3 Juan 1:10 - Li Santil hu

¹⁰ Nak tinxic aran toxinkꞌus ut che̱ru che̱junilex tinye li cꞌaꞌru yo̱ chixba̱nunquil. Yo̱ chixyebal cꞌaꞌak re ru chi a̱tinul chikix. Ut moco nacꞌojla ta xchꞌo̱l riqꞌuin aꞌan. Toj cuan cuiꞌchic cꞌaꞌak re ru incꞌaꞌ us naxba̱nu. Incꞌaꞌ naxcꞌuleb li herma̱n saꞌ li rochoch ut naxic chixtacchiꞌinquileb li herma̱n li nequeꞌraj raj xcꞌulbal li ulaꞌ, ut narisiheb saꞌ xya̱nkeb laj pa̱banel cui nequeꞌxcꞌul li rulaꞌeb.

Q'eqchi Bible

¹⁰ Jo'kan wi tinxik aran, toxinjultika li yo chi xb'aanunkil, chanru yo chi xwech'inkil qix rik'in yib' aj aatin. Ut moko nak'ojlaak ta xch'ool rik'in a'an, toj jun chik naxb'aanu: ink'a' naxk'uleb' laj paab'anel; ut eb' li neke'raj raj xb'aanunkil naxrameb' chiru, ut narisiheb' sa' li Iklees.

3 Juan 1:10 ပူးပေါင်းရင်းမြစ်များ

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Proverbios 10:10

Li ani naxmutzꞌ li xnakꞌ ru re xmukbal li ma̱usilal, nabal raylal ta̱cha̱lk saꞌ xbe̱n. Ut li ani naa̱tinac chi incꞌaꞌ naxqꞌue retal li cꞌaꞌru naxye, xjunes naxsach rib.

2 Corintios 13:2

Nak quincuulac xcaꞌ sut e̱riqꞌuin, quinqꞌueheb chak xnaꞌlebeb li yo̱queb chi ma̱cobc joꞌ ajcuiꞌ che̱junilex. Ut anakcuan ma̱ anihin saꞌ e̱ya̱nk ut tinchꞌolob cuiꞌchic xya̱lal che̱ru. Nak tincuulak cuiꞌchic e̱riqꞌuin, la̱in tebinkꞌus chi cau li ani incꞌaꞌ us yo̱queb chixba̱nunquil. Incꞌaꞌ chic teꞌcuil xtokꞌoba̱l ru.

San Lucas 6:22

Us xak e̱re la̱ex nak xicꞌ tex-ilekꞌ saꞌ incꞌabaꞌ la̱in li Cꞌajolbej. Us xak e̱re la̱ex nak tex-isi̱k saꞌ xya̱nkeb ut texhobekꞌ saꞌ incꞌabaꞌ la̱in ut ta̱yehekꞌ e̱re nak incꞌaꞌ us e̱naꞌleb.

Proverbios 10:8

Li ani cuan xnaꞌleb naxcꞌu̱luban lix tijbal. Ut li ani nacuulac chiru a̱tinac chi ma̱cꞌaꞌ rajbal ta̱osokꞌ.

3 Juan 1:5

At inherma̱n, kꞌaxal lokꞌ li nacaba̱nu nak nacatenkꞌaheb li herma̱n, usta incꞌaꞌ nacanauheb ru.

San Juan 9:22

Queꞌxye chi joꞌcan lix naꞌ xyucuaꞌ xban nak queꞌxucuac xbaneb li nequeꞌtaklan saꞌ xya̱nkeb laj judío xban nak ac cꞌu̱banbil ru xbaneb cui ani tixye nak li Jesús, aꞌan li Cristo, li jun aꞌan incꞌaꞌ chic ta̱cꞌulekꞌ saꞌ li cab li nequeꞌxchꞌutub cuiꞌ ribeb laj judío.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

1 Timoteo 5:13

Ut joꞌ cuiꞌ anchal nequeꞌxtzol ribeb chi subuc cutan nak nequeꞌxic saꞌ li junju̱nk chi cab. Ut ma̱cuaꞌ caꞌaj cuiꞌ subuc cutan nequeꞌxba̱nu. Nequeꞌxtzol aj ban cuiꞌ li moloc a̱tin ut li qꞌuehoc etal ut nequeꞌxye li moco yehecꞌ ta naraj.

2 Juan 1:10

Cui nacuulac junak e̱riqꞌuin ut nequenau nak jalan li yo̱ chixchꞌolobanquil che̱ru chiru li quixchꞌolob li Jesucristo, me̱cꞌul saꞌ le̱ rochoch chi moco te̱ye re nak li Dios chi-osobtesi̱nk re.

2 Juan 1:12

Cuan raj chic nabal tinye e̱re, abanan incꞌaꞌ nacuaj xtzꞌi̱banquil saꞌ li hu aꞌin. La̱in nacuaj xic e̱riqꞌuin re nak toa̱tinak ut takil xsahil kachꞌo̱l chi kibil kib.

3 Juan 1:3

Cꞌajoꞌ nak nasahoꞌ saꞌ inchꞌo̱l nak nequeꞌcꞌulun li herma̱n cuiqꞌuin ut nacuabi resil nak ti̱c a̱chꞌo̱l. Ut ninnau nak yo̱cat chixba̱nunquil lix ya̱lal.