2 Ts 1:3 - Li Santil hu

³ Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

Q'eqchi Bible

³ Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

2 Ts 1:3 ပူးပေါင်းရင်းမြစ်များ

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

2 Ts 2:13

Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

1 Ts 3:12

Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

San Juan 15:2

Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

1 Ts 3:9

Incꞌaꞌ nakatau chanru nak takabantioxi chiru li Dios riqꞌuin lix sahil li kachꞌo̱l nequeqꞌue ke saꞌ xcꞌabaꞌ le̱ pa̱ba̱l. Li Dios naxnau nak cꞌajoꞌ xsahil li kachꞌo̱l e̱ban la̱ex.

Romanos 1:8

Xbe̱n cua ninbantioxi chiru li Dios saꞌ xcꞌabaꞌ li Ka̱cuaꞌ Jesucristo xban nak yalak bar na-abiman resil nak tzꞌakal nequepa̱b li Cristo.

2 Pedro 1:13

Aꞌ yal joꞌ najtil yoꞌyo̱kin, nincꞌoxla nak tento tintochꞌ le̱ chꞌo̱l riqꞌuin xjulticanquil a a̱tin aꞌin che̱ru.

1 Ts 3:6

Tojeꞌ xsukꞌi chak laj Timoteo e̱riqꞌuin ut aꞌan xcꞌam chak jun cha̱bil esilal che̱rix chanru nak cau e̱chꞌo̱l saꞌ le̱ pa̱ba̱l ut chanru nak nequexrahoc. Ut xye ajcuiꞌ ke nak rajlal nocoe̱cꞌoxla joꞌ ajcuiꞌ nak nequexkacꞌoxla la̱o. La̱ex nequeraj rilbal ku ut joꞌcan ajcuiꞌ la̱o nakaj rilbal e̱ru la̱ex.

Filipenses 1:7

Xban nak nequeqꞌue e̱chꞌo̱l chi cꞌanjelac chiru li Cristo, joꞌcan nak junelic nequexincꞌoxla ut kꞌaxal sa saꞌ inchꞌo̱l e̱riqꞌuin. La̱ex xextzꞌakon cuochben riqꞌuin li usilal li naxqꞌue li Cristo. Xextzꞌakon ajcuiꞌ cuiqꞌuin riqꞌuin rahil chꞌo̱lej nak cuanquin chi pre̱xil ut xextzꞌakon ajcuiꞌ cuiqꞌuin nak yo̱quin chixchꞌolobanquil xya̱lal li colba-ib reheb li cuanqueb xcuanquil re nak teꞌxnau nak tzꞌakal ya̱l li cꞌaꞌru yo̱co chixchꞌolobanquil.

Efesios 5:20

Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo riqꞌuin chixjunil li cꞌaꞌru nequecꞌul.

1 Corintios 1:4

Junelic ninbantioxi chiru li Dios nak nintijoc che̱rix la̱ex ut ninbantioxi ajcuiꞌ chiru li Dios nak xema̱tani li rusilal li Dios saꞌ xcꞌabaꞌ li Jesucristo.

San Lucas 17:5

Eb li apóstol queꞌxye re li Ka̱cuaꞌ: —At Ka̱cuaꞌ, choa̱tenkꞌa taxak re nak cua̱nk kapa̱ba̱l chi tzꞌakal, chanqueb.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Salmos 92:13

Chanchanakeb li cheꞌ li aubil cuan cuiꞌ lix templo li Dios, li yo̱queb chi atzꞌumac.

Salmos 84:7

Yo̱k chi cacuuc xmetzꞌe̱uheb ut teꞌril a̱cuu aran Sión.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

2 Corintios 10:15

Incꞌaꞌ ninnimobresi cuib riqꞌuin li cꞌanjel li nequeꞌxba̱nu li jun chꞌol chic. La̱in nacuaj raj nak texqꞌui̱k saꞌ le̱ pa̱ba̱l re nak tine̱tenkꞌa chixyebal resil li colba-ib yalak bar. Abanan incꞌaꞌ tinxic bar moco qꞌuebil ta cue re tinxic.

2 Ts 2:1

Ex inherma̱n, anakcuan tinchꞌolob xya̱lal che̱ru chirix lix cꞌulunic li Ka̱cuaꞌ Jesucristo ut lix chꞌutubanquil kib riqꞌuin.