2 Timoteo 1:3 - Li Santil hu

³ Junelic ninbantioxi chiru li Dios nak nacatinjultica saꞌ lin tij chi kꞌek chi cutan. Ut ma̱cꞌaꞌ nachꞌiꞌchꞌiꞌin cue saꞌ li cua̱m nak nincꞌanjelac chiru li Dios joꞌ queꞌxba̱nu lin xeꞌto̱nil yucuaꞌ.

Q'eqchi Bible

³ Junelik ninb'anyoxi chiru li Yos li nink'anjelak chiru chi saq ru li waanm, kama' ke'xb'aanu chaq eb' linna' linyuwa', rajlal naq nakatjultiko'k we sa'eb' lintij chi q'eq ut chi kutan.

2 Timoteo 1:3 ပူးပေါင်းရင်းမြစ်များ

Hebreos 13:8

Li Jesucristo incꞌaꞌ najala chi moco najala lix naꞌleb. Ac aꞌan ajcuiꞌ chak chalen najter kꞌe cutan, aꞌan anakcuan ut aꞌanak chi junelic.

Hechos 23:1

Laj Pablo quixcaꞌyaheb li nequeꞌtaklan saꞌ xbe̱neb laj judío ut quixye reheb: —Ex cuech tenamitil, la̱in cꞌojcꞌo inchꞌo̱l riqꞌuin li xinba̱nu chiru li Dios chalen toj saꞌ li cutan anakcuan, chan.

Hechos 24:14

La̱in tinye xya̱lal a̱cue. Ninlokꞌoni li Dios li queꞌxlokꞌoni chak li kaxeꞌto̱nil yucuaꞌ. Ninpa̱b li evangelio li nequeꞌxye nak moco ya̱l ta. Ninpa̱b chixjunil li tzꞌi̱banbil saꞌ li chakꞌrab li quiqꞌueheꞌ re laj Moisés, joꞌ ajcuiꞌ li queꞌxtzꞌi̱ba li profetas.

1 Timoteo 1:19

Cauhak taxak a̱chꞌo̱l saꞌ la̱ pa̱ba̱l ut ma̱cꞌaꞌ taxak li cꞌaꞌru ta̱chꞌiꞌchꞌiꞌi̱nk a̱cue saꞌ la̱ chꞌo̱l nak yo̱cat chi cꞌanjelac chiru li Dios. Ninye a̱cue aꞌin xban nak cuanqueb li xeꞌxcanab xba̱nunquil li ti̱quil chꞌo̱lej. Incꞌaꞌ queꞌxqꞌue retal li cꞌaꞌru yo̱ chi chꞌiꞌchꞌiꞌi̱nc reheb lix cꞌaꞌux. Ut riqꞌuin aꞌan yo̱queb chixtzꞌekta̱nanquil lix pa̱ba̱leb.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

Hechos 22:3

—Relic chi ya̱l nak la̱in aj judío. Yoꞌlajenakin Tarso xcue̱nt Cilicia. Ut arin quinqꞌui Jerusalén. Quintzol cuib riqꞌuin laj Gamaliel chirix li chakꞌrab li quiqꞌueheꞌ chak reheb li kaxeꞌto̱nil yucuaꞌ. Chi anchal inchꞌo̱l ninqꞌue xlokꞌal li Dios joꞌ yo̱quex la̱ex anakcuan.

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

2 Timoteo 1:5

Nak nintijoc najulticoꞌ cue nak chi anchal a̱chꞌo̱l xatpa̱ban. Junxil la̱ naꞌchin lix Loida joꞌ ajcuiꞌ lix Eunice la̱ naꞌ queꞌpa̱ban chi anchaleb xchꞌo̱l ut ninnau nak joꞌcan ajcuiꞌ nak xatpa̱ban la̱at.

1 Ts 3:10

Chi kꞌek chi cutan nakatzꞌa̱ma chiru li Dios nak takil cuiꞌchic e̱ru re nak takaqꞌue xcacuilal e̱chꞌo̱l saꞌ le̱ pa̱ba̱l.

Efesios 1:16

Joꞌcan nak junelic ninbantioxin chiru li Dios ut yo̱quin chi tijoc che̱rix.

Gálatas 1:14

La̱in li kꞌaxal cuiꞌchic quinqꞌue inchꞌo̱l chiruheb li cuech sa̱jilal chixba̱nunquil li cꞌaꞌru naxye lix pa̱ba̱leb laj judío. Ut kꞌaxal cuiꞌchic quinba̱nu li naꞌleb canabanbil ke xbaneb li kaxeꞌ kato̱n.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Romanos 9:1

Yo̱quin chixyebal lix ya̱lal xban nak ninpa̱b li Jesucristo. Incꞌaꞌ ninticꞌtiꞌic. Nacuecꞌa saꞌ lin chꞌo̱l nak ya̱l li ninye ut li Santil Musikꞌej nacꞌutuc chicuu nak ya̱l.

Hechos 27:23

Saꞌ li kꞌojyi̱n aꞌin xcꞌutbesi rib chicuu jun x-ángel li Dios laj e̱chal cue, li nincꞌanjela ru.

Hechos 26:4

Chixjunileb laj judío nequeꞌxnau chanru lin yuꞌam nak xincuan chak saꞌ lin tenamit chalen chak saꞌ insa̱jilal ut toj anakcuan. Joꞌcan ajcuiꞌ aran Jerusalén nequeꞌxnau cuu.

San Lucas 2:37

Ac cuan chic ca̱hib roꞌcꞌa̱l chihab (84) xcanajic xjunes. Aꞌan cuan junelic saꞌ li templo. Yo̱ chi cꞌanjelac chiru li Ka̱cuaꞌ chi kꞌek chi cutan. Junelic yo̱ chi tijoc ut yo̱ chixba̱nunquil x-ayu̱n.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

1 Timoteo 5:5

Li xma̱lcaꞌan li jun a̱tal, caꞌaj chic riqꞌuin li Dios nayoꞌonin. Naxnumsi li cutan ut li kꞌojyi̱n chi tijoc ut naxtzꞌa̱ma chiru li Dios nak ta̱tenkꞌa̱k.