Abdías 1:19 - Li Santil hu

¹⁹ Eb laj Israel li cuanqueb aran Neguev, aꞌaneb li teꞌe̱chani̱nk re li tzu̱l saꞌ lix naꞌajeb laj Esaú. Ut eb laj Israel li cuanqueb saꞌ li ru takꞌa Sefela, aꞌaneb li teꞌe̱chani̱nk re lix chꞌochꞌeb laj filisteo. Ut aꞌaneb ajcuiꞌ li teꞌe̱chani̱nk re lix chꞌochꞌeb laj Efraín ut lix chꞌochꞌeb laj Samaria. Ut eb li ralal xcꞌajol laj Benjamín, aꞌaneb li teꞌe̱chani̱nk re li naꞌajej Galaad.

Q'eqchi Bible

¹⁹ Eb' laj Israel li wankeb' Nejeb te'reechaniheb' li tzuul sa' xteepal Edom; ut eb' li wankeb' chiru taq'a, te'reechani li xtenamiteb' laj Filistea. Te'reechani ajwi' li xteepaleb' laj Efraín ut aj Samaria; ut eb' laj Benjamín, a'aneb' li te'eechaninq re li na'ajej Galahad.

Abdías 1:19 ပူးပေါင်းရင်းမြစ်များ

Amós 9:12

Ut eb lin tenamit Israel teꞌnumta̱k cuiꞌchic saꞌ xbe̱neb laj Edom. Ut teꞌre̱chani cuiꞌchic li naꞌajej li ac qꞌuebil reheb junxil inban la̱in, chan li Ka̱cuaꞌ. Ut li Ka̱cuaꞌ li quiyehoc re aꞌin, aꞌan li ta̱ba̱nu̱nk re.

Jeremías 32:44

Eb li chꞌochꞌ teꞌlokꞌma̱nk riqꞌuin tumin ut ta̱yi̱ba̱k xhuhileb. Ut teꞌxqꞌue li sello chiru li hu. Ut cua̱nkeb li testigos. Aꞌin ta̱cꞌulma̱nk saꞌ lix naꞌajeb li ralal xcꞌajol laj Benjamín li cuanqueb chi xjun sutam Jerusalén, joꞌ ajcuiꞌ saꞌ eb li tenamit Judá ut saꞌ eb li tenamit li cuanqueb saꞌ eb li naꞌajej li tzu̱l ru ut saꞌ eb li tenamit li cuanqueb Sefela ut saꞌ eb li tenamit li cuanqueb Neguev. Ta̱uxma̱nk chi joꞌcan xban nak la̱in tinsukꞌisiheb cuiꞌchic saꞌ xnaꞌajeb li queꞌcꞌameꞌ chi pre̱xil, chan li Ka̱cuaꞌ.

Ezequiel 36:28

Texcua̱nk cuiꞌchic saꞌ li naꞌajej li quinqꞌue reheb le̱ xeꞌto̱nil yucuaꞌ. La̱exak chic lin tenamit ut la̱inak chic le̱ Dios.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Amós 1:8

Ut tinsacheb li cuanqueb saꞌ li tenamit Asdod. Tinsacheb ajcuiꞌ li nequeꞌtaklan saꞌ li tenamit Ascalón, joꞌ ajcuiꞌ eb li cuanqueb saꞌ li tenamit Ecrón. Chixjunileb laj filisteo teꞌosokꞌ, chan li Ka̱cuaꞌ Dios.

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

Jeremías 49:1

Joꞌcaꞌin quixye li Ka̱cuaꞌ li nimajcual Dios chirixeb laj Amón: —¿Ma ma̱cꞌaꞌ ta biꞌ ralal xcꞌajoleb laj Israel? ¿Ma ma̱cꞌaꞌeb ta biꞌ ralal xcꞌajoleb teꞌe̱chani̱nk re lix naꞌajeb? ¿Cꞌaꞌut nak eb laj Amón li nequeꞌlokꞌonin li yi̱banbil dios Milcom queꞌxchap li naꞌajej Gat? ¿Cꞌaꞌut nak xeꞌcana chi cua̱nc saꞌ eb li tenamit aꞌan?

Salmos 69:35

Chilokꞌoni̱k taxak li Ka̱cuaꞌ Dios xban nak aꞌan ta̱colok re li tenamit Sión. Aꞌan ta̱yi̱ba̱nk cuiꞌchic reheb li tenamit li cuanqueb Judá. Ut li ralal xcꞌajol teꞌre̱chani cuiꞌchic ut teꞌcua̱nk aran.

Esdras 4:17

Ut li rey quixsume lix huheb ut quixye reheb: —Yo̱quin chixtzꞌi̱banquil li hu aꞌin re laj Rehum li capitán ut re ajcuiꞌ laj Simsai laj tzꞌi̱b, ut reheb ajcuiꞌ li rochbeneb li cuanqueb Samaria. Reheb ajcuiꞌ chixjunileb li cuanqueb aran jun pacꞌal li nimaꞌ. Nintakla xsahil e̱chꞌo̱l. Chicua̱nk taxak e̱riqꞌuin li tuktu̱quil usilal.

Esdras 4:2

Queꞌcuulac riqꞌuin laj Zorobabel ut riqꞌuineb li nequeꞌjolomin re li junju̱nk cabal ut queꞌxye reheb: —Cheqꞌue ta kalese̱ns re texkatenkꞌa chi cablac xban nak la̱o nakaqꞌue ajcuiꞌ xlokꞌal le̱ Dios ut nocomayejac chiru chalen saꞌ eb li cutan nak laj Esar-hadón cuan chokꞌ rey aran Asiria, li quitaklan chak ke arin, chanqueb.

1 Crónicas 5:26

Joꞌcan nak li Ka̱cuaꞌ lix Dioseb laj Israel quixqꞌue saꞌ xchꞌo̱l laj Tiglat-pileser lix reyeb laj Asiria nak ta̱xic chi pletic riqꞌuineb li ralal xcꞌajol laj Rubén, ut eb li ralal xcꞌajol laj Gad ut li yi jach li ralal xcꞌajol laj Manasés. Ut quixcꞌameb chi pre̱xil saꞌ eb li tenamit Halah, Habor ut Hara cuan cuiꞌ li nimaꞌ Gozán. Ut aran cuanqueb toj chalen anakcuan. (Li rey Tiglat-pileser aꞌan nequeꞌxye ajcuiꞌ aj Pul re.)

2 Reyes 17:24

Lix reyeb laj Asiria quixcꞌameb laj Babilonia aran Israel. Quixcꞌameb laj Cuta, eb laj Ava ut eb laj Hamat, joꞌ eb ajcuiꞌ laj Sefarvaim. Quixqꞌueheb chi cua̱nc saꞌ eb li tenamit li cuanqueb saꞌ xcue̱nt Samaria saꞌ lix naꞌajeb laj Israel.

Josué 15:33

Ut saꞌ eb li ru takꞌa, aꞌaneb aꞌin li tenamit li quiqꞌueheꞌ reheb: Estaol, Zora, Asena,

Josué 15:21

Li tenamit li quiqꞌueheꞌ reheb, li cuan saꞌ li sur, aꞌan li cuan saꞌ li nuba̱l re li tenamit Edom. Aꞌaneb aꞌin lix cꞌabaꞌeb: Cabseel, Edar, Jagur,

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Josué 13:25

Aꞌan aꞌin li naꞌajej li quiqꞌueheꞌ reheb: li naꞌajej Jazer ut chixjunileb li tenamit li cuanqueb Galaad, ut yijach lix naꞌajeb li ralal xcꞌajol laj Amón. Nacuulac toj saꞌ li tenamit Aroer li cuan chiru li naꞌajej Rabá.

Números 1:32

Queꞌajla̱c li ralal xcꞌajol laj José. Queꞌtzꞌi̱ba̱c xcꞌabaꞌeb li ralal xcꞌajol laj Efraín li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.