Abdías 1:5 - Li Santil hu

⁵ Li Ka̱cuaꞌ quixye: —Us raj chokꞌ e̱re nak aj e̱lkꞌ ta teꞌcha̱lk chiru kꞌojyi̱n chi elkꞌa̱c e̱riqꞌuin. Teꞌxcꞌam raj caꞌaj cuiꞌ li joꞌ qꞌuial teꞌraj. Ut cui teꞌxsicꞌ li ru li uvas, ¿ma incꞌaꞌ ta biꞌ teꞌxcanab raj caꞌchꞌinak chic e̱re? Abanan, eb li xicꞌ nequeꞌiloc e̱re, teꞌcha̱lk ut teꞌxsach e̱ru chi junaj cua.

Q'eqchi Bible

⁵ “Wi ta te'wulaq eb' laj elq' sa' laawochoch chiru q'oqyink, ink'a' raj te'xk'am chixjunil. Ut wi ta te'chalq eb' laj q'olonel, ma ink'a' raj te'xkanab' kach'inaq cho'q aawe?

Abdías 1:5 ပူးပေါင်းရင်းမြစ်များ

Jeremías 49:9

Nak teꞌsicꞌok uvas, ¿ma incꞌaꞌ ta biꞌ teꞌxcanab caꞌchꞌinak li ru? Ut nak nequeꞌchal laj e̱lkꞌ chiru kꞌojyi̱n, ¿ma incꞌaꞌ ta biꞌ teꞌxcꞌam caꞌaj cuiꞌ li joꞌ qꞌuial nequeꞌraj chokꞌ reheb?

Deuteronomio 24:21

Ut nak te̱sicꞌ ru li uvas, me̱sicꞌ ru xcaꞌ sut. Te̱canab ban reheb li jalan xtenamiteb, ut reheb li ma̱cꞌaꞌeb xnaꞌ xyucuaꞌ, ut reheb ajcuiꞌ li xma̱lcaꞌan.

Isaías 17:6

Incꞌaꞌ chic qꞌui li cristian li teꞌcolekꞌ Israel. Chanchan li cheꞌ olivo nak nachikꞌeꞌ. Natꞌaneꞌ chixjunil li ru. Cuib oxib aj chic nacana saꞌ li ruꞌuj malaj ut saꞌ eb li rukꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Jeremías 50:23

Ilomak chanru nak xeꞌosoꞌ eb laj Babilonia. Ilomak chanru nak xsacheꞌ lix cuanquil. Aꞌan li cau nataklan saꞌ xbe̱neb li tenamit junxil. Chanchan li martillo. Abanan anakcuan xeꞌsacheꞌ ru saꞌ xya̱nkeb li xni̱nkal tenamit.

Isaías 24:13

Joꞌcan ta̱cꞌulma̱nk saꞌ chixjunileb li tenamit li cuanqueb yalak bar saꞌ ruchichꞌochꞌ. Chanchan nak nachikꞌchikꞌi̱c li cheꞌ olivo re ta̱tꞌanekꞌ li ru. Chanchan nak ac xeꞌrakeꞌ chixsicꞌbal chixjunil li ru li uvas.

Isaías 14:12

Chanchanat laj Lucero li qui-isi̱c saꞌ choxa. La̱at chanchanat raj li cak chahim li nalemtzꞌun ekꞌela xban nak cꞌajoꞌ la̱ lokꞌal junxil. Catnumta saꞌ xbe̱neb li tenamit ut cacue̱chaniheb. Abanan qui-isi̱c la̱ cuanquil joꞌ laj Lucero nak quicuteꞌ chak saꞌ ruchichꞌochꞌ.

2 Samuel 1:19

Quisacheꞌ ru lix lokꞌal li tenamit Israel saꞌ xbe̱neb li tzu̱l. Li kꞌaxal cauheb rib chi pletic queꞌcamsi̱c.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Jeremías 6:9

Ut quixye cuiꞌchic li Ka̱cuaꞌ: —Ta̱sachekꞌ ruheb chixjunileb laj Israel. Teꞌsiqꞌuekꞌ chi us toj retal ma̱ jun chic ta̱cana̱k joꞌ nak laj e̱chal re li uvas naxsicꞌ li ru xcaꞌ sut. Ma̱cꞌaꞌ chic naxcanab.—

Abdías 1:9

Sicsotkeb xbaneb xxiu li cauheb rib chi pletic saꞌ li tenamit Temán. Ut telajeꞌsachekꞌ ruheb chixjunileb li cuanqueb saꞌ li tzu̱l saꞌ lix naꞌajeb li ralal xcꞌajol laj Esaú.