2 Ts 2:2 - Li Santil hu

² Nintzꞌa̱ma che̱ru nak me̱qꞌue e̱rib chi balakꞌi̱c xbaneb li teꞌyehok nak ac xcuulac xkꞌehil lix cꞌulunic li Ka̱cuaꞌ Jesucristo. Ma̱re ta̱yehekꞌ e̱re xban junak li profeta, malaj xban junak cui̱nk ta̱a̱tinak e̱riqꞌuin, malaj xban junak ta̱tzꞌi̱bak e̱riqꞌuin ut tixye nak la̱o xkatzꞌi̱ba li hu aꞌan. Abanan me̱pa̱b li cꞌaꞌru teꞌxye eb aꞌan xban nak moco ya̱l ta.

Q'eqchi Bible

² naq meejal eek'a'uxl sa' junpaat chi moko chexib'e eerib' rik'in junaq xnimal reetalil li Musiq'ej, chi moko rik'in junaq aatin malaj hu kama' ta li taqlanb'il qab'aan, chanchan tawi' yooko chi xyeeb'al naq ak xtaw xq'ehil xkutankil li Qaawa'.

2 Ts 2:2 ပူးပေါင်းရင်းမြစ်များ

San Marcos 13:7

Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan.

2 Ts 3:17

La̱in laj Pablo. Riqꞌuin cuukꞌ yo̱quin chixtzꞌi̱banquil lin cꞌabaꞌ joꞌ cꞌaynakin chixba̱nunquil rajlal nak nintzꞌi̱ba li hu. Aꞌan retalil nak la̱in xintaklan re li hu aꞌin. Ut yo̱quin chixtaklanquil xsahil e̱chꞌo̱l.

San Lucas 21:9

Nak te̱rabi nak yo̱ li ple̱t ut li chꞌaꞌajquilal yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan, chan li Jesús.

1 Ts 4:15

Aꞌin ra̱tin li Ka̱cuaꞌ Jesucristo nakaye e̱re, nak cui la̱o toj yoꞌyo̱ko saꞌ lix cꞌulunic li Ka̱cuaꞌ Jesucristo, ma̱cuaꞌ la̱o li tocꞌamekꞌ xbe̱n cua. Aꞌ li ac camenakeb, aꞌan eb li teꞌcꞌamekꞌ xbe̱n cua riqꞌuin li Ka̱cuaꞌ.

1 Corintios 1:8

Li Dios yo̱k chixqꞌuebal xcacuub le̱ chꞌo̱l chalen toj saꞌ rosoꞌjic li cutan re nak ma̱cꞌaꞌak e̱ma̱c saꞌ li cutan nak tol-e̱lk li Ka̱cuaꞌ Jesucristo.

San Juan 14:1

Misach e̱chꞌo̱l chi cꞌoxlac. Chepa̱b li Dios ut chine̱pa̱b ajcuiꞌ la̱in.

San Lucas 21:19

Cui incꞌaꞌ nachꞌinan e̱chꞌo̱l saꞌ le̱ pa̱ba̱l usta yo̱kex chi cꞌuluc raylal te̱re̱chani li junelic yuꞌam.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Isaías 7:2

Li esilal aꞌin quicuulac riqꞌuineb li ralal xcꞌajol laj David. Ut queꞌxye re li rey Acaz: —Eb laj Siria queꞌxjunaji ribeb riqꞌuineb li ralal xcꞌajol laj Efraín ut xeꞌchal chi pletic riqꞌuin la̱ tenamit, chanqueb re. Ut eb aꞌan cꞌajoꞌ nak queꞌxucuac. Nequeꞌsicsot xban xxiuheb. Chanchan nak nequeꞌecꞌasi̱c li cheꞌ li cuan saꞌ qꞌuicheꞌ xban li ikꞌ.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

1 Ts 3:3

Incꞌaꞌ nakaj nak ta̱chꞌina̱k e̱chꞌo̱l xban li raylal aꞌin. La̱ex nequenau nak takacꞌul li raylal.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Isaías 26:3

At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

2 Ts 2:15

Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin.

1 Ts 5:2

La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

1 Corintios 7:26

Xban li rahobtesi̱c cuan saꞌ kabe̱n, nincꞌoxla nak us cui incꞌaꞌ teꞌsumla̱k li toj ma̱jiꞌ sumsu̱queb.

1 Corintios 14:32

Cui ya̱l nak li Dios xcꞌutuc che̱ru li cꞌaꞌru te̱ye, li Dios textenkꞌa chiroybeninquil jokꞌe tex-oc chi a̱tinac re nak chi joꞌcan che̱junju̱nkalex tex-a̱tinak.