2 Ts 2:8 - Li Santil hu

⁸ Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo.

Q'eqchi Bible

⁸ Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

2 Ts 2:8 ပူးပေါင်းရင်းမြစ်များ

2 Ts 2:3

Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua.

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Apocalipsis 19:15

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Apocalipsis 2:16

Joꞌcan nak isihomakeb saꞌ e̱ya̱nk li incꞌaꞌ useb xnaꞌleb. Cui incꞌaꞌ nequerisiheb, la̱in tinxic chi junpa̱t e̱riqꞌuin ut tinpletik riqꞌuineb. Chanchan nak tincamsiheb riqꞌuin kꞌesnal chꞌi̱chꞌ nak tinsach ruheb riqꞌuin li cua̱tin.

1 Juan 5:18

Nakanau nak li ani napa̱ban re li Dios incꞌaꞌ chic yo̱k chi ma̱cobc xban nak li Ralal li Dios na-iloc re. Ut laj tza ma̱cꞌaꞌ chic xcuanquil saꞌ xbe̱n laj pa̱banel.

Hebreos 10:27

Cui junelic yo̱ko chi ma̱cobc, caꞌaj chic li rakba a̱tin ut lix xamlel li tojba ma̱c yo̱co chiroybeninquil bar cuiꞌ teꞌcꞌatekꞌ li xicꞌ nequeꞌiloc re li Ka̱cuaꞌ Dios.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

2 Timoteo 1:10

Li usilal aꞌin quicꞌutbesi̱c chiku riqꞌuin lix cꞌulunic saꞌ ruchichꞌochꞌ li Ka̱cuaꞌ Jesucristo laj Colol ke. Ut aꞌan qui-isin re xcuanquil li ca̱mc ut quixcꞌut chiku li acꞌ yuꞌam li ma̱cꞌaꞌ rosoꞌjic.

Daniel 7:26

Abanan li Ti̱xil Cui̱nk li cuan chi junelic ta̱rakok a̱tin saꞌ xbe̱n ut ta̱risi lix cuanquil ut tixsach chi junaj cua.

Li xHu LAJ JOB 4:9

Li Dios naxqꞌueheb chi sachc. Xban xjoskꞌil li Dios, naxsacheb ru chi junaj cua.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

1 Juan 2:13

Nintzꞌi̱bac ajcuiꞌ e̱riqꞌuin, la̱ex yucuaꞌbej, xban nak ac xepa̱b li Dios Cꞌajolbej li cuan chalen chak najter nak toj ma̱jiꞌ naxyoꞌobtesi chak li ruchichꞌochꞌ. Nintzꞌi̱bac e̱riqꞌuin la̱ex li toj sa̱jex xban nak xecuy xnumsinquil li a̱le̱c li naxqꞌue laj tza. Ut nintzꞌi̱bac ajcuiꞌ e̱riqꞌuin la̱ex cocꞌal xban nak ac xepa̱b li Acuabej Dios.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

1 Timoteo 6:14

Ut la̱ taklanquil, aꞌan aꞌin: chaba̱nu chixjunil li taklanbilat cuiꞌ xban li Ka̱cuaꞌ. Ti̱cak la̱ chꞌo̱l ut ma̱cꞌaꞌak a̱kꞌusbal toj retal ta̱cꞌulu̱nk cuiꞌchic li Ka̱cuaꞌ Jesucristo.

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Salmos 18:15

Nak quia̱tinac chak li Ka̱cuaꞌ chi yo̱ xjoskꞌil, quicꞌutun xchamal li palau, ut qui-ecꞌan li ruchichꞌochꞌ saꞌ xnaꞌaj xban xjoskꞌil nak quixkꞌuseb li xicꞌ nequeꞌiloc cue.

Isaías 30:28

Nak namusikꞌac li Ka̱cuaꞌ, aꞌan chanchan jun li nimaꞌ li yo̱ chi butꞌi̱nc ut lix chamal nacuulac toj saꞌ xcuxeb li cristian ut naxsach chixjunil. Li Ka̱cuaꞌ tixtzꞌil rix li nequeꞌxba̱nu li xni̱nkal ru tenamit ut tixram xbeheb li yo̱queb chixba̱nunquil li ma̱usilal. Chanchan nak naqꞌueheꞌ li chꞌi̱chꞌ saꞌ re li cacua̱y.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Daniel 8:25

Xban nak naxnau chi us balakꞌi̱nc, tixnimobresi rib. Tixsacheb nabal chi ma̱cꞌaꞌak saꞌ xchꞌo̱leb ut tixyal ajcuiꞌ numta̱c saꞌ xbe̱n li tzꞌakal Rey li kꞌaxal nim xcuanquil saꞌ xbe̱neb li nequeꞌtaklan. Abanan incꞌaꞌ ta̱ru̱k xban nak ta̱sachekꞌ ru. Ma̱cuaꞌ yal cui̱nk ta̱sachok re. Li Ka̱cuaꞌ, aꞌan li ta̱sachok re.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 16:28

Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj tineꞌril chi cha̱lc la̱in li Cꞌajolbej riqꞌuin incuanquilal, chan li Jesús.

1 Corintios 1:28

Li Dios quixsiqꞌueb ru li tzꞌekta̱nanbileb li ma̱cꞌaꞌeb xlokꞌal ut li incꞌaꞌ nequeꞌqꞌueheꞌ xcuanquil xbaneb li cuanqueb saꞌ li ruchichꞌochꞌ. Quixsiqꞌueb ban ru re xcubsinquil xcuanquileb li cuanqueb xnaꞌleb saꞌ ruchichꞌochꞌ.

Apocalipsis 13:5

Ut quiqꞌueheꞌ xcuanquil li joskꞌ aj xul chi a̱tinac ut chixba̱nunquil li cꞌaꞌru ta̱raj. Kꞌaxal kꞌetkꞌet li xul ut yo̱ chixmajecuanquil li Dios. Sachba chꞌo̱lej quixba̱nu chiru oxib chihab riqꞌuin cuakib po.

2 Samuel 23:7

Li ani nachꞌeꞌoc re naxba̱nu riqꞌuin xchꞌi̱chꞌ malaj ut riqꞌuin xla̱ns. Nequeꞌxqꞌue xxamlel ut aran na-osoꞌ. Joꞌcaꞌin nak teꞌosokꞌ li nequeꞌxba̱nu ma̱usilal.”