3 Juan 1:6 - Li Santil hu

⁶ Eb aꞌan queꞌxchꞌolob xya̱lal arin chiruheb li herma̱n chanru nak nacaraheb. Chatenkꞌaheb chi cha̱bil joꞌ naraj li Dios nak teꞌxic chixyebal ra̱tin li Dios saꞌ jalan naꞌajej.

Q'eqchi Bible

⁶ Xe'xye resil chiru li Iklees chanru nakatrahok. Us taab'aanu wi taak'eheb' re li k'aru nak'anjelak re li xb'eenikeb', jo' xk'ulub'eb' sa' xk'ab'a' li Yos.

3 Juan 1:6 ပူးပေါင်းရင်းမြစ်များ

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

Tito 3:13

Chaqꞌue a̱chꞌo̱l chixtenkꞌanquileb nak teꞌe̱lk aran laj Apolos joꞌ ajcuiꞌ laj Zenas laj naꞌol chakꞌrab. Chatenkꞌaheb nak teꞌxic re nak cua̱nk cꞌaꞌru reheb ut ma̱cꞌaꞌ chipaltok reheb.

Hechos 15:3

Queꞌtakla̱c xbaneb laj pa̱banel aran Antioquía. Nak yo̱queb chi numecꞌ Fenicia ut Samaria, queꞌxye resil nak queꞌpa̱ban li ma̱cuaꞌeb aj judío. Ut cꞌajoꞌ nak queꞌsahoꞌ saꞌ xchꞌo̱leb chixjunileb laj pa̱banel rabinquil nak yo̱queb chi pa̱ba̱nc.

1 Pedro 2:20

Cui nequexsaqꞌueꞌ xban nak xesicꞌ e̱ma̱c, ut nequecuy xnumsinquil, ma̱cꞌaꞌ xlokꞌal aꞌan. Abanan cui nequecꞌul li raylal riqꞌuin xba̱nunquil li us ut nequecuy, aꞌan lokꞌ chiru li Dios.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Filipenses 4:14

Abanan, ninbantioxi e̱re nak niquine̱cꞌoxla ut nak quine̱tenkꞌa nak cuanquin saꞌ chꞌaꞌajquilal.

2 Corintios 1:16

Ut nincꞌoxla numecꞌ e̱riqꞌuin nak tinsukꞌi̱k. Ut ninnau nak tine̱tenkꞌa la̱ex chi xic aran Judea.

Romanos 15:24

Nincꞌoxla nak toxinnumekꞌ che̱rilbal nak tinxic España. Nacuaj rilbal e̱ru re nak ta̱sahokꞌ inchꞌo̱l ut nacuaj ajcuiꞌ nak tine̱tenkꞌa re nak ta̱ru̱k tinxic España.

Hechos 21:5

Nak ac xnumeꞌ li cuukub cutan, co-el saꞌ li tenamit Tiro ut co̱o. Ut queꞌco̱eb laj pa̱banel chikacanabanquil rochbeneb li rixakil ut lix cocꞌaleb. Nak cocuulac chire li palau, cocuikꞌla ut co-oc chi tijoc.

3 Juan 1:12

Chixjunileb nequeꞌxye nak cha̱bil li herma̱n Demetrio. Ut relic chi ya̱l nak lix yuꞌam nacꞌutuc re lix cha̱bilal. Joꞌcan ajcuiꞌ nakaye la̱o. Ut la̱at nacanau nak li nakaye la̱o aꞌan ya̱l.

Hechos 15:29

Incꞌaꞌ te̱tzaca li tzacae̱mk mayejanbil chiru li yi̱banbil dios chi moco te̱tzaca li quicꞌ chi moco te̱tzaca xtibel li yatzꞌbil xul. Ut incꞌaꞌ te̱mux e̱rib riqꞌuin coꞌbe̱tac yumbe̱tac. Cui te̱col e̱rib chiru chixjunil aꞌin, us te̱ba̱nu. Cherilak e̱rib, chan laj Jacobo.

Jonás 4:4

Ut li Dios quixye re: —¿Ma nacacꞌoxla nak us nacaba̱nu nak nacatpoꞌ?—

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.