Abdías 1:21 - Li Santil hu

²¹ Ut eb laj Israel li queꞌnumta saꞌ xbe̱neb laj Edom teꞌxic saꞌ li tzu̱l Sión chi takla̱nc saꞌ xbe̱neb li cuanqueb saꞌ xya̱nkeb li tzu̱l saꞌ lix chꞌochꞌ laj Esaú. Ut li Ka̱cuaꞌ, aꞌan ta̱cua̱nk xcuanquil saꞌ xbe̱neb.

Q'eqchi Bible

²¹ Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Abdías 1:21 ပူးပေါင်းရင်းမြစ်များ

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Santiago 5:20

Chenauhak la̱ex nak li ani tixsukꞌisi chak junak li ras ri̱tzꞌin saꞌ xya̱lal re nak tixcanab xba̱nunquil li ma̱c, aꞌan tixcol li ras ri̱tzꞌin chiru li ca̱mc. Ut saꞌ xcꞌabaꞌ li jun aꞌan, nabal li ma̱c ta̱cuyekꞌ ta̱sachekꞌ xban li Dios.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Daniel 7:27

Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

1 Timoteo 4:16

Qꞌue retal chi us li cꞌaꞌru ta̱ba̱nu joꞌ ajcuiꞌ li cꞌaꞌru ta̱tzoleb cuiꞌ. Cui ta̱ba̱nu chi joꞌcan, tatcolekꞌ la̱at ut teꞌcolekꞌ ajcuiꞌ li ani teꞌabi̱nk re li cꞌaꞌru ta̱ye.

Salmos 22:28

Li Ka̱cuaꞌ Dios, aꞌan li tzꞌakal Rey ut aꞌan li kꞌaxal nim xcuanquil saꞌ xbe̱neb chixjunileb li tenamit saꞌ ruchichꞌochꞌ.

San Lucas 22:30

La̱ex texcuaꞌak ut tex-ucꞌak saꞌ lin me̱x nak cua̱nkin saꞌ lin cuanquil. Ut la̱ex texcꞌojla̱k saꞌ le̱ cꞌojariba̱l ut texrakok a̱tin saꞌ xbe̱neb li cablaju xte̱paleb laj Israel, chan li Jesús.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Isaías 19:20

Aꞌaneb li retalil nak li Ka̱cuaꞌ cuan aran Egipto. Nak li tenamit teꞌxya̱ba xcꞌabaꞌ li Ka̱cuaꞌ xban li raylal li yo̱keb chixcꞌulbal, li Ka̱cuaꞌ tixtakla junak li ta̱colok reheb ut tixtenkꞌaheb.

Jueces 2:16

Usta yo̱ xjoskꞌil li Ka̱cuaꞌ saꞌ xbe̱neb, abanan quixxakabeb laj rakol a̱tin chixtenkꞌanquileb laj Israel re nak teꞌxcol ribeb chiruheb li yo̱queb chi makꞌoc re li cꞌaꞌru reheb.

Apocalipsis 20:4

Ut quicuileb li cꞌojariba̱l li queꞌcꞌojla cuiꞌ li queꞌqꞌueheꞌ xcuanquil chi rakoc a̱tin. Queꞌcuil li queꞌcamsi̱c xban nak queꞌxchꞌolob resil li Jesús ut xban nak queꞌxchꞌolob ra̱tin li Dios. Incꞌaꞌ queꞌxlokꞌoni li joskꞌ aj xul chi moco lix jalam u̱ch. Ut incꞌaꞌ quiqꞌueheꞌ retalil li xul saꞌ xpe̱quemeb chi moco chi rukꞌeb. Queꞌcuacli cuiꞌchic chi yoꞌyo ut queꞌcuan xcuanquil rochbeneb li Cristo chiru jun mil (1,000) chihab.

Apocalipsis 19:6

Ut quicuabi cuiꞌchic xya̱b xcuxeb nabaleb li cuanqueb saꞌ choxa. Chanchan xya̱b lix cau ok li palau ut chanchan nak namok li ca̱k. Queꞌxye: Aleluya. Li Ka̱cuaꞌ li nimajcual Dios, aꞌan cuan saꞌ xcuanquil.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

San Mateo 6:10

Chicha̱lk ta la̱ nimajcual cuanquilal. Chi-uxk ta li nacacuaj, joꞌ saꞌ choxa joꞌ ajcuiꞌ saꞌ ruchichꞌochꞌ.

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Daniel 12:3

Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Salmos 102:15

Eb li jalaneb xtenamit teꞌxxucua ru li Ka̱cuaꞌ. Eb li rey li cuanqueb saꞌ ruchichꞌochꞌ teꞌxqꞌue retal lix lokꞌal.

2 Reyes 13:5

Li Dios quixye nak tixqꞌue jun li cui̱nk re ta̱isi̱nk reheb laj Israel rubel xcuanquileb laj Siria re nak naru teꞌcua̱nk cuiꞌchic saꞌ lix naꞌajeb saꞌ xya̱lal chi ma̱cꞌaꞌ ta̱chꞌiꞌchꞌiꞌi̱nk reheb joꞌ nak queꞌcuan junxil.

Jueces 3:9

Tojoꞌnak eb laj Israel queꞌxya̱ba xcꞌabaꞌ li Ka̱cuaꞌ. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb li xicꞌ nequeꞌiloc reheb. Li cui̱nk aꞌan, aꞌan laj Otoniel, li ralal laj Cenaz. Laj Cenaz, aꞌan li ri̱tzꞌin laj Caleb.

Nehemías 9:27

Joꞌcan nak cakꞌaxtesiheb saꞌ rukꞌeb li xicꞌ nequeꞌiloc reheb ut saꞌ rukꞌeb aꞌan nabal li raylal queꞌxcꞌul. Nak ac cuanqueb chic saꞌ raylal queꞌxtzꞌa̱ma xtenkꞌanquileb a̱cue. Ut la̱at toj saꞌ choxa cacuabi chak lix tijeb. Xban nak kꞌaxal nim la̱ cuuxta̱n caxakabeb li ani teꞌcolok reheb saꞌ rukꞌeb li xicꞌ nequeꞌiloc reheb.

Salmos 47:7

Li Dios, aꞌan li tzꞌakal Rey saꞌ chixjunil li ruchichꞌochꞌ. Joꞌcan nak chikabicha xlokꞌal ut chikatauhak ru lix ya̱lal li yo̱co xba̱nunquil.

Salmos 67:4

Cheꞌsahokꞌ ta saꞌ xchꞌo̱leb chixjunileb li tenamit, ut cheꞌbicha̱nk ta xban xsahileb saꞌ xchꞌo̱l xban nak saꞌ ti̱quilal nacatrakoc a̱tin saꞌ xbe̱neb ut saꞌ xya̱lal nacaberesiheb chixjunileb li cuanqueb saꞌ ruchichꞌochꞌ.

Génesis 25:23

Li Ka̱cuaꞌ Dios quixye re lix Rebeca: —Li cocꞌal li teꞌyoꞌla̱k, luteb. Li asbej ta̱cꞌanjelak chiru li i̱tzꞌinbej. Riqꞌuin li cuib li cocꞌal aꞌin teꞌcua̱nk cuib li ni̱nki tenamit. Jun li tenamit kꞌaxal nimak xcuanquil chiru li tenamit jun chic. Ut incꞌaꞌ teꞌxcꞌam rib saꞌ usilal, chan li Dios.

Salmos 22:29

Chixjunileb teꞌxcuikꞌib ribeb chiru li Ka̱cuaꞌ ut teꞌxlokꞌoni ru. Teꞌxlokꞌoni li Ka̱cuaꞌ chixjunileb li biomeb ut li rahobtesinbileb joꞌqueb ajcuiꞌ li ca̱mqueb re. Eb aꞌan ma̱cꞌaꞌ xyuꞌam xjuneseb rib.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.