2 Ts 1:11 - Li Santil hu

¹¹ Joꞌcan nak junelic nocotijoc che̱rix ut nakatzꞌa̱ma chiru li Dios nak cha̱bilakex taxak re nak e̱cꞌulubak cua̱nc chokꞌ ralal xcꞌajol li Dios. Nakatzꞌa̱ma chiru nak riqꞌuin taxak xnimal xcuanquil, textenkꞌa chixba̱nunquil li us re nak tzꞌakalak re ru le̱ yehom e̱ba̱nuhom saꞌ xcꞌabaꞌ le̱ pa̱ba̱l.

Q'eqchi Bible

¹¹ Jo'kan naq juneliko chi tijok cherix: li qaYos chik'ehoq taxaq eere wank jo' xk'ulub' leemaatan b'oqb'ilex wi', ut texxtenq'a taxaq rik'in li xwankilal re naq chitz'aqloq ru chixjunil li us nekerahi xb'aanunkil jo'wi' li xk'anjel leepaab'aal.

2 Ts 1:11 ပူးပေါင်းရင်းမြစ်များ

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

2 Ts 1:5

Xban nak nequecuy xnumsinquil li raylal nacꞌutun nak li Dios yo̱ che̱tenkꞌanquil. Li Dios ta̱rakok a̱tin saꞌ ti̱quilal. Tento nak te̱cuy li raylal re nak li Dios tixye nak e̱cꞌulub oc saꞌ lix nimajcual cuanquilal ut saꞌ xcꞌabaꞌ ajcuiꞌ aꞌan nak yo̱quex chixcꞌulbal li raylal.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

2 Ts 2:14

Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo.

Efesios 1:5

Xban nak nocoxra, joꞌcan nak quixsicꞌ chak ku re nak la̱ako chic li ralal xcꞌajol saꞌ xcꞌabaꞌ li Jesucristo. Quixba̱nu chi joꞌcan xban nak joꞌcan quiraj.

Romanos 8:30

Najter chak kꞌe cutan li Dios ac cuan saꞌ xchꞌo̱l ani li sicꞌbileb ru xban, ut li sicꞌbileb ru aꞌan li quixbokeb; ut li quixbokeb, quixti̱cobresi lix chꞌo̱leb ut naxqꞌueheb ajcuiꞌ xlokꞌal.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

Salmos 138:8

At nimajcual Dios, la̱at ta̱ba̱nu li cꞌaꞌru cayechiꞌi ke. Kꞌaxal nim la̱ cuuxta̱n chi junelic saꞌ kabe̱n. Incꞌaꞌ taxak ta̱canab yal chi joꞌcan li cꞌaꞌru catiquib xba̱nunquil.

Salmos 51:18

Chacuuxta̱na taxak ru li tenamit Sión riqꞌuin xnimal la̱ rahom. Ut chacuaclesi ta li tzꞌac aran Jerusalén.

Apocalipsis 5:10

Xaqꞌueheb xcuanquil chi cꞌanjelac chiru li kaDios joꞌ aj tij, ut ta̱qꞌueheb ajcuiꞌ chi takla̱nc saꞌ ruchichꞌochꞌ.

Apocalipsis 3:4

La̱in ninnau nak aran Sardis toj cuanqueb cuib oxib saꞌ e̱ya̱nk li ti̱c xchꞌo̱leb. Incꞌaꞌ xeꞌxtzꞌajni ribeb riqꞌuin xba̱nunquil li ma̱usilal. La̱in tinye reheb nak xcꞌulubeb cua̱nc cuiqꞌuin chi tikto̱queb riqꞌuin saki akꞌej xban nak ti̱c xchꞌo̱leb.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Hebreos 3:1

Ex herma̱n, la̱ex sicꞌbil e̱ru xban li Dios chokꞌ ralal xcꞌajol. Cheqꞌuehak e̱chꞌo̱l chixcꞌoxlanquil li Jesucristo. Aꞌan li quitakla̱c chak xban li Dios chi cꞌanjelac joꞌ xyucuaꞌil aj tij saꞌ li kapa̱ba̱l.

Filipenses 3:14

Ninyal inkꞌe chire̱chaninquil lin ma̱tan joꞌ nak naxyal xkꞌe junak chi a̱linac re ta̱re̱chani lix kꞌajca̱munquil. Abanan li tincue̱chani la̱in, aꞌan li junelic yuꞌam li naxyechiꞌi li Dios reheb li nequeꞌpa̱ban re li Jesucristo.

Efesios 1:16

Joꞌcan nak junelic ninbantioxin chiru li Dios ut yo̱quin chi tijoc che̱rix.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

Romanos 1:9

Nincꞌanjelac chiru li Dios ut chi anchal inchꞌo̱l ninye resil li Ka̱cuaꞌ Jesucristo li Ralal li Dios. Li Dios naxnau nak junelic yo̱quin chi tijoc che̱rix.

San Marcos 4:28

Li chꞌochꞌ naqꞌuiresin re li acui̱mk. Naqꞌui ut nani̱nkan ut chirix aꞌan na-oc chi atzꞌumac ut naxqꞌue li ru.

Zacarías 4:7

Usta joꞌ xnimal jun li tzu̱l li chꞌaꞌajquilal li ta̱cha̱lk, abanan laj Zorobabel tixcuy xnumsinquil chixjunil li ta̱cha̱lk saꞌ xbe̱n toj tixchoy xyi̱banquil li templo. Ut nak ta̱qꞌuema̱nk li pec re xchoybal li cꞌanjel chixjunileb teꞌxjap re chixyebal: ¡Cꞌajoꞌ xlokꞌal! ¡Bantiox re li Ka̱cuaꞌ!—

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Isaías 66:9

¿Ma ninqꞌue ta biꞌ junak chi qꞌuira̱c ut incꞌaꞌ ninqꞌue chi yoꞌla̱c lix cꞌulaꞌal? La̱in quinye nak teꞌqꞌui̱k li tenamit Sión. ¿Ma naru ta biꞌ tinram chiruheb nak teꞌqꞌui̱k?

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 68:20

Li kaDios, aꞌan aj Colol ke ut aꞌan ta̱colok ke re nak incꞌaꞌ tocamsi̱k xbaneb li xicꞌ nequeꞌiloc re li Dios.

Salmos 48:14

Serakꞌihomak reheb le̱ ralal e̱cꞌajol nak li Ka̱cuaꞌ, aꞌan li kaDios chi junelic kꞌe cutan ut aꞌan li naberesin ke chi junelic.

1 Corintios 1:8

Li Dios yo̱k chixqꞌuebal xcacuub le̱ chꞌo̱l chalen toj saꞌ rosoꞌjic li cutan re nak ma̱cꞌaꞌak e̱ma̱c saꞌ li cutan nak tol-e̱lk li Ka̱cuaꞌ Jesucristo.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Romanos 11:29

Li Dios incꞌaꞌ naxjal xcꞌaꞌux riqꞌuin li cꞌaꞌru naxyechiꞌi ke, chi moco naxjal xcꞌaꞌux nak quixsicꞌ ku.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.