3 Juan 1:7 - Li Santil hu

⁷ Eb aꞌan xeꞌoc chi xic xban nak teꞌraj xba̱nunquil xcꞌanjel li Jesucristo. Ut incꞌaꞌ queꞌxcꞌul xkꞌajca̱munquileb chiruheb li ma̱jiꞌ nequeꞌxpa̱b li Dios.

Q'eqchi Bible

⁷ Xb'aan naq xe'ok chi b'eek sa' xk'ab'a' li Kriist chi maak'a' xk'ulumeb' sa' ruq'eb' li maji' neke'xpaab' li qaYos.

3 Juan 1:7 ပူးပေါင်းရင်းမြစ်များ

Apocalipsis 2:3

Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

2 Corintios 12:13

Joꞌ quinba̱nu chak saꞌ xya̱nkeb laj pa̱banel li quinnumeꞌ cuiꞌ chak, joꞌcan ajcuiꞌ quinba̱nu nak cuanquin e̱riqꞌuin. Li cꞌaꞌru incꞌaꞌ xinqꞌue saꞌ e̱be̱n, aꞌan lin tenkꞌanquil. ¿Ma ma̱c ta biꞌ li xinba̱nu? Checuy inma̱c cui incꞌaꞌ us xinba̱nu.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

1 Corintios 9:18

¿Cꞌaꞌru inkꞌajca̱munquil yo̱quin chixcꞌulbal? Caꞌaj cuiꞌ li sahil chꞌo̱lejil naxqꞌue cue li Dios xban nak ninjultica resil li colba-ib chi ma̱cꞌaꞌ intojbal. La̱in ta̱ru̱k raj tincꞌul intojbal e̱riqꞌuin abanan incꞌaꞌ nacuaj.

Hechos 9:16

La̱in tincꞌut chiru joꞌ qꞌuial li raylal tento tixcꞌul saꞌ incꞌabaꞌ la̱in, chan li Ka̱cuaꞌ.

Hechos 8:4

Ut chixjunileb li queꞌxjeqꞌui ribeb saꞌ jalan naꞌajej yo̱queb chixyebal resil li evangelio yalak bar.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

San Juan 15:21

Texrahobtesi̱k xban nak la̱ex cualal incꞌajol. Teꞌxba̱nu chi joꞌcan xban nak incꞌaꞌ nequeꞌxnau ru li ani quitaklan chak cue.

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

Filipenses 2:9

Ut xban nak quixba̱nu chi joꞌcan, li Dios quixqꞌue xnimal xlokꞌal. “Ka̱cuaꞌ” quixqꞌue chokꞌ xcꞌabaꞌ xban nak aꞌan li kꞌaxal lokꞌ ut li kꞌaxal nim xcuanquil.

3 Juan 1:8

Joꞌcan nak tento takatenkꞌaheb li cui̱nk aꞌin xban nak kech aj cꞌanjeleb chixchꞌolobanquil lix ya̱lal.