Abdías 1:11 - Li Santil hu

¹¹ Li queꞌchal saꞌ jalan tenamit, li xicꞌ nequeꞌiloc reheb, queꞌxtꞌan li oqueba̱l re li tenamit Jerusalén ut queꞌnumta saꞌ xbe̱neb. La̱ex cuanquex aran ut ma̱cꞌaꞌ queba̱nu re xtenkꞌanquileb laj Judá. Chanchan ajcuiꞌ la̱ex jun saꞌ xya̱nkeb li xicꞌ nequeꞌiloc reheb xban nak incꞌaꞌ quetenkꞌaheb nak queꞌmakꞌeꞌ chiruheb li cꞌaꞌru cuan reheb.

Q'eqchi Bible

¹¹ Sa' li kutan naq eb' li xik' neke'ilok re li tenamit xe'xchap chixjunil ut eb' li jalaneb' xtenamit xe'xjuk' li rokeb'aal Jerusalén ut xe'xb'uuli rix, laa'at ajwi' jun sa' xyanqeb': maak'a' xab'aanu re xtenq'ankileb' laakomon.

Abdías 1:11 ပူးပေါင်းရင်းမြစ်များ

Salmos 137:7

At nimajcual Dios, ma̱canab ta yal chi joꞌcan li raylal li queꞌxba̱nu ke li ralal xcꞌajol laj Edom nak queꞌnumta li jalan tenamit saꞌ kabe̱n. Quisahoꞌ saꞌ xchꞌo̱leb ut queꞌxye: —Jucꞌumak li tenamit Jerusalén ut sachomak chi junaj cua, chanqueb.

Nahum 3:10

Abanan, usta kꞌaxal cauheb rib, eb laj Tebas queꞌchapeꞌ ajcuiꞌ ut queꞌcꞌameꞌ chi najt. Eb li cocꞌal quilajeꞌsaqꞌueꞌ saꞌ eb li xa̱la be toj retal queꞌcamsi̱c. Queꞌbu̱lic chirixeb laj cꞌamol be re teꞌril ani aj iqꞌuin teꞌcana̱k chi mo̱sil li junju̱nk ut eb li cuanqueb xcuanquil queꞌbaqꞌueꞌ riqꞌuin cadena.

Joel 3:3

Queꞌbu̱lic chirixeb lin tenamit. Ut queꞌxcꞌayiheb li sa̱j al chokꞌ xtojbaleb li ixk li nequeꞌxcꞌayi ribeb. Ut queꞌxcꞌayiheb li tukꞌ ixk chokꞌ xtzꞌak li vino li nequeꞌrucꞌ.

Salmos 50:18

Aꞌ chic eb laj e̱lkꞌ nequecꞌuleb chi sa saꞌ e̱chꞌo̱l ut nequecꞌam e̱rib saꞌ usilal riqꞌuineb laj muxul caxa̱r.

2 Reyes 25:11

Ut laj Nabuzaradán quixchapeb li joꞌ qꞌuialeb chic li tenamit li queꞌcana ut quixcꞌameb Babilonia joꞌqueb ajcuiꞌ li nequeꞌcꞌanjelac saꞌ li tenamit. Ut quixcꞌameb ajcuiꞌ li queꞌoquen chirix lix reyeb laj Babilonia.

Salmos 83:5

Junaj xcꞌaꞌuxeb nak queꞌxcꞌu̱b ru chanru teꞌxba̱nu re kasachbal.

Salmos 83:6

Queꞌxjunaji ribeb laj Edom riqꞌuineb li ralal xcꞌajol laj Ismael, ut eb laj Moab ut li ralal xcꞌajol lix Agar,

Ezequiel 35:10

La̱ex queye nak li cuib chi tenamit Judá ut Israel te̱re̱chani joꞌ ajcuiꞌ chixjunil li naꞌajej. Ta̱cana̱k chokꞌ e̱re li naꞌajej, chanquex, usta la̱in lix Dioseb.

Amós 1:6

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Gaza. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Quilajeꞌnumta saꞌ xbe̱neb li tenamit ut queꞌxcꞌayiheb chokꞌ rahobtesinbil mo̱s reheb laj Edom.

Amós 1:9

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Tiro. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌnumta saꞌ xbe̱neb li tenamit ut queꞌxkꞌaxtesiheb saꞌ rukꞌeb laj Edom. Ut incꞌaꞌ chic quijulticoꞌ reheb li contrato queꞌxba̱nu re xcꞌambaleb rib saꞌ usilal.

Sofonías 2:10

Chixjunil li raylal aꞌin ta̱cha̱lk saꞌ xbe̱neb laj Moab joꞌqueb ajcuiꞌ laj Amón xban nak xeꞌxnimobresi ribeb, ut queꞌxhob lix tenamit li Dios li kꞌaxal nim xcuanquil ut queꞌnumta saꞌ xbe̱neb.