Abdías 1:12 - Li Santil hu

¹² Incꞌaꞌ raj xsahoꞌ e̱chꞌo̱l saꞌ li cutan nak li ralal xcꞌajol li ri̱tzꞌin le̱ xeꞌto̱nil yucuaꞌ yo̱queb chixcꞌulbal li raylal. Incꞌaꞌ raj xsahoꞌ saꞌ e̱chꞌo̱l chirilbaleb laj Judá nak queꞌrahobtesi̱c. Ut incꞌaꞌ raj xehobeb nak xeꞌnumta li xicꞌ nequeꞌiloc reheb saꞌ xbe̱neb.

Q'eqchi Bible

¹² Ink'a' raj xsaho'k laach'ool chirix li xrahilal laawiitz'in. Ink'a' ajwi' xsaho'k raj laawaanm chirix li roso'jik laj Judá, chi moko xase'e raj sa' xkutankil li raaxiik'.

Abdías 1:12 ပူးပေါင်းရင်းမြစ်များ

Miqueas 4:11

Anakcuan nabal chi tenamit xeꞌxchꞌutub ribeb chi pletic e̱riqꞌuin. Nequeꞌxye: —Takasach li tenamit Jerusalén. Takaj takil nak ta̱osokꞌ chi junaj cua li tenamit Sión, chanqueb.

Ezequiel 35:15

La̱ex quisahoꞌ saꞌ e̱chꞌo̱l nak li naꞌajej Israel xcana chi ma̱cꞌaꞌ chic cuan chi saꞌ. Joꞌcan nak tincanab li tzu̱l Seir chi ma̱cꞌaꞌ chic cuan chi saꞌ, joꞌ ajcuiꞌ chixjunil li naꞌajej Edom. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Proverbios 17:5

Li ani nequeꞌhoboc reheb li nebaꞌ, aꞌ li Dios li quiyi̱ban reheb nequeꞌxhob. Ut li ani nasahoꞌ saꞌ xchꞌo̱l chirilbal li raylal nequeꞌxcꞌul, aꞌan incꞌaꞌ ta̱cana̱k chi incꞌaꞌ teꞌxtoj xma̱c.

1 Samuel 2:3

Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.

Salmos 37:13

Abanan li Ka̱cuaꞌ naseꞌec xban li nequeꞌxba̱nu xban nak aꞌan naxnau nak cuulac re xkꞌehil nak teꞌsachekꞌ.

Salmos 31:18

Chamemobresiheb li nequeꞌticꞌtiꞌic. Eb aꞌan nequeꞌxhobeb li ti̱queb xchꞌo̱l ut nequeꞌxmajecuaheb.

Salmos 22:17

Naru rajlanquil lin bakel. Chixjunileb yo̱queb chincaꞌyanquil ut incꞌaꞌ nequeꞌxcanab cuilbal.

Li xHu LAJ JOB 31:29

La̱in ma̱ jun sut xsahoꞌ saꞌ inchꞌo̱l nak yo̱queb chixcꞌulbal raylal li xicꞌ nequeꞌiloc cue, chi moco xsahoꞌ saꞌ inchꞌo̱l nak cuanqueb saꞌ chꞌaꞌajquilal.

Apocalipsis 13:5

Ut quiqꞌueheꞌ xcuanquil li joskꞌ aj xul chi a̱tinac ut chixba̱nunquil li cꞌaꞌru ta̱raj. Kꞌaxal kꞌetkꞌet li xul ut yo̱ chixmajecuanquil li Dios. Sachba chꞌo̱lej quixba̱nu chiru oxib chihab riqꞌuin cuakib po.

Santiago 3:5

Joꞌcan ajcuiꞌ li ruꞌuj akꞌ. Kꞌaxal caꞌchꞌin aban nanumta naxye. Chanchan li xam. Riqꞌuin yal jun ratzꞌum li xam ta̱nak saꞌ junak qꞌuicheꞌ tixcꞌat chixjunil li qꞌuicheꞌ.

San Lucas 19:41

Nak cuulac re Jerusalén, li Jesús quiya̱bac chirilbal li tenamit.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Salmos 92:11

La̱in tincuil nak tatnumta̱k saꞌ xbe̱neb li xicꞌ nequeꞌiloc cue. Ut tincuabi nak yo̱queb chi ya̱bac xban li raylal li teꞌxcꞌul li incꞌaꞌ useb xnaꞌleb.

Salmos 59:10

At inDios, la̱in ninnau nak niquina̱ra ut ninnau ajcuiꞌ nak la̱at tattenkꞌa̱nk cue. La̱at tatqꞌuehok cue chirilbal chanru nak ta̱sacheb xcuanquil li xicꞌ nequeꞌiloc cue.

Salmos 54:7

La̱in ninnau nak la̱at xatcoloc cue chiruheb chixjunil li raylal ut xcuil nak xasacheb ru li xicꞌ nequeꞌiloc cue.

Li xHu LAJ JOB 18:20

Eb li cuanqueb saꞌ li este li na-el cuiꞌ chak li sakꞌe, teꞌxucuak xban li cꞌaꞌru quixcꞌul li cui̱nk. Ut eb li cuanqueb saꞌ li oeste, li na-oc cuiꞌ li sakꞌe, teꞌsachk xchꞌo̱leb chirilbal li cꞌaꞌru quixcꞌul.

Salmos 35:15

Abanan nak cuanquin saꞌ raylal, eb aꞌan queꞌsahoꞌ saꞌ xchꞌo̱leb. Incꞌaꞌ quincꞌoxla nak tineꞌxtzꞌekta̱na. Queꞌxchꞌutub rib chinseꞌenquil ut incꞌaꞌ queꞌxcanab inhobbal.

Lamentaciones 2:16

Chixjunileb li xicꞌ nequeꞌiloc e̱re yo̱queb che̱hobbal. Nequeꞌrecꞌasi lix jolomeb ut nequeꞌseꞌec. Ut nequeꞌxye: —Chanchan xkanukꞌeb nak xkasach ruheb. Aꞌan aꞌin li cutan yo̱co chiroybeninquil nak teꞌsachekꞌ ruheb laj Jerusalén. Toj xkil ajcuiꞌ nak xeꞌsacheꞌ ruheb, chanqueb.

Ezequiel 35:12

Ut la̱ex te̱nau nak la̱in xcuabi li cꞌaꞌru xeye nak xetzꞌekta̱naheb li tzu̱l li cuanqueb Israel. La̱ex xeye nak xeꞌsacheꞌ ruheb ut la̱ex chic tex-e̱chani̱nk reheb.

Ezequiel 36:5

Nak yo̱ injoskꞌil la̱in li nimajcual Dios quina̱tinac chirix li tenamit Edom joꞌ eb ajcuiꞌ li jun chꞌol chic tenamit li cuanqueb che̱jun sutam. Kꞌaxal sa saꞌ xchꞌo̱leb nak queꞌrelkꞌa li cꞌaꞌru e̱re la̱ex lin tenamit ut queꞌxcꞌam chokꞌ reheb.