2 Ts 1:4 - Li Santil hu

⁴ Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

Q'eqchi Bible

⁴ A'an nanimob'resink qaloq'al naq nokoo'aatinak cherix sa'eb' li x'Iklees li Yos, xb'aan naq nim leekuyum ut kaw leech'ool sa' leepaab'aal sa' chixjunil li raaxiik' ut li rahilal yookex chi xk'ulb'al.

2 Ts 1:4 ပူးပေါင်းရင်းမြစ်များ

Hebreos 10:36

La̱ex tento te̱cuy li cꞌaꞌru na-ux e̱re re nak te̱ba̱nu li naraj li Dios. Ut riqꞌuin aꞌan te̱cꞌul li yechiꞌinbil e̱re xban li Dios.

1 Ts 2:14

Ut la̱ex herma̱n xecꞌul ajcuiꞌ li raylal joꞌ queꞌxcꞌul li ralal xcꞌajol li Dios li nequeꞌpa̱ban saꞌ xcꞌabaꞌ li Jesucristo li cuanqueb Judea. Xexrahobtesi̱c xban le̱ rech tenamitil joꞌ queꞌxcꞌul eb aꞌan xbaneb laj judío, li rech tenamitil.

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

Apocalipsis 14:12

Joꞌcan nak cauhakeb taxak xchꞌo̱leb li ralal xcꞌajol li Dios, eb li nequeꞌba̱nun re lix chakꞌrab li Dios ut nequeꞌpa̱ban saꞌ xcꞌabaꞌ li Jesucristo. Incꞌaꞌ taxak ta̱chꞌina̱nk xchꞌo̱leb saꞌ xpa̱ba̱leb.

1 Corintios 7:17

Li junju̱nk chicua̱nk joꞌ naraj li Dios. Us cui cuan a̱cuixakil nak xapa̱b li Cristo. Cui ma̱cꞌaꞌ a̱cuixakil, us ajcuiꞌ. Tatcana̱k joꞌ nak cuancat nak xatpa̱ban. Aꞌan aꞌin li nequebinchakꞌrabi cuiꞌ chixjunileb laj pa̱banel yalak bar.

2 Pedro 1:6

Joꞌcan ajcuiꞌ nak chikacuyak kib. Ut chicua̱nk xcacuil li kachꞌo̱l saꞌ li kapa̱ba̱l riqꞌuin li raylal nakacꞌul ut chikacꞌoxlahak li Dios chi tzꞌakal.

Santiago 5:11

La̱o nakaye nak us xak reheb li nequeꞌcuyuc raylal. Xerabi resil chanru nak laj Job quixcuy xnumsinquil li raylal. Ut nequenau nak mokon li Dios quirosobtesi. Li Ka̱cuaꞌ Dios na-uxta̱nan ut natokꞌoban u.

Hebreos 6:15

Joꞌcan nak laj Abraham najt quixcuy roybeninquil ut incꞌaꞌ quititzꞌ toj retal quixcꞌul lix ma̱tan quiyechiꞌi̱c re xban li Dios.

2 Ts 3:5

Aꞌ taxak li Ka̱cuaꞌ Jesucristo chitenkꞌa̱nk e̱re chixnaubal nak raro̱quex xban li Dios ut chicua̱nk taxak e̱riqꞌuin li cuyuc li naxqꞌue li Cristo.

2 Corintios 9:4

Cui ma̱jiꞌ cauresinbil le̱ mayej nak tincuulak cuochbeneb li herma̱n aj Macedonia, te̱cꞌut inxuta̱n la̱in xban nak ac xinserakꞌi reheb nak cauresinbil le̱ mayej ut te̱cꞌut ajcuiꞌ e̱xuta̱n la̱ex.

2 Corintios 9:2

Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.

Romanos 12:12

Chisahokꞌ saꞌ e̱chꞌo̱l xban nak cuan cꞌaꞌru nequeroybeni. Checuyak li raylal li nachal saꞌ e̱be̱n. Ut junelic chextijok.

Romanos 8:25

Aban li cꞌaꞌru nakoybeni incꞌaꞌ nakil ru ut tento takacuy roybeninquil.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

2 Corintios 7:4

Cau inchꞌo̱l e̱riqꞌuin ut nasahoꞌ inchꞌo̱l xyebal e̱resilal. Cꞌojcꞌo inchꞌo̱l e̱ban. Usta yo̱quin chixcꞌulbal li raylal, abanan kꞌaxal sa saꞌ inchꞌo̱l.

2 Corintios 12:10

Joꞌcan nak nasahoꞌ saꞌ inchꞌo̱l nak ma̱cꞌaꞌ incuanquil injunes ut nak ninhobeꞌ joꞌ ajcuiꞌ nak nincꞌul li raylal, li chꞌaꞌajquilal ut li rahobtesi̱c saꞌ xcꞌabaꞌ li Jesucristo. Nasahoꞌ saꞌ inchꞌo̱l xban nak cui ma̱cꞌaꞌ incuanquil injunes cuib, ninnau nak cuan incuanquil saꞌ xcꞌabaꞌ li Jesucristo.

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.