Abdías 1:17 - Li Santil hu

¹⁷ Abanan eb li cuanqueb saꞌ li tzu̱l Sión teꞌcolekꞌ. Ut teꞌsantobresi̱k. Ut eb li ralal xcꞌajol laj Jacob teꞌre̱chani cuiꞌchic lix naꞌajeb.

Q'eqchi Bible

¹⁷ Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Abdías 1:17 ပူးပေါင်းရင်းမြစ်များ

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

Amós 9:8

La̱in yo̱quin chirilbal li ma̱usilal li yo̱queb chixba̱nunquil lin tenamit. La̱in tinsach ruheb saꞌ li ruchichꞌochꞌ. Abanan incꞌaꞌ tinsacheb chixjunileb li ralal xcꞌajol laj Jacob.

Joel 2:32

Abanan chixjunileb li nequeꞌya̱ban re lix cꞌabaꞌ li Ka̱cuaꞌ teꞌcolekꞌ. Saꞌ li tzu̱l Sión aran Jerusalén ta̱cua̱nk li colba-ib joꞌ yechiꞌinbil xban li Ka̱cuaꞌ. Ut li joꞌ qꞌuialeb chic li ralal xcꞌajol laj Israel li queꞌcana teꞌcolekꞌ.

Joel 3:17

La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Isaías 1:27

Xban inti̱quilal la̱in tincoleb cuiꞌchic li tenamit Sión. La̱in tincolok reheb li teꞌraj cuiꞌchic sukꞌi̱c cuiqꞌuin.

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

Jeremías 44:28

Moco nabaleb ta li teꞌe̱lk Egipto li teꞌxic cuiꞌchic chi cua̱nc Judá. Moco qꞌuiheb ta li incꞌaꞌ teꞌcamsi̱k. Ut chixjunileb laj Judá li incꞌaꞌ queꞌsacheꞌ ru, li queꞌchal chak Egipto, teꞌxqꞌue retal li cꞌaꞌru ta̱cꞌulma̱nk, ma li xinye la̱in, malaj ut li cꞌaꞌru xeꞌxye eb aꞌan.

Jeremías 44:14

Ma̱ jun reheb laj Judá li queꞌco̱eb chi cua̱nc Egipto teꞌcolekꞌ. Ma̱ jun reheb ta̱sukꞌi̱k cuiꞌchic Judá usta teꞌraj ru sukꞌi̱c. Caꞌaj chic li teꞌruha̱nk chi e̱lelic teꞌsukꞌi̱k, chan li Dios.

Ezequiel 7:16

Cuanqueb li teꞌe̱lelik saꞌ eb li tzu̱l re xcolbal ribeb joꞌ li mucuy li nequeꞌcuan saꞌ li ru takꞌa. Chixjunileb yo̱keb chi ya̱bac xban li ma̱usilal queꞌxba̱nu.

Salmos 69:35

Chilokꞌoni̱k taxak li Ka̱cuaꞌ Dios xban nak aꞌan ta̱colok re li tenamit Sión. Aꞌan ta̱yi̱ba̱nk cuiꞌchic reheb li tenamit li cuanqueb Judá. Ut li ralal xcꞌajol teꞌre̱chani cuiꞌchic ut teꞌcua̱nk aran.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.

Isaías 65:9

La̱in tinqꞌueheb chi ta̱mc li ralal xcꞌajol laj Jacob ut laj Judá. Eb aꞌan teꞌcua̱nk saꞌ eb lin tzu̱l li quinqꞌue reheb. Li sicꞌbil ruheb inban teꞌcua̱nk saꞌ li naꞌajej li teꞌre̱chani. Aran teꞌcua̱nk li nequeꞌcꞌanjelac chicuu.

Jeremías 31:23

Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Ezequiel 36:12

La̱in tincꞌameb cuiꞌchic laj Israel saꞌ lix naꞌajeb. Aꞌaneb li teꞌe̱chani̱nk re li chꞌochꞌ. Ut eb li ralal xcꞌajol junelic teꞌxtzaca ru li acui̱mk li ta̱e̱lk saꞌ li chꞌochꞌ aꞌin. Ut incꞌaꞌ chic teꞌca̱mk xban cueꞌej.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Joel 3:5

La̱ex querelkꞌa lin plata ut querelkꞌa lin oro. Li cꞌaꞌru kꞌaxal lokꞌ chicuu, la̱ex quecꞌam ut queqꞌue saꞌ xnaꞌajeb le̱ dios.