2 Ts 1:6 - Li Santil hu

⁶ Kꞌaxal ti̱c xchꞌo̱l li Dios. Joꞌcan nak tixqꞌue raylal saꞌ xbe̱neb li nequeꞌrahobtesin e̱re.

Q'eqchi Bible

⁶ Relik chi yaal naq tiik xch'ool li Yos, ut tixq'ajkamu rik'in rahilal eb' li neke'rahob'tesink eere;

2 Ts 1:6 ပူးပေါင်းရင်းမြစ်များ

Colosenses 3:25

Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Éxodo 23:22

Cui la̱ex te̱rabi li cꞌaꞌru naxye e̱re ut te̱ba̱nu chi tzꞌakal li cꞌaꞌru xinye la̱in, la̱in xicꞌ teꞌcuil li xicꞌ nequeꞌiloc e̱re. Ut tinba̱nu raylal reheb li nequeꞌxba̱nu raylal e̱re la̱ex.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Eclesiastés 3:17

Joꞌcan nak quinye saꞌ inchꞌo̱l: —Li ani ti̱c xchꞌo̱l ta̱rakekꞌ a̱tin saꞌ xbe̱n xban li Dios, ut ta̱rakekꞌ ajcuiꞌ a̱tin saꞌ xbe̱n li naxba̱nu ma̱usilal xban nak ac xakabanbil li ho̱nal aꞌan xban li Dios nak ta̱rakekꞌ a̱tin saꞌ kabe̱n riqꞌuin li cꞌaꞌru nakaba̱nu ut riqꞌuin li cꞌaꞌru nakacꞌul.—

Jeremías 50:29

Bokomakeb li nequeꞌxnau cutuc riqꞌuin tzimaj re teꞌpletik riqꞌuineb laj Babilonia. Ut teꞌxyi̱b lix muheba̱leb chi xjun sutam li tenamit ut ma̱ ani teꞌxcanab chi e̱lelic. Qꞌuehomak re̱kaj li ma̱usilal li queꞌxba̱nu xban nak queꞌxkꞌetkꞌeti ribeb chiru li Ka̱cuaꞌ, lix santil Dioseb laj Israel.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.