2 Ts 3:15 - Li Santil hu

¹⁵ Abanan incꞌaꞌ xi̱cꞌ te̱ril. Cheqꞌuehak ban xnaꞌleb joꞌ nak naqꞌueheꞌ xnaꞌleb junak li i̱tzꞌinbej.

Q'eqchi Bible

¹⁵ Ab'anan moko xik' ta teeril, cheq'usaq b'an jo' eeras eeriitz'in.

2 Ts 3:15 ပူးပေါင်းရင်းမြစ်များ

Tito 3:10

Ut cui junak cui̱nk aj poꞌol chꞌo̱lej yo̱ chi tacchiꞌi̱nc saꞌ xya̱nkeb laj pa̱banel, ta̱qꞌue xnaꞌleb jun sut malaj cuib sut ut cui incꞌaꞌ na-abin cha̱cuu, incꞌaꞌ chic texcua̱nk saꞌ comonil riqꞌuin.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

1 Corintios 4:14

Ma̱cuaꞌ re xcꞌutbal e̱xuta̱n nak yo̱quin chixyebal e̱re chi joꞌcaꞌin. Re ban xqꞌuebal e̱naꞌleb xban nak chanchanex li cualal incꞌajol chicuu ut raro̱quex inban.

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

Proverbios 25:12

Kꞌaxal lokꞌ li ani narabi lix kꞌusbal. Chanchan li matkꞌab ut li kꞌol yi̱banbil riqꞌuin cha̱bil oro.

Proverbios 9:9

Cui ta̱qꞌue xnaꞌleb junak li naxnau cꞌoxlac, aꞌan kꞌaxal cuiꞌchic tixtau xnaꞌleb. Chꞌolob xya̱lal chiru li ani cha̱bil ut aꞌan tixtzol rib chi us.

San Mateo 18:15

Cui junak la̱ cuech aj pa̱banelil ta̱ma̱cobk cha̱cuu, ayu riqꞌuin ut nak cua̱nkex e̱junes, ta̱chꞌolob chiru lix ma̱c. Ut cui ta̱rabi li xnaꞌleb li ta̱qꞌue, la̱at xatenkꞌa la̱ cuech aj pa̱banelil re nak tixcꞌam rib saꞌ usilal a̱cuiqꞌuin.

2 Corintios 13:10

Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

2 Corintios 10:8

Ma̱re nequecꞌoxla nak yo̱quin chixnimobresinquil cuib riqꞌuin lin cꞌanjel. Abanan lin cꞌanjel qꞌuebil cue xban li Ka̱cuaꞌ re nak texintenkꞌa. Ma̱cuaꞌ re e̱sachbal. Incꞌaꞌ nincꞌoxlac riqꞌuin li cꞌaꞌru ninba̱nu xban nak li Dios xqꞌue incuanquil chixba̱nunquil.

Salmos 141:5

Kꞌaxal us chokꞌ cue nak junak ti̱c xchꞌo̱l tinixkꞌus. Chanchan tixqꞌue sununquil ban saꞌ injolom. Usta tineꞌxkꞌus, la̱in incꞌaꞌ ra tincuecꞌa. La̱in junelic yo̱kin chi tijoc re nak incꞌaꞌ ta̱cana̱k yal chi joꞌcan li ma̱usilal li yo̱queb chixba̱nunquil li incꞌaꞌ useb xnaꞌleb.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

2 Ts 3:13

Ut la̱ex, ex herma̱n, incꞌaꞌ taxak textitzꞌk chixba̱nunquil li us.