Abdías 1:10 - Li Santil hu

¹⁰ La̱ex aj Edom, ralal xcꞌajolex laj Esaú, ta̱cꞌutekꞌ e̱xuta̱n ut texsachekꞌ chi junaj cua xban li ma̱usilal li queba̱nu reheb li ralal xcꞌajol laj Jacob, li ri̱tzꞌin le̱ xeꞌto̱nil yucuaꞌ.

Q'eqchi Bible

¹⁰ “Sa' xk'ab'a' xrahob'tesinkil ut xkamsinkil laawiitz'in laj Jakob, tatkanaaq sa' xutaan ut tat-oso'q chi junwaakaj.

Abdías 1:10 ပူးပေါင်းရင်းမြစ်များ

Amós 1:11

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Edom. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb laj Edom queꞌpletic riqꞌuineb laj Israel ut incꞌaꞌ queꞌril xtokꞌoba̱l ruheb. Junelic ban yo̱queb xjoskꞌileb saꞌ xbe̱neb ut junelic xicꞌ nequeꞌril.

Ezequiel 35:9

La̱in tincanab chi junaj cua li naꞌajej chi ma̱cꞌaꞌ chic cuan chi saꞌ. Ma̱ ani chic teꞌcua̱nk saꞌ eb le̱ tenamit, ut incꞌaꞌ chic teꞌxyi̱b. Ut riqꞌuin aꞌan te̱qꞌue retal nak la̱in li Ka̱cuaꞌ.

Salmos 89:45

Chanchan nak ac ti̱x chic usta toj ma̱jiꞌ nati̱x chi us ut xacꞌut xxuta̱n.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Salmos 137:7

At nimajcual Dios, ma̱canab ta yal chi joꞌcan li raylal li queꞌxba̱nu ke li ralal xcꞌajol laj Edom nak queꞌnumta li jalan tenamit saꞌ kabe̱n. Quisahoꞌ saꞌ xchꞌo̱leb ut queꞌxye: —Jucꞌumak li tenamit Jerusalén ut sachomak chi junaj cua, chanqueb.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Joel 3:19

Ut li nimla tenamit Egipto ta̱sachekꞌ ru ut li naꞌajej Edom ta̱cana̱k chi ma̱cꞌaꞌ chic cuan chiru xban li ma̱usilal li queꞌxba̱nu reheb laj Judá. Queꞌxcamsiheb laj Judá chi ma̱cꞌaꞌeb xma̱c.

Ezequiel 7:18

Teꞌxqꞌue kꞌes ru tꞌicr chirixeb ut yo̱keb xxiu. Jobilak rismaleb ut yo̱keb xxuta̱n.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Jeremías 51:51

La̱ex nequeye, “Xuta̱nal xo-el ut xohobeꞌ ut nocoxuta̱na̱c xban nak eb li jalaneb xtenamit queꞌoc saꞌ eb li santil naꞌajej saꞌ lix templo li Ka̱cuaꞌ.”

Jeremías 49:13

Saꞌ incꞌabaꞌ la̱in xinba̱nu jun li juramento ut xinye nak li tenamit Bosra ta̱sachekꞌ ru ut xucuajel chic rilbal ta̱cana̱k. Tzꞌekta̱nanbilak ut majecuanbilak. Chixjunileb li tenamit li cuanqueb chi xjun sutam teꞌsachekꞌ ruheb chi junaj cua, chan li Dios.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Salmos 132:18

Eb li xicꞌ nequeꞌiloc re xuta̱nal teꞌxcꞌul. Abanan aꞌan cua̱nk xcuanquil chi junelic.—

Salmos 109:29

Sachso̱queb ta xchꞌo̱l cheꞌcana̱k. Xuta̱nal taxak teꞌcana̱k chi junaj cua.

Salmos 69:7

At inDios, saꞌ a̱cꞌabaꞌ la̱at nincꞌul raylal ut nincꞌul hobecꞌ ut nequeꞌxcꞌut inxuta̱n riqꞌuin li nequeꞌxba̱nu cue.

Génesis 27:11

Laj Jacob quixye re: —Li cuas kꞌol is rix ut la̱in moco kꞌol is ta cuix.

Deuteronomio 23:7

Incꞌaꞌ xicꞌ te̱ril eb laj Edom xban nak eb aꞌan le̱ rechꞌalal. Ut incꞌaꞌ xicꞌ te̱ril eb laj Egipto xban nak quexcuan saꞌ lix tenamiteb.

2 Crónicas 28:17

Quiraj xtenkꞌanquil xban nak eb laj Edom queꞌchal ut queꞌpletic riqꞌuineb laj Judá ut nabaleb li cristian li queꞌxcꞌam chi pre̱xil.

Proverbios 10:6

Li ani ti̱c xchꞌo̱l na-osobtesi̱c xban li Dios. Ut eb li incꞌaꞌ useb xnaꞌleb mem teꞌcana̱k xban li raylal li ta̱cha̱lk saꞌ xbe̱neb.

Deuteronomio 23:8

Li rox xte̱paleb li ralal xcꞌajol eb aꞌan naru teꞌoc chokꞌ xcomoneb laj Israel lix tenamit li Dios.

Proverbios 17:5

Li ani nequeꞌhoboc reheb li nebaꞌ, aꞌ li Dios li quiyi̱ban reheb nequeꞌxhob. Ut li ani nasahoꞌ saꞌ xchꞌo̱l chirilbal li raylal nequeꞌxcꞌul, aꞌan incꞌaꞌ ta̱cana̱k chi incꞌaꞌ teꞌxtoj xma̱c.

Jeremías 12:14

Aꞌan aꞌin li naxye li Ka̱cuaꞌ chirixeb li jalaneb xtenamit li incꞌaꞌ useb xnaꞌleb li cuanqueb chi nachꞌ riqꞌuineb laj Israel. Aꞌaneb li queꞌpoꞌoc ru lix tenamiteb laj Israel. —Eb li tenamit aꞌan teꞌcuisi saꞌ lix naꞌajeb ut tincuisiheb ajcuiꞌ li ralal xcꞌajol laj Judá saꞌ xya̱nkeb.

Lamentaciones 4:22

Anakcuan la̱ex li cuanquex Sión, oc e̱re chi hila̱nc riqꞌuin li raylal yo̱quex chixcꞌulbal. Li Ka̱cuaꞌ incꞌaꞌ chic texcanab chi cꞌamecꞌ saꞌ jalan tenamit. Abanan, la̱ex aj Edom, texqꞌuehekꞌ chixtojbal rix le̱ ma̱c. Ut ta̱cꞌutu̱nk chiruheb chixjunileb le̱ ma̱usilal.