Abdías 1:20 - Li Santil hu

²⁰ Eb laj Israel li queꞌchapeꞌ ut queꞌcꞌameꞌ chi najt, aꞌaneb li teꞌe̱chani̱nk re lix chꞌochꞌeb laj cananeo. Ta̱cuulak toj saꞌ li tenamit Sarepta. Ut eb laj Jerusalén li queꞌchapeꞌ, li cuanqueb aran Sefarad, aꞌaneb li teꞌe̱chani̱nk reheb li tenamit li cuanqueb Neguev.

Q'eqchi Bible

²⁰ Jo'k'ihaleb' laj Israel li ke'isiik sa' li xtenamiteb' te'kanaaq Kanahán toj Sarepta; ut eb' laj Jerusalén li tz'aptz'ookeb' Sefarad, te'reechaniheb' li tenamit sa' xteepal Nejeb.

Abdías 1:20 ပူးပေါင်းရင်းမြစ်များ

San Lucas 4:26

Usta ra queꞌxcꞌul eb aꞌan, aban incꞌaꞌ quitakla̱c li profeta Elías chixtenkꞌanquileb li xma̱lcaꞌan aj judío. Quitakla̱c ban chixtenkꞌanquil jun li xma̱lcaꞌan li ma̱cuaꞌ aj judío cuan saꞌ li naꞌajej Sarepta li cuan nachꞌ riqꞌuin li tenamit Sidón.

Jeremías 33:13

Eb laj ilol xul teꞌrajla cuiꞌchic lix queto̱mkeb saꞌ eb li tenamit li tzu̱l ru, ut saꞌ eb li tenamit li cuanqueb Sefela, ut saꞌ eb li tenamit li cuanqueb Neguev, joꞌ ajcuiꞌ saꞌ lix naꞌajeb li ralal xcꞌajol laj Benjamín ut saꞌ lix naꞌajeb li cuanqueb chi xjun sutam Jerusalén, ut saꞌ eb li tenamit li cuanqueb Judá.

Jeremías 32:44

Eb li chꞌochꞌ teꞌlokꞌma̱nk riqꞌuin tumin ut ta̱yi̱ba̱k xhuhileb. Ut teꞌxqꞌue li sello chiru li hu. Ut cua̱nkeb li testigos. Aꞌin ta̱cꞌulma̱nk saꞌ lix naꞌajeb li ralal xcꞌajol laj Benjamín li cuanqueb chi xjun sutam Jerusalén, joꞌ ajcuiꞌ saꞌ eb li tenamit Judá ut saꞌ eb li tenamit li cuanqueb saꞌ eb li naꞌajej li tzu̱l ru ut saꞌ eb li tenamit li cuanqueb Sefela ut saꞌ eb li tenamit li cuanqueb Neguev. Ta̱uxma̱nk chi joꞌcan xban nak la̱in tinsukꞌisiheb cuiꞌchic saꞌ xnaꞌajeb li queꞌcꞌameꞌ chi pre̱xil, chan li Ka̱cuaꞌ.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Jeremías 13:19

Eb li tenamit li cuanqueb Neguev tzꞌaptzꞌo chic lix puertileb. Ut ma̱ ani chic ta̱ru̱k ta̱tehok re. Chixjunileb li cuanqueb Judá teꞌchapekꞌ ut teꞌcꞌamekꞌ saꞌ jalan tenamit.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Ezequiel 36:12

La̱in tincꞌameb cuiꞌchic laj Israel saꞌ lix naꞌajeb. Aꞌaneb li teꞌe̱chani̱nk re li chꞌochꞌ. Ut eb li ralal xcꞌajol junelic teꞌxtzaca ru li acui̱mk li ta̱e̱lk saꞌ li chꞌochꞌ aꞌin. Ut incꞌaꞌ chic teꞌca̱mk xban cueꞌej.