2 Ts 3:4 - Li Santil hu

⁴ Ut cꞌojcꞌo kachꞌo̱l saꞌ e̱be̱n la̱ex saꞌ xcꞌabaꞌ li Ka̱cuaꞌ Jesucristo nak yo̱quex chixba̱nunquil li xkajultica che̱ru ut nakanau nak te̱ba̱nu li bar cuan takaye e̱re.

Q'eqchi Bible

⁴ K'ojk'o li qaanm cherix sa' xk'ab'a' li Qaawa' naq jo'nimal xexqachaq'rab'i wi' yookex chi xpaab'ankil, ut teepaab' ajwi' chi junelik.

2 Ts 3:4 ပူးပေါင်းရင်းမြစ်များ

1 Ts 4:10

Us yo̱quex nak nequeraheb chixjunileb li cuanqueb Macedonia. Abanan nintzꞌa̱ma che̱ru, ex herma̱n, nak kꞌaxal cuiꞌchic cheba̱nu chi joꞌcan.

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

Filemón 1:21

Nintzꞌi̱bac a̱cuiqꞌuin xban nak ninnau chi ya̱l nak ta̱ba̱nu li usilal cue. Ut ninnau ajcuiꞌ nak li ta̱ba̱nu, aꞌan kꞌaxal cuiꞌchic nabal chiru li nintzꞌa̱ma cha̱cuu.

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

2 Corintios 2:3

Joꞌcan nak xintzꞌi̱ba li hu li xintakla e̱riqꞌuin. Incꞌaꞌ xco̱in e̱riqꞌuin xban nak incꞌaꞌ xcuaj xrahoꞌ inchꞌo̱l e̱ban la̱ex li xeqꞌue raj xsahil inchꞌo̱l. Ninnau nak nasahoꞌ ajcuiꞌ e̱chꞌo̱l la̱ex cui sa saꞌ inchꞌo̱l la̱in.

2 Ts 3:12

Saꞌ xcꞌabaꞌ li Ka̱cuaꞌ Jesucristo, ninye reheb li incꞌaꞌ nequeꞌraj trabajic nak tento teꞌtrabajik saꞌ xya̱lal re nak ta̱cua̱nk cꞌaꞌru reheb re xnumsinquil li cutan junju̱nk.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Gálatas 5:10

La̱in cau inchꞌo̱l saꞌ xcꞌabaꞌ li Ka̱cuaꞌ Jesucristo nak la̱ex moco jalan ta le̱ cꞌaꞌux chiru lin cꞌaꞌux la̱in. Li ani yo̱ chi poꞌoc ru le̱ pa̱ba̱l tixcꞌul xtojbal xma̱c aꞌ yal ani.

2 Corintios 8:22

Ut yo̱co chixtaklanquil jun chic li kaherma̱n chirixeb. Qꞌuila cua xkaqꞌue retal nak naxqꞌue xchꞌo̱l chixba̱nunquil li cꞌaꞌak re ru re xtenkꞌanquil li rech aj pa̱banelil. Xban nak aꞌan cau xchꞌo̱l e̱riqꞌuin, joꞌcan nak sa xchꞌo̱l chi xic e̱riqꞌuin.

2 Corintios 2:9

Xban aꞌan nak xintzꞌi̱bac e̱riqꞌuin junxil. Ut xintzꞌi̱bac ajcuiꞌ xban nak nacuaj xnaubal ma te̱ba̱nu chixjunil li cꞌaꞌru ninye e̱re.

1 Corintios 14:37

Ma̱re cuan saꞌ e̱ya̱nk li naxcꞌoxla nak aꞌan profeta malaj naxcꞌoxla nak cuan jun chic xma̱tan qꞌuebil re xban li Santil Musikꞌej. Cui joꞌcan naxcꞌoxla, chixnauhak nak li yo̱quin chixtzꞌi̱banquil saꞌ li hu aꞌin, aꞌan ajcuiꞌ li chakꞌrab qꞌuebil cue xban li Dios.

1 Corintios 7:19

Li ani naxcꞌul li circuncisión juntakꞌe̱t riqꞌuin li ani incꞌaꞌ naxcꞌul xban nak li circuncisión ma̱cꞌaꞌ xcuanquil. Li kꞌaxal us xba̱nunquil, aꞌan xpa̱banquil lix chakꞌrab li Dios.

Romanos 15:18

Ma̱cꞌaꞌ inxiu chixyebal resil li cꞌanjel xinba̱nu saꞌ xcꞌabaꞌ li Cristo nak xincꞌanjelac saꞌ xya̱nkeb li ma̱cuaꞌeb aj judío xban nak ma̱cuaꞌ injunes xincꞌanjelac. Li Jesucristo xtenkꞌan cue nak xincꞌameb xbe re nak teꞌxpa̱b li Dios riqꞌuin lin yehom inba̱nuhom.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.