2 Ts 3:14 - Li Santil hu

¹⁴ Cui ut cuan junak saꞌ e̱ya̱nk incꞌaꞌ naraj xpa̱banquil li a̱tin aꞌin li xkatzꞌi̱ba e̱re saꞌ li hu aꞌin, cheqꞌuehak retal aꞌan. Ut me̱rochbeni e̱rib riqꞌuin re nak ta̱xuta̱na̱k.

Q'eqchi Bible

¹⁴ Wi wank junaq ink'a' naxpaab' li xqaye sa' li hu a'in, k'ehomaq reetal ut meejunaji eerib' rik'in re naq chixutaanaq.

2 Ts 3:14 ပူးပေါင်းရင်းမြစ်များ

Tito 3:10

Ut cui junak cui̱nk aj poꞌol chꞌo̱lej yo̱ chi tacchiꞌi̱nc saꞌ xya̱nkeb laj pa̱banel, ta̱qꞌue xnaꞌleb jun sut malaj cuib sut ut cui incꞌaꞌ na-abin cha̱cuu, incꞌaꞌ chic texcua̱nk saꞌ comonil riqꞌuin.

1 Corintios 5:11

Li cꞌaꞌru xinye, aꞌan chirixeb li nequeꞌxye rib nak aj pa̱baneleb ut yo̱queb chixba̱nunquil li moco uxc ta naraj. Ma̱re naxye rib nak aj pa̱banel ut aꞌan aj yumbe̱t ut aj coꞌbe̱t malaj aj rahol ru biomal. Ma̱re nalokꞌonin jalanil dios, malaj aj hobonel. Ma̱re aj calajenak malaj aj e̱lkꞌ. Incꞌaꞌ texcua̱nk saꞌ xya̱nkeb aꞌan chi moco texcuaꞌak rochbeneb.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

Salmos 83:16

At Ka̱cuaꞌ, chacꞌuteb ta xxuta̱n re nak teꞌxqꞌue retal nak nim a̱cuanquil.

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

Proverbios 5:13

¿Cꞌaꞌut nak incꞌaꞌ quinqꞌue xcuanquil lin cha̱bil naꞌleb li queꞌxqꞌue li queꞌtzoloc cue? Incꞌaꞌ quicuaj rabinquil lin tijbal li queꞌxqꞌue.

Filemón 1:21

Nintzꞌi̱bac a̱cuiqꞌuin xban nak ninnau chi ya̱l nak ta̱ba̱nu li usilal cue. Ut ninnau ajcuiꞌ nak li ta̱ba̱nu, aꞌan kꞌaxal cuiꞌchic nabal chiru li nintzꞌa̱ma cha̱cuu.

2 Corintios 10:6

Ninnau nak tincuulak e̱riqꞌuin naru tinkꞌuseb li toj yo̱queb chixba̱nunquil li incꞌaꞌ us. Abanan incꞌaꞌ nacuaj texinkꞌus la̱ex. Nacuaj ban nak te̱jal le̱ cꞌaꞌux ut te̱ba̱nu li naraj li Dios.

2 Corintios 2:9

Xban aꞌan nak xintzꞌi̱bac e̱riqꞌuin junxil. Ut xintzꞌi̱bac ajcuiꞌ xban nak nacuaj xnaubal ma te̱ba̱nu chixjunil li cꞌaꞌru ninye e̱re.

1 Corintios 5:9

Saꞌ li hu li quintzꞌi̱ba e̱riqꞌuin junxil, la̱in xinye e̱re nak incꞌaꞌ te̱junaji e̱rib riqꞌuineb laj coꞌbe̱t ut laj yumbe̱t.

Romanos 16:17

Ut nintzꞌa̱ma che̱ru, ex herma̱n, nak cheqꞌuehak retal li nequeꞌyoꞌoban jachoc ib saꞌ e̱ya̱nk ut nequeꞌraj xpoꞌbal ru le̱ pa̱ba̱l, li tzolbilex cuiꞌ. Me̱junaji e̱rib riqꞌuineb aꞌan.

Sofonías 3:2

Incꞌaꞌ queꞌrabi li cꞌaꞌru quixye li Dios chi moco queꞌxcꞌul lix kꞌusbaleb li quixqꞌue. Incꞌaꞌ queꞌxcꞌojob xchꞌo̱l riqꞌuin li Dios chi moco queꞌxsicꞌ.

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

San Mateo 18:17

Ut cui incꞌaꞌ naraj ta̱rabiheb aꞌan, ta̱ye re li iglesia re nak li herma̱n teꞌxchꞌolob xya̱lal chiru. Ut cui incꞌaꞌ ajcuiꞌ naraj abi̱nc chiruheb aꞌan, aꞌan chic ta̱cua̱nk che̱ru joꞌ chanchan li ma̱cuaꞌak aj pa̱banel ut chanchanak laj titzꞌol toj li incꞌaꞌ us nequeꞌxba̱nu.

Deuteronomio 16:12

Julticak e̱re nak junxil la̱ex chak rahobtesinbil mo̱s aran Egipto. Joꞌcan nak qꞌuehomak le̱ chꞌo̱l chixba̱nunquil chixjunil li chakꞌrab aꞌin.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

2 Corintios 7:15

Ut laj Tito kꞌaxal cuiꞌchic nequexra nak najulticoꞌ re chanru nak xecꞌul aꞌan saꞌ xya̱lal ut xeqꞌue xcuanquil nak xeba̱nu li cꞌaꞌru quixye e̱re.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Números 12:14

Quichakꞌoc li Ka̱cuaꞌ ut quixye re laj Moisés: —Cui ta aꞌ lix yucuaꞌ xchu̱ban re xnakꞌ ru, ¿ma incꞌaꞌ raj tixmuk rib cuukubak cutan xban xxuta̱n? Isihomak cuukubak cutan saꞌ le̱ naꞌaj. Ut nak ac xnumeꞌ cuukub cutan, ta̱sukꞌi̱k cuiꞌchic chak saꞌ e̱ya̱nk, chan.

1 Corintios 4:14

Ma̱cuaꞌ re xcꞌutbal e̱xuta̱n nak yo̱quin chixyebal e̱re chi joꞌcaꞌin. Re ban xqꞌuebal e̱naꞌleb xban nak chanchanex li cualal incꞌajol chicuu ut raro̱quex inban.

Colosenses 4:16

Nak acak xeril xsaꞌ li hu aꞌin la̱ex, te̱takla riqꞌuineb laj pa̱banel li cuanqueb Laodicea, re nak teꞌril ajcuiꞌ xsaꞌ li hu eb aꞌan. Ut nacuaj nak la̱ex te̱ril xsaꞌ li hu li xintakla riqꞌuineb aꞌan.

Tito 2:8

Ut nak tat-a̱tinak, tzꞌakal re ru li cꞌaꞌru ta̱ye re nak ma̱ ani ta̱cuechꞌi̱nk rix li cꞌaꞌru ta̱ye. Chi joꞌcan teꞌxuta̱na̱k li xicꞌ nequeꞌiloc ke ut ma̱cꞌaꞌ cꞌaꞌ re ru naru teꞌxye chikix la̱o aj pa̱banel.

2 Juan 1:10

Cui nacuulac junak e̱riqꞌuin ut nequenau nak jalan li yo̱ chixchꞌolobanquil che̱ru chiru li quixchꞌolob li Jesucristo, me̱cꞌul saꞌ le̱ rochoch chi moco te̱ye re nak li Dios chi-osobtesi̱nk re.