Amós 1:1 - Li Santil hu

¹ Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Q'eqchi Bible

¹ A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Amós 1:1 ပူးပေါင်းရင်းမြစ်များ

Zacarías 14:5

La̱ex tex-e̱lelik ut texxic saꞌ li ru takꞌa li cuan saꞌ xya̱nk li tzu̱l xban nak li ru takꞌa aꞌan kꞌaxal nimak ut ta̱cuulak toj saꞌ li tenamit Azal. La̱ex tex-e̱lelik joꞌ nak queꞌe̱lelic le̱ xeꞌto̱nil yucuaꞌ nak quixqꞌue li hi̱c najter nak toj cua̱nk laj Uzías chokꞌ rey aran Judá. Ut nak ta̱cha̱lk li Ka̱cuaꞌ li kaDios, rochbenak chak chixjunileb lix ángel.

Amós 7:14

Ut quichakꞌoc laj Amós ut quixye re laj Amasías: —La̱in moco ac la̱in ta chak profeta, chi moco ralalin ta chak profeta. La̱in ban aj ilol queto̱mk ut aj sicꞌol ru li cheꞌ higo li moco aubil ta.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

2 Crónicas 11:6

Quixyi̱beb li tenamit Belén, Etam, Tecoa,

1 Reyes 19:19

Joꞌcan nak laj Elías qui-el saꞌ li naꞌajej aꞌan. Coxixtau laj Eliseo li ralal laj Safat. Yo̱ chi becoc chꞌochꞌ riqꞌuin cablaju sumal li bo̱yx. Laj Eliseo yo̱ chi beresi̱nc re li cuan chak chi ixbej. Laj Elías quirisi li tꞌicr cuan saꞌ xbe̱n li rakꞌ ut quixqꞌue chirix laj Eliseo.

2 Samuel 14:2

Quixtakla xcꞌambal jun li ixk cuan aran Tecoa. Li ixk aꞌan cuan xnaꞌleb chixba̱nunquil cꞌaꞌak re ru chi naꞌlebil. Nak li ixk quicuulac riqꞌuin, quixye re: —Ba̱nu a̱cuib joꞌ nak ra saꞌ a̱chꞌo̱l chirix xcamic jun la̱ cuechꞌalal. Qꞌue cha̱cuix li tꞌicr li naxcꞌut nak ra saꞌ a̱chꞌo̱l. Ma̱qꞌue li sununquil ban. Ba̱nu chi joꞌcan re nak ta̱cꞌutu̱nk nak ac junxil na-oc xrahil a̱chꞌo̱l.

Jeremías 1:1

Aꞌan aꞌin resil lix yehom xba̱nuhom laj Jeremías li ralal laj Hilcías. Laj Hilcías, aꞌan xcomoneb laj tij li queꞌcuan saꞌ li naꞌajej Anatot saꞌ xcue̱nt lix naꞌajeb laj Benjamín.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

2 Reyes 14:23

Yo̱ oꞌlaju chihab roquic chokꞌ rey laj Amasías li ralal laj Joás li quicuan chokꞌ xreyeb laj Judá nak laj Jeroboam qui-oc chokꞌ xreyeb laj Israel chokꞌ re̱kaj laj Joás lix yucuaꞌ. Jun roxcꞌa̱l (41) chihab quicuan saꞌ xcuanquil aran Samaria.

1 Corintios 1:27

Li ma̱cꞌaꞌeb xnaꞌleb chiruheb li cui̱nk, li Dios quixsiqꞌueb ru re nak teꞌcꞌutekꞌ xxuta̱neb li cuanqueb xnaꞌleb saꞌ ruchichꞌochꞌ. Ut li ma̱cꞌaꞌeb xcuanquil saꞌ ruchichꞌochꞌ li Dios quixsiqꞌueb ru re nak teꞌcꞌutekꞌ xxuta̱neb li cuanqueb xcuanquil saꞌ ruchichꞌochꞌ.

Miqueas 1:1

Li Ka̱cuaꞌ quia̱tinac riqꞌuin laj Miqueas aj Moreset ut quixcꞌutbesi chiru cꞌaꞌru teꞌxcꞌul eb li tenamit Samaria ut Jerusalén. Aꞌin quicꞌulman saꞌ eb li cutan nak queꞌcuan chokꞌ xreyeb laj Judá laj Jotam ut laj Acaz ut laj Ezequías.

Oseas 1:1

Li tzꞌi̱banbil saꞌ li hu aꞌin, aꞌan li quixye li Ka̱cuaꞌ re laj Oseas, li ralal laj Beeri, saꞌ eb li cutan nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías, ut nak quicuan chokꞌ xreyeb laj Israel laj Jeroboam, li ralal laj Joás.

2 Reyes 14:21

Chirix chic aꞌan, eb li tenamit queꞌxxakab laj Azarías chokꞌ xreyeb laj Judá chokꞌ re̱kaj laj Amasías lix yucuaꞌ. Cuaklaju chihab cuan re laj Azarías nak quixakaba̱c chokꞌ rey.

Jeremías 7:27

At Jeremías, la̱at ta̱ye chixjunil aꞌin reheb lin tenamit, usta incꞌaꞌ teꞌabi̱nk cha̱cuu. Jap a̱cue chixyebal reheb, usta incꞌaꞌ tateꞌxchakꞌbe.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

San Mateo 4:18

Saꞌ jun cutan nak coxnumekꞌ li Jesús chire li palau cuan Galilea, quirileb cuib li cui̱nk ri̱tzꞌineb rib. Li jun, aꞌan laj Simón. Aj Pedro nayeman re. Li jun chic aj Andrés xcꞌabaꞌ. Yo̱queb chixqꞌuebal lix yoy saꞌ li palau xban nak aꞌaneb aj chapol car.

Jeremías 28:8

Chalen najter nak toj ma̱jiꞌ ninyoꞌla la̱in ut la̱at, eb li profeta queꞌxye resil nak saꞌ nabal xni̱nkal ru tenamit ta̱cua̱nk li ple̱t ut li raylal ut li caki yajel.