2 Ts 2:7 - Li Santil hu

⁷ Li ma̱usilal ac cuan saꞌ ruchichꞌochꞌ, abanan toj ma̱jiꞌ nanumta chi us. Ta̱cuulak xkꞌehil nak li Dios incꞌaꞌ chic tixram li ma̱usilal ut li ma̱usilal ta̱numta̱k arin saꞌ ruchichꞌochꞌ.

Q'eqchi Bible

⁷ Xb'aan naq li xmuqmuukil na'leb' li maa'usilal ak yo chi k'anjelak; ka'ajwi' na'ajmank ru naq taa'isiiq li naramok re anaqwan.

2 Ts 2:7 ပူးပေါင်းရင်းမြစ်များ

1 Juan 2:18

Ex inherma̱n, yo̱ chak chi nachꞌoc rosoꞌjiqueb li cutan. Ac xerabi resil nak ta̱cha̱lk jun li xicꞌ na-iloc re li Cristo. Aꞌan li anticristo nayeman re. Ut anakcuan ac cuanqueb nabal li xicꞌ nequeꞌiloc re li Cristo. Joꞌcan nak nakanau nak yo̱ chi cuulac xkꞌehil rosoꞌjiqueb li cutan.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

1 Juan 4:3

Ut li ani ta̱yehok re nak li Jesucristo incꞌaꞌ quitzꞌejcualoꞌ nak quicꞌulun saꞌ ruchichꞌochꞌ, aꞌan ma̱cꞌaꞌ li Santil Musikꞌej riqꞌuin. Li naꞌleb aꞌan nachal riqꞌuin li xicꞌ na-iloc re li Cristo. Abanan ac e̱rabiom resil chirix nak tol-e̱lk li xicꞌ na-iloc re li Cristo. Ut anakcuan li naꞌleb aꞌan ac yo̱ chi cꞌulu̱nc saꞌ ruchichꞌochꞌ.

Apocalipsis 17:7

Ut li ángel quixpatzꞌ cue: —¿Cꞌaꞌut nak sachso a̱chꞌo̱l xatcana? La̱in tinchꞌolob cha̱cuu lix ya̱lal li mukmu nak xcuan. Tinye a̱cue cꞌaꞌru xya̱lal li ixk aꞌan joꞌ ajcuiꞌ li joskꞌ aj xul li yo̱ chi i̱ka̱nc re. Ut tinye ajcuiꞌ a̱cue cꞌaꞌru xya̱lal lix jolom cuukub ut lix xucub laje̱b.

Apocalipsis 17:5

Ut tzꞌi̱banbil saꞌ lix pe̱quem jun li cꞌabaꞌej mukmu xya̱lal. Aꞌan aꞌin li tzꞌi̱banbil: Li nimla tenamit Babilonia aꞌaneb li nequeꞌcꞌamoc be chi coꞌbe̱tac yumbe̱tac ut chixba̱nunquil chixjunil li ma̱usilal.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

2 Ts 2:6

La̱ex ac nequenau cꞌaꞌru li naramoc re nak toj ma̱jiꞌ nachal laj kꞌetol chakꞌrab. Abanan nak ta̱cuulak xkꞌehil, ta̱cꞌulu̱nk.