2 Ts 3:16 - Li Santil hu

¹⁶ Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

Q'eqchi Bible

¹⁶ A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

2 Ts 3:16 ပူးပေါင်းရင်းမြစ်များ

Salmos 29:11

Li Ka̱cuaꞌ naxqꞌue xcacuilal xchꞌo̱leb li ralal xcꞌajol. Narosobtesiheb ut naxqꞌue li tuktu̱quil usilal reheb.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

Romanos 15:33

Aꞌ taxak li Dios, li naqꞌuehoc tuktu̱quil usilal, chicua̱nk e̱riqꞌuin che̱junilex. Joꞌcan taxak.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

Jueces 6:24

Laj Gedeón quixyi̱b jun li artal saꞌ li naꞌajej aꞌan re xlokꞌoninquil li Ka̱cuaꞌ ut Jehová-salom quixqꞌue chokꞌ xcꞌabaꞌ. Chalen anakcuan toj cuan ajcuiꞌ li artal aꞌan saꞌ li naꞌajej Ofra li cuan saꞌ lix naꞌajeb li ralal xcꞌajol laj Abiezer.

San Lucas 2:14

—Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

2 Timoteo 4:22

Aꞌ taxak li Ka̱cuaꞌ chicua̱nk a̱cuiqꞌuin. Ut aꞌ taxak li rusilal li Dios chicua̱nk e̱riqꞌuin la̱ex che̱junilex. Joꞌcan taxak.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Zacarías 6:13

Aꞌan ta̱yi̱ba̱nk re lix templo li Ka̱cuaꞌ ut aꞌan ta̱qꞌuehekꞌ xlokꞌal. Aꞌan ta̱cꞌojla̱k saꞌ lix cꞌojariba̱l ut aꞌan chic ta̱takla̱nk saꞌ xbe̱n li ruchichꞌochꞌ. Aꞌanak li tzꞌakal Rey ut aꞌanak ajcuiꞌ li tzꞌakal aj tij. Ma̱cꞌaꞌak chꞌaꞌajquilal saꞌ li cuib chi cꞌanjel li tixba̱nu. Us ta̱e̱lk lix cꞌanjel chiru.

Números 6:26

Aꞌ taxak li Ka̱cuaꞌ chi-ilok e̱re riqꞌuin lix rahom ut chixqꞌue taxak li tuktu̱quil usilal e̱re.

Filemón 1:25

Aꞌ taxak li rusilal li Ka̱cuaꞌ Jesucristo chicua̱nk e̱riqꞌuin. Joꞌcan taxak.

Isaías 8:10

Usta te̱cꞌu̱b ru chi us li cꞌaꞌru te̱ba̱nu, abanan incꞌaꞌ us tex-e̱lk. Usta tex-a̱tinak chi nabal, abanan ma̱cꞌaꞌak aj e li cꞌaꞌru te̱ye xban nak la̱o cuan li Ka̱cuaꞌ kiqꞌuin.

1 Samuel 17:37

Ut quixye cuiꞌchic laj David: —Li Ka̱cuaꞌ quicoloc cue chiruheb li cakcoj ut li oso. Ut aꞌan ajcuiꞌ ta̱colok cue chiru li cui̱nk aꞌin aj filisteo, chan. Ut laj Saúl quixye re: —Ayu, ut li Ka̱cuaꞌ Dios taxak chitenkꞌa̱nk a̱cue.—

Li xHu LIX RUT 2:4

Saꞌ li ho̱nal aꞌan laj Booz quicꞌulun chak Belén ut quixqꞌue xsahil xchꞌo̱leb laj sicꞌol cebada ut quixye reheb: —Li Ka̱cuaꞌ taxak chicua̱nk e̱riqꞌuin, chan. Ut eb aꞌan queꞌchakꞌoc ut queꞌxye re: —Li Ka̱cuaꞌ taxak chi-osobtesi̱nk a̱cue la̱at, chanqueb.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Hebreos 7:2

Ut li joꞌ qꞌuial quire̱chani chak laj Abraham saꞌ li ple̱t riqꞌuineb li rey, quixqꞌue li junju̱nk saꞌ xlaje̱tkil re laj Melquisedec. Li cꞌabaꞌej Melquisedec naraj naxye “rey re li ti̱quilal”. Ut li cꞌabaꞌej Salem naraj naxye “tuktu̱quil usilal”. Joꞌcan nak laj Melquisedec, aꞌan rey re li ti̱quilal ut rey re li tuktu̱quil usilal.

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.

1 Corintios 14:33

Li Dios incꞌaꞌ naraj nak ta̱cua̱nk li poꞌoj ib saꞌ xya̱nkeb laj pa̱banel. Naraj ban nak cua̱nk li tuktu̱quil usilal saꞌ xya̱nkeb.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

Isaías 54:10

Usta na-ecꞌasi̱c li tzu̱l saꞌ xnaꞌajeb ut usta nequeꞌtꞌaneꞌ li tzu̱l, abanan lin rahom saꞌ e̱be̱n ma̱ jokꞌe ta̱jala̱k. Junelic ban texinra. Tinba̱nu li xinye saꞌ li contrato li xinba̱nu e̱riqꞌuin re nak junelic cua̱nko saꞌ usilal, chan li Ka̱cuaꞌ li na-uxta̱nan e̱ru.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

Isaías 26:12

At Ka̱cuaꞌ, la̱at nacatqꞌuehoc ke chi cua̱nc saꞌ tuktu̱quil usilal. Chixjunil li nakaba̱nu, naru nakaba̱nu xban nak la̱at nacattenkꞌan ke chixba̱nunquil.

Salmos 72:7

Chinumta̱k ta li tuktu̱quil usilal ut li ti̱quilal nak cua̱nk chi takla̱nc li rey saꞌ xbe̱neb li tenamit joꞌ najtil ta̱cua̱nk li po saꞌ xbe̱n li ruchichꞌochꞌ.

Salmos 72:3

Li cha̱bil chꞌochꞌ li cuan saꞌ eb li tzu̱l tixqꞌue xsahil xchꞌo̱leb li tenamit xban nak ta̱e̱lk chi cha̱bil li acui̱mk chiru. Ut teꞌcua̱nk saꞌ ti̱quilal li tenamit.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

2 Ts 3:18

Aꞌ taxak li usilal li naxqꞌue li Ka̱cuaꞌ Jesucristo chicua̱nk e̱riqꞌuin che̱junilex. Joꞌcan taxak.

Hageo 2:9

Li templo li te̱yi̱b la̱ex aꞌanak li kꞌaxal lokꞌ chiru li quicuan junxil. Ut tinqꞌueheb chi cua̱nc saꞌ tuktu̱quil usilal li cuanqueb saꞌ li naꞌajej aꞌin, chan li nimajcual Dios.

Salmos 46:7

Li Dios li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob ut aꞌan ajcuiꞌ li nacoloc ke.

1 Samuel 20:13

Cui ut ta̱raj tixba̱nu raylal a̱cue, li Ka̱cuaꞌ chixba̱nuhak raylal cue cui incꞌaꞌ tintakla resil a̱cue ut tatintenkꞌa xcolbal a̱cuib. Li Ka̱cuaꞌ taxak chicua̱nk a̱cuiqꞌuin joꞌ nak quicuan riqꞌuin lin yucuaꞌ.

Efesios 6:23

Aꞌ taxak li tuktu̱quil usilal li naxqꞌue li Acuabej Dios ut li naxqꞌue li Ka̱cuaꞌ Jesucristo chicua̱nk e̱riqꞌuin la̱ex che̱junilex aj pa̱banel. Ut chicua̱nk taxak e̱riqꞌuin li rahoc ib ut lix cacuilal e̱chꞌo̱l saꞌ le̱ pa̱ba̱l.

1 Ts 3:11

Aꞌ taxak li Dios li kaYucuaꞌ ut aꞌ taxak li Ka̱cuaꞌ Jesucristo chitenkꞌa̱nk ke re nak ta̱ru̱k toxic cuiꞌchic e̱riqꞌuin.