Abdías 1:16 - Li Santil hu

¹⁶ Joꞌ nak xerecꞌa xcꞌahil li rahobtesi̱c la̱ex saꞌ lin tzu̱l Sión, joꞌcan ajcuiꞌ nak teꞌrecꞌa xcꞌahil li rahobtesi̱c chixjunileb li tenamit toj retal teꞌosokꞌ.

Q'eqchi Bible

¹⁶ “Jo' naq xereek'a laa'ex xk'ahil li rahob'tesiik sa' linloq'laj tzuul, jo'kan ajwi' eb' li jalanil tenamit te'ruk' xsa' li xsek'ul linjosq'il chi kok'aq xsa' toj reetal te'oso'q chi junajwa.

Abdías 1:16 ပူးပေါင်းရင်းမြစ်များ

Joel 3:17

La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

Jeremías 49:12

Li Ka̱cuaꞌ quixye chi joꞌcaꞌin: —Cui eb li ma̱cꞌaꞌeb xma̱c queꞌqꞌueheꞌ chixcꞌulbal li raylal, ¿ma tojaꞌ ta chic la̱ex incꞌaꞌ texqꞌuehekꞌ chixtojbal rix le̱ ma̱c? Tento nak la̱ex te̱toj rix le̱ ma̱c.

1 Pedro 4:17

Cuulac re xkꞌehil li rakoc a̱tin. Ta̱ticla̱k kiqꞌuin la̱o, li ralal xcꞌajol li Dios. Tento nak ta̱rakekꞌ a̱tin saꞌ kabe̱n la̱o aj pa̱banel. Ut ta̱rakekꞌ ajcuiꞌ a̱tin saꞌ xbe̱neb li incꞌaꞌ nequeꞌxpa̱b li Dios. Abanan kꞌaxal numtajenak cuiꞌchic li raylal teꞌxcꞌul eb aꞌan.

Habacuc 1:9

Li cꞌaꞌru teꞌxtau saꞌ lix beheb, teꞌxsach ru. Ac xiu xiu cuanqueb li tenamit usta toj ma̱jiꞌ nequeꞌnumeꞌ. Nak teꞌnumta̱k saꞌ xbe̱n li tenamit, numtajenak xqꞌuialeb li teꞌxchap. Chanchan xqꞌuial li cocꞌ ru li samaib li cuan chire li palau.

Isaías 42:14

Li Ka̱cuaꞌ quixye: —La̱in ma̱cꞌaꞌ xinye. Najt xincuy cuib ut ma̱cꞌaꞌ xinba̱nu. Abanan anakcuan tinjap cue joꞌ nak naxjap re jun li ixk li oc re chi qꞌuira̱c. Jun xxiquic nak tinsacheb ru li xicꞌ nequeꞌiloc cue.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.