2 Ts 2:14 - Li Santil hu

¹⁴ Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo.

Q'eqchi Bible

¹⁴ A'in aj e naq xexb'oq rik'in li Chaab'il Esilal xqapuktesi, re naq textz'aqonq sa' li xnimal xloq'al li Qaawa' Jesukriist.

2 Ts 2:14 ပူးပေါင်းရင်းမြစ်များ

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

1 Ts 1:5

Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil.

Romanos 8:17

Ut xban nak la̱o ralal xcꞌajol li Dios, kochben li Cristo nak take̱chani chixjunil li quixyechiꞌi ke li Dios. Cui totzꞌako̱nk riqꞌuin li raylal li quixcꞌul li Cristo, joꞌcan nak toxotzꞌako̱nk ajcuiꞌ kochben saꞌ lix nimal xlokꞌal.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

2 Timoteo 2:12

Cui takacuy xnumsinquil li raylal, ta̱qꞌuehekꞌ ajcuiꞌ kacuanquil xban li Dios kochben li Cristo. Ut cui la̱o nakatzꞌekta̱na, aꞌan toxtzꞌekta̱na ajcuiꞌ la̱o.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

Romanos 2:16

Xakabanbil li Jesucristo xban li Dios re ta̱rakok a̱tin saꞌ xbe̱neb chixjunileb nak ta̱cuulak xkꞌehil. Li Cristo naxnau chanru lix chꞌo̱l li junju̱nk usta mukmu chiku la̱o. Joꞌcan naxye resilal li colba-ib li ninjultica la̱in.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 17:22

La̱in xinqꞌueheb lix lokꞌal joꞌ nak xaqꞌue inlokꞌal la̱in re nak junajak ruheb joꞌ nak junaj ku la̱o.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

Salmos 16:11

La̱in ninnau nak la̱at nacatcꞌutuc chicuu chanru nak tintau li junelic yuꞌam. Xban nak la̱at cuancat cuiqꞌuin, junelic sa saꞌ inchꞌo̱l. Caꞌaj cuiꞌ a̱cuiqꞌuin cuan li sahil chꞌo̱lej.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

2 Pedro 1:3

Chixjunil li cꞌaꞌru nacꞌanjelac ke saꞌ li kayuꞌam ut saꞌ li kapa̱ba̱l qꞌuebil ke xban xnimal xcuanquil li Cristo. Saꞌ xcꞌabaꞌ lix cuanquil xkanau ru li Dios li quibokoc ke chi tzꞌako̱nc riqꞌuin lix nimal xlokꞌal ut xcuanquilal.