2 Ts 3:8 - Li Santil hu

⁸ Incꞌaꞌ xocuaꞌac yal chi ma̱tan. Incꞌaꞌ xkacꞌul katenkꞌanquil nak xocuan saꞌ e̱ya̱nk. Xkatacuasi ban kib chi cꞌanjelac chi kꞌek chi cutan re nak ta̱cua̱nk cꞌaꞌru ke re xnumsinquil li cutan junju̱nk ut ma̱ ani xkachꞌiꞌchꞌiꞌi saꞌ e̱ya̱nk.

Q'eqchi Bible

⁸ chi moko xoowa'ak chi maatan rik'in anihaq, xqatawasi b'an qib' chi k'anjelak chi q'eq ut chi kutan, a' xqaj naq maa'ani xqach'i'ch'i'i sa' eeyanq.

2 Ts 3:8 ပူးပေါင်းရင်းမြစ်များ

San Mateo 6:11

Chaqꞌue taxak ke li kacua kucꞌa chi cuulaj cuulaj.

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

Hechos 18:3

Ut quicana rochbeneb chi cꞌanjelac xban nak juntakꞌe̱t li cꞌanjel nequeꞌxba̱nu. Nequeꞌyi̱ban tꞌicr re muheba̱l.

1 Ts 4:11

Cheqꞌuehak e̱chꞌo̱l chi cua̱nc saꞌ xya̱lal. Me̱chꞌiꞌchꞌiꞌi li ani cuan cꞌaꞌru re. Chexcꞌanjelak re nak ta̱cua̱nk cꞌaꞌru e̱re re xnumsinquil li cutan junju̱nk joꞌ xexkatakla cuiꞌ.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

1 Corintios 4:12

Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

2 Ts 3:12

Saꞌ xcꞌabaꞌ li Ka̱cuaꞌ Jesucristo, ninye reheb li incꞌaꞌ nequeꞌraj trabajic nak tento teꞌtrabajik saꞌ xya̱lal re nak ta̱cua̱nk cꞌaꞌru reheb re xnumsinquil li cutan junju̱nk.

2 Corintios 11:9

Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

Hechos 20:34

Ut nequenau ajcuiꞌ nak la̱in xincꞌanjelac riqꞌuin cuukꞌ re xsicꞌbal li cꞌaꞌru cue joꞌ ajcuiꞌ li cꞌaꞌru reheb li cuanqueb cuochben.

Proverbios 31:27

Incꞌaꞌ naxnumsi li cutan yal chi joꞌcan. Junelic ban naxqꞌue xchꞌo̱l xchꞌolaninquil lix jun cablal.

Nehemías 5:18

Chixjunil li nasachman rajlal cutan re li katzacae̱mk, aꞌan aꞌin xqꞌuial: jun cuacax, cuakib cha̱bil carner xcomoneb li sicꞌbil ruheb, ut queꞌxyi̱b ajcuiꞌ caxlan. Rajlal laje̱b cutan nequeꞌxcꞌam chak chi nabal li vino. Usta nabal li nasachman, abanan ma̱ jun sut xinpatzꞌ reheb li tenamit li cꞌaꞌru tento raj xincꞌul la̱in, joꞌ li queꞌxcꞌul li queꞌcuan chi takla̱nc saꞌ li tenamit nak kꞌaxal nabal li i̱k cuan saꞌ xbe̱neb li tenamit.

1 Corintios 9:4

¿Ma incꞌaꞌ ta biꞌ raj tento ajcuiꞌ nak tine̱tenkꞌa la̱in riqꞌuin lin tzacae̱mk?

2 Corintios 11:27

Cau nincꞌanjelac ut xincuy li raylal. Xincuy li yoꞌlec ut cuan nak ma̱cꞌaꞌ intzacae̱mk. Xincuy intzꞌocajic ut xincuy inchaki el. Xincuy li que chi incꞌaꞌ tzꞌakal li cuakꞌ.

2 Reyes 6:2

Qꞌue kalese̱ns chi xic cuan cuiꞌ li nimaꞌ Jordán re nak chikaju̱nkal takatꞌan ju̱nkak kacheꞌ ut takayi̱b jun li naꞌajej re tocua̱nk cuiꞌ, chanqueb. Ut laj Eliseo quixye: —Naru nequexxic, chan.