱lc chi pletic kiqꞌuin eb laj Amón, eb laj Moab, ut eb li cuanqueb saꞌ li tzu̱l Seir. Xeꞌchal saꞌ eb li naꞌajej li incꞌaꞌ cacuaj nak teꞌnumekꞌ eb laj Israel nak queꞌel chak Egipto. Joꞌcan nak eb laj Israel incꞌaꞌ queꞌxsach ruheb li tenamit aꞌan.

2 Crónicas 20:11

Chaqꞌue taxak retal chanru nak yo̱queb chixkꞌajca̱munquil chiku nak incꞌaꞌ xkaba̱nu raylal reheb. Teꞌraj nak toeꞌrisi saꞌ li naꞌajej li xaqꞌue chokꞌ ke chi junelic.

Oseas 8:3

Abanan eb laj Israel xeꞌxtzꞌekta̱na li us. Joꞌcan nak eb li xicꞌ nequeꞌiloc reheb teꞌnumta̱k saꞌ xbe̱neb.