2 Ts 3:3 - Li Santil hu

³ Aꞌut li Ka̱cuaꞌ Jesucristo, aꞌan ti̱c xchꞌo̱l ut junelic naxba̱nu li cꞌaꞌru naxye. Aꞌan ta̱qꞌuehok xcacuil e̱chꞌo̱l ut aꞌan ajcuiꞌ ta̱colok e̱re chiru laj tza.

Q'eqchi Bible

³ Tiik xch'ool li Qaawa'; ut a'an tixk'e xkawub' eech'ool ut texxkol chiru li maa'us.

2 Ts 3:3 ပူးပေါင်းရင်းမြစ်များ

2 Timoteo 4:18

Ut li Ka̱cuaꞌ ta̱colok cue chiru li ma̱usilal nequeꞌxcꞌoxla xba̱nunquil cue ut tinixcꞌam saꞌ lix nimajcual cuanquilal aran saꞌ choxa. Aꞌan taxak chilokꞌonima̱nk chi junelic kꞌe cutan. Joꞌcan taxak.

1 Ts 5:24

Li Dios, li quisicꞌoc e̱ru, aꞌan ti̱c xchꞌo̱l chixba̱nunquil li cꞌaꞌru naxye ut aꞌan ta̱santobresi̱nk e̱re.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

Salmos 121:7

Li nimajcual Dios, aꞌan ta̱colok a̱cue nak xiu xiu cua̱nkat ut aꞌan ta̱colok re la̱ yuꞌam.

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

San Juan 17:15

Incꞌaꞌ yo̱quin chixtzꞌa̱manquil cha̱cuu nak ta̱cuisiheb lin tzolom saꞌ ruchichꞌochꞌ. Caꞌaj cuiꞌ yo̱quin chixtzꞌa̱manquil cha̱cuu nak ta̱coleb chiru laj tza.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Salmos 19:13

Nintzꞌa̱ma cha̱cuu nak micuan taxak li kꞌetkꞌetil saꞌ li cua̱m. Incꞌaꞌ nacuaj nak ta̱numta̱k li kꞌetkꞌetil saꞌ inbe̱n. Ti̱cak taxak lin chꞌo̱l cha̱cuu re nak incꞌaꞌ tinba̱nu li ma̱c aꞌan.

2 Ts 2:17

Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.

San Lucas 11:4

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku. Ut moa̱qꞌue chi a̱le̱c. Choa̱col ban chiru li incꞌaꞌ us.—

San Mateo 5:37

Joꞌcaꞌin ban te̱ba̱nu. Cui te̱ye nak ya̱l, junes ya̱l te̱ye. Ut cui te̱ye nak incꞌaꞌ, junes incꞌaꞌ te̱ye. Cui te̱qꞌue xtzꞌakob li a̱tin aꞌan, li naꞌleb aꞌan riqꞌuin laj tza nachal.

1 Crónicas 4:10

Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.