Abdías 1:1 - Li Santil hu

¹ Aꞌan aꞌin li quicꞌutbesi̱c chiru laj Abdías saꞌ li visión xban li Dios chirixeb laj Edom: Xkabi resil li quixye li Ka̱cuaꞌ. Jun li takl co̱ saꞌ eb li jalan tenamit chixyebal reheb: —Cauresihomak e̱rib ut yo̱keb chi pletic riqꞌuineb laj Edom.

Q'eqchi Bible

¹ A'an a'in li kiril sa' moy u laj Abdías. A'in li raatin li Qaawa' kixye chirix laj Edom: Xqab'i jun esilal xchalk chaq rik'in li Qaawa'; jun aj yehol esil xtaqlaak sa' chixjunileb' li tenamit re xyeeb'al reheb': “Wakliiqo ut yo'qeb' chi yalok rik'ineb' laj Edom”. Li Qaawa' kixye re laj Edom:

Abdías 1:1 ပူးပေါင်းရင်းမြစ်များ

Joel 3:19

Ut li nimla tenamit Egipto ta̱sachekꞌ ru ut li naꞌajej Edom ta̱cana̱k chi ma̱cꞌaꞌ chic cuan chiru xban li ma̱usilal li queꞌxba̱nu reheb laj Judá. Queꞌxcamsiheb laj Judá chi ma̱cꞌaꞌeb xma̱c.

Isaías 30:4

Usta ac xeꞌxtakla laj cꞌamol be aran Zoán, ut usta ac xeꞌxtaklaheb lix takl aran Hanes,

Isaías 21:11

Aꞌan aꞌin resil li cꞌaꞌru teꞌxcꞌul eb laj Edom: Eb aꞌan quineꞌra̱tina chak toj Seir ut queꞌxye: —La̱at li yo̱cat chi cꞌacꞌale̱nc, ¿jokꞌe cuanco? ¿Jokꞌe ta̱numekꞌ li kꞌojyi̱n? chanqueb.

Salmos 137:7

At nimajcual Dios, ma̱canab ta yal chi joꞌcan li raylal li queꞌxba̱nu ke li ralal xcꞌajol laj Edom nak queꞌnumta li jalan tenamit saꞌ kabe̱n. Quisahoꞌ saꞌ xchꞌo̱leb ut queꞌxye: —Jucꞌumak li tenamit Jerusalén ut sachomak chi junaj cua, chanqueb.

San Marcos 13:7

Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan.

San Mateo 24:6

Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan aꞌin.

Miqueas 2:13

Li Ka̱cuaꞌ Dios ta̱colok reheb chiruheb li tenamit li queꞌnumta saꞌ xbe̱neb. Chanchan nak yo̱ chixtebal li be chiruheb nak ta̱risiheb saꞌ xya̱nkeb li xicꞌ nequeꞌiloc reheb. Ut li Ka̱cuaꞌ, aꞌan ta̱cꞌamok be chiruheb ut aꞌanak lix reyeb.

Jeremías 51:46

Michꞌinan le̱ chꞌo̱l chi moco texxucuak nak te̱rabi li cꞌaꞌru yo̱keb chixyebal. Rajlal chihab jalan esilal ta̱abima̱nk. Ta̱abi̱k resil li raylal ut li rahobtesi̱nc. Ut ta̱abi̱k resil nak eb li rey yo̱keb chixpletinquil ribeb.

Jeremías 25:21

ut teꞌcꞌuluk ajcuiꞌ raylal eb laj Edom; eb laj Moab; ut eb li ralal xcꞌajol laj Amón;

Jeremías 25:17

Joꞌcan nak la̱in quinchap li secꞌ li quixqꞌue cue li Ka̱cuaꞌ retalil lix joskꞌil. Ut quinqꞌue reheb li xni̱nkal ru tenamit li quintakla̱c cuiꞌ xban li Ka̱cuaꞌ.

Isaías 21:12

Ut li yo̱ chi cꞌacꞌale̱nc quixye: —Cutanocꞌ re, abanan aꞌ que cuiꞌchic na-oc li kꞌojyi̱n. Cui ta̱cuaj patzꞌoc, tatsukꞌi̱k cuiꞌchic, chan.

Génesis 25:30

Quixye re laj Jacob: —Qꞌue bayak cue li tibel cua li cak ru li yo̱cat chixyi̱banquil. Numtajenak lin tzꞌocajic, chan. Xban aꞌin queꞌxqꞌue jun chic xcꞌabaꞌ laj Esaú. Aj Edom queꞌxqꞌue chokꞌ xcab xcꞌabaꞌ.

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Génesis 36:9

Aꞌaneb aꞌin li ralal xcꞌajol laj Esaú. Laj Esaú, aꞌan lix xeꞌto̱nil yucuaꞌeb laj Edom li cuanqueb saꞌ li naꞌajej Seir li tzu̱l ru.

Ezequiel 35:1

Li Ka̱cuaꞌ quia̱tinac cuiqꞌuin ut quixye cue: